Matiyu 5:9 - Kutsingken Ira Rimam ti Saen Kyag

⁹ “Itinyang si ana ande ti ku sa kujimshwur sang uwog, ikyaen ti, a u kunn ba baa, anyisu Rimam.”

Matiyu 5:9 Iomraidhean Croise

Matiyu 5:45

Asiti ani a nde ayine, ani u si anyisu na Itse-ni ti ta apupwen. Awu ku nda usir tsi ikyaen ande ti ku nde iken titibi ti ande ti ku nde iken ti tinyang meme.

Matiyu 5:48

Ni kumunn yi usom ti som-ni pangma ti Itse-ni ti apupwen kumunn yi usom ti som-wu.”

Luka 20:36

Ayi nde tu-yi ti aba u cwu cwucwo be, ikyaen ti aba pangma atom Rimam. Aba u si pangma itse-ba Rimam, ikyaen ti aba si ande ti nwunn pu ba uwae iticwu.

Luka 6:35

“Ana-m ame ku ri te ni baa, ni ye ure te ande ti rika-ni ti ni nde ba itinyang. Ni si na ba, ni byib-ni aba ripab yi be. Ani a nde ahan, kujwojang-ni u ko timambe. Ani u si pangma Itse-ni Rimam ti skeb patag. Ikyaen ti, awu Rimam ku tso itinyang-wu ru ba uwog ande ti ku nde-ba fxaefa be, fa ti ande ti ku nde ikentitibi meme.

Wande Atom 7:26

“Ucwefam-yi, awu nung ande ti Isirela ifaen iki ku byinn kutxu. Awu ku sha ti wu na kata ba u ri baa, ‘Ni fxen! Ani si-ni ameinja atso be a? Ani nde rimang ku ten atso ifu?’

Roma 12:18

Ni kwab ti ribom-ni meme ti ni som uwae kujimshwur te ande meme.

Roma 8:14

Ikyaen ti, meme ande ti Kusung Rimam ti a ku tae ba, aba si anyisu Rimam.

Roma 8:16

Kusung Rimam ti risu-wu, cwe te kusung ti ana-ti baa, ati na si anyisu Rimam.

Roma 8:19

Meme iken ti Rimam mam, som ku ji ti aten ayib, ku sae usir tiyang ti Rimam u tunn anyisu-wu tā ise.

1 Korinti 6:6

ti ani ku pu atso ru ba uwog ande ti nung-ba ira Rimam be ti aba na pwen ni rikwén.

2 Korinti 13:11

Ira ti ricwunnkyi, ameinja-m, ni som-ni nyinyang. Ni kyaenyang usom ti som-ni. Ni kwab uwae ira ti ame ri te ni. Ni ndeya atso ti ni som usom-ni tetso uwae kujimshwur. Rimam, awu ti ku nda ti ure ti kujimshwur u te ni som te atso.

2 Korinti 5:20

Ikyaen na yine ati si ande ti tsi risu unju Yesu Kristi u ku ri ira te ni. Ayi si Rimam ti ku jwam ni ti ajwo-wu ruye yi uwae wande-ti. Ati ku jwam ni yi rinyi Yesu Kristi baa, ni ba kyaenyang usom-ni te Rimam.

Galatiya 5:22

Wande ti Kusung Rimam ku nda unde nde txi ra. Ayi si ure, ti utob ti tsen, ti utob ti nae riben, ti utob ti ye, ti itindeya atso, ti itinyang ti ti nde, ti usom ti som ti kubenti.

Afisa 4:1

Ikyaen yine, ame Bulus ti nae pursuna ikyaen Itsekuru-ti, ame ku jwam ni baa, pangma ti Rimam kunn ni ti ni na som usom ti kubenti, ni som usom pangma ti awu ku sha.

Filipi 4:2

Ame ku jwam ambakaya-m Ewodiya ti Suntuke baa, a na ya ishaen ti shaen-ba ayi na ta, ti aba na cwe tetso uwae fengo Itsekuru-ti.

Kolosi 3:13

ti ni ndembeb-ni utob tetso be. Asiti unde iki uwae-ni a nda inja-wu ndembeb utob, aba ā yata na atso ikentitibi-ba. Itsekuru-ti yata na pu wu ani ikentitibi-ni, ani ama ā yata na atso ikentitibi-ni.

Mbaibrane 12:14

Ni kwab ti ni som usom kujimshwur te ande meme, ti usom ti sisaen. Ayi a si-yi te usom ti sisaen be, unde u nung-wu uwe Itsekuru be.