Matiyu 5:7 - Kutsingken Ira Rimam ti Saen Kyag

⁷ “Itinyang si ana ande ti ku nung ande te ayibrisi, ikyaen ti, Rimam u nung ba ti ayibrisi ama.

Matiyu 5:7 Iomraidhean Croise

Daniyel 4:27

Ikyaen yine ukwe, ame ku jwam fu, paembe kumyae-m ayine, fxae ikentitibi-fu ti ti nde, ti fu nde iken ti pang atang, u sae ande ti afu ku sir ba sir te ayibrisi, ikibe afu u ci ko ka uwe.”

Markus 11:25

Cwucwo, ko kiye titini ti ani a ku jwam Rimam, asiti unde iki a raen ni ira iki, ni yata na wu, ikyaen ti Itse-ni ti ta apupwen u yata na ni ikentitibi-ni ama.”

Luka 6:35

“Ana-m ame ku ri te ni baa, ni ye ure te ande ti rika-ni ti ni nde ba itinyang. Ni si na ba, ni byib-ni aba ripab yi be. Ani a nde ahan, kujwojang-ni u ko timambe. Ani u si pangma Itse-ni Rimam ti skeb patag. Ikyaen ti, awu Rimam ku tso itinyang-wu ru ba uwog ande ti ku nde-ba fxaefa be, fa ti ande ti ku nde ikentitibi meme.

Roma 11:30

Ani ande ti si-ni Mbayawuda be, ani bom risu te Rimam ti kucang, amaa, tine Rimam sae ni te ayibrisi ikyaen bom risu na Mbayawuda.

1 Korinti 7:25

Tine, ira ti rang risu anyisu wandab ti baen-ba khika be, ame ta-m te icwe iki uwog Itsekuru ikyaen-ba be, amaa, Itsekuru, yi ayibrisi-wu, nda m itsab ti a ku ru kubenti te yi, ama ame u kan te ni.

2 Korinti 4:1

Ati u yer-ti anying utob be, ikyaen ti, Rimam ti risu-wu nda ti wande yine uwae ayibrisi-wu.

Afisa 4:32

Iken ti nyang si ti ni na nde iken ti tinyang te atso u ku nung risi atso. Ni yata na atso riraen-ni pangma ti Rimam yata na pu wu ani uwae wande na Kristi.

Kolosi 3:12

Ikyaen yine, ti Rimam tsab pu wu ani ti ni si ande-wu ti sisaen, ni si ande ti utob uwae-wu, ni nung atso ti ayibrisi u nde na atso iken ti tinyang. Ni sa risu nae riben na atso ti ni nde iken-ni sku sku. Ni ye utob tetso

1 Timoti 1:13

ko ti kute, ame ri ira titibi risu-wu u txun wu asu u nda wu rikaen. Awu sae m te ayibrisi ikyaen ti ame nde ikentitibi yine uwae kufub u ru-m kubenti uwog-wu Yesu Kristi be.

1 Timoti 1:16

Amaa, Rimam tso ti tinyang-wu ru ba uwog-m ikyaen ti ande ti tsitsi ā nung baa, Yesu Kristi na ye utob te m, ko ti ame si unde ti nde ikentitibi skeb titag. Rimam nde ahan ikyaen ti aba ā ru kubenti u tu unyang ti tsi kukunn.

Mbaibrane 4:16

Ikyaen yine, ti kyen-ti ikyenricwu be. Ti bom utob u ko fer kutxom kujwokwe Rimam-ti ti site ayibrisi, ti ti ba paembe ayibrisi ti rinyangwae-wu kiye ti ati a shanum iken.

Mbaibrane 6:10

Rimam tsikukunn ti kubenti. Awu u saeru-wu wande-ni, ko ure ti ani ku tso ba uwog-wu yi fengo ti ani ndeya ande-wu ti sisaen, pangma ti ani ku nde ti atang ne be.

Yakubu 2:13

Asiti unde a ku kab-wu risi unde be, Rimam u sae-wu awu te ayibrisi be ama. Ayib risi u ci rika risu rikwen ti pwen.

Yakubu 3:17

Amaa, ben-ayib ti sī apupwen ba si ti saen kyag. Ayi ku shir kujimshwur ba, u ku nda unde nde wande-wu sku sku, u ku naa kutong ku fxen ira ande nyanyang. Ande ti site yi si ande ti ku nung risi ande, u ku nde na ande iken ti tinyang. Aba si-ba ande ti ku tsab ande tsab be, ko ande ti ku ri unju ifaen be.

1 Bitrus 2:10

Kute ani si-ni iken iki be, amaa, tine ani si pu ni ande Rimam. Kute ani tu-ni ayibrisi Rimam be, amaa, tine ani tu pu ni.