Matiyu 6:1 - Kutsingken Ira Rimam ti Saen Kyag

¹ “Ni nung nyinyang ti ni ndub-ni ijwe yi kutampwa ande risu wande ti tinyang ti ani ku nde be. Asiti ani a sa wande-ni ti tinyang pu iten, ani u shanum kujwojang Itse-ni ti ta apupwen.”

Matiyu 6:1 Iomraidhean Croise

Daniyel 4:27

Ikyaen yine ukwe, ame ku jwam fu, paembe kumyae-m ayine, fxae ikentitibi-fu ti ti nde, ti fu nde iken ti pang atang, u sae ande ti afu ku sir ba sir te ayibrisi, ikibe afu u ci ko ka uwe.”

Matiyu 16:27

I kyang ku yaen pu yi ti Umbae Unde u ru ba uwae kuko ti riyinn na Itse-wu. Atom Rimam ti apupwen te wu u ba tetso. Awu a ba pu wu, awu u ba pae unde titini kujwofwa wande ti awu nde.

Matiyu 16:6

Yesu ri te ba baa, “Ni nung afxen-ni nyinyang riben ti yisiti na ande ti kumbub Farisi ti Saduke.”

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Matiyu 23:5

Aba ku nde iken-ba meme ikyaen ti ande na nung. Nasi ti a pu bae kyi fe uwe-ba ti ajwo-ba yaen skeb ana ande meme. A ku kyae nyang unju atupwa-ba ti ande na nung.

Matiyu 25:40

“Ukwe-ba wu ama u cwe baa, ‘Ame ku ri te ni kubenti, ti ani nde iken yine te unde ti yib siskeb uwae ameinja-m abane, ani nde yi te m.’

Matiyu 5:16

Ayi si ahan ama, ni ya ta ti itinyang ti ta uwae-ni ā shag kyife uwog meme ikyaen ti ande ā sae iken tinyang-ni ayi, u sa rurob na Itse-ni ti ta apupwen.”

Matiyu 5:46

Asiti ani a ye ure te nyáng ande ti ure-ni amam, ani u tu-ni rinyangwae iki uwog Rimam be. Ni nde-ni pangma ande ti ku mbe aser ukwe ti ku ye ure tetso amam be.

Matiyu 5:48

Ni kumunn yi usom ti som-ni pangma ti Itse-ni ti apupwen kumunn yi usom ti som-wu.”

Matiyu 6:16

“Kiye ti ani a ku cwe unju, ni yir kyi-ni uwe-ni pangma ti aba ande ti kufur ku nde be. Aba ku ye uwe-ba yir kyi ikyaen ti ande na nung baa, aba na ku cwe unju. Ame ku ri te ni kubenti, a tu mam pu ba kujwojang-ba.

Matiyu 6:9

“Fengo ti ani u jwam Rimam ta ri. ‘Itse-ti ti ta apupwen, ande ā nda rinyi-fu rurob!

Markus 8:15

Yesu ri te ba baa, “Ni kab ye ti ni nung afxen-ni riben nyinyang ti yisiti na ande ti kumbub Farisi ti ana ande ti putsa ira Herodus.”

Luka 11:35

Ni ye su ijwe-ni nyinyang ikyaen ti uwog ti saen kyag ti ta rimenn-ni ā kafe-wu kufub be.

Luka 12:1

Uwae kiye wu ti ande kumbub kumbub funn u ku tur atso tur, Yesu tawe ri te ande ti awu ku kwen na ba baa, “Ni nung ijwe-ni nyinyang ti yisiti ti ku nda ande ti kumbub Farisi ndub ijwe. Ayi si ira ti kufur-ba.

Luka 12:15

Awu ri kyi cwucwo te ande ti funn atang baa, “Ni nung ijwe-ni nyinyang. Ni cwe-ni ira ti ni sa utob-ni tsi risu rifunn ande be. Unyang unde si-yi ira rifunn-wu amam be.”

Luka 16:15

Yesu ri te ba baa, “Ani ku sha ti ande na tang baa, ani na si ande ti tinyang, amaa Rimam nung pu wu riyaen utob-ni. Iken ti ande ku nung baa, ayi na si iken ti tinyang, uwe Rimam ayi si iken ti ku txi iyib.

Yohana 12:43

Aba ku sha ti ande na nda ba kuko skeb kuko ti ku ru uwog Rimam ba.

Yohana 5:44

Ani ku sha ti ni u tu risu tinyang uwog atso, amaa ani ku sha-ni ti ni u tu risu tinyang uwog Rimam be, awu ti si kinjo-wu amam. Né iken ti nde ani ru-ni uwae kinjo uwog-m be.

Wande Atom 3:12

Ti Bitrus nung ande ti funn atang meme, awu rang ba ira baa, “Ani ande ti Isirela! Imi ti nde nee ira yine fur ni ayib? Imi ti nde ani pu ayib cwu tsa ti piin? Ani ku tang baa, ribom-ti ti itinyang-ti ti nda unde wune ku kyang ikyin a?

Galatiya 6:12

Aba ande ti ku ri baa, ani na tsen kang kutxin né, aba ku sha nyang ti ande na nung ba baa, a na si ande ti tinyang. A ku kyen ricwu baa, ande ti ise na u nde ba rikaen ikyaen ira iticwu na Yesu Kristi risu kutuku ti cice.

Mbaibrane 11:26

Awu sa rikaen ti Kristi ngwa, tsi uwe skeb rifunn uten ti Ejib, ikyaen ti ayib-wu tsi risu kujwojang ti ku ba uwe.

Mbaibrane 2:1

Ikyaen yine, ti sa uwae tsi kang nyinyang risu ira ti ati fxen, ti ti jwe byinn-ti be.

Mbaibrane 6:10

Rimam tsikukunn ti kubenti. Awu u saeru-wu wande-ni, ko ure ti ani ku tso ba uwog-wu yi fengo ti ani ndeya ande-wu ti sisaen, pangma ti ani ku nde ti atang ne be.

2 Yohana 1:8

Ni nung ijwe-ni nyinyang ikyaen ti ni shanum-ni iken ti ati nde mam pu ti wande ikyaen-yi be, amaa, ti ni tu kujwojang-ni ti rimunn-yi.