Matiyu 5:5 - Kutsingken Ira Rimam ti Saen Kyag

⁵ Itinyang si ana ande ti ku nae risu riben, ikyaen ti, utense u si ana-ba.

Matiyu 5:5 Iomraidhean Croise

Matiyu 11:29

Ni ye usu ti ana-m tso risu-ni, ti ni kwen iken uwog-m, ikyaen ti, ame ku nde iken-m skuu skuu ti risu ti nae riben. Ni ba uwog-m ti ni pu unyang.

Matiyu 21:5

“Ni ri te Mbawandab Siyon baa, ‘Sae, ukwe-fu ku ba yi uwog-fu ti risu ti nae riben. Awu tso ikyinnsu, u tso imbae ikyinnsu.’ ”

Roma 4:13

Kiye ti Rimam yer unju te Ibrahim ti anyisu-wu baa, utense meme na u si ana-ba, ayi si-yi ikyaen ti Ibrahim ye su Icwe Rimam be. Ayi si ikyaen ti awu ru kubenti uwog Rimam, u tu risu tinyang uwe-wu.

Galatiya 5:23

Ande ti site Kusung Rimam ku nde iken namtur, ama ku ye su risu-ba nyinyang. Icwe iki ta-yi ti byang kyi ande ti ku nde itso iken yine be.

Afisa 4:2

Ni nae risu riben te atso, ti ni nde iken-ni meme sku sku. Ni kaen kutxom sur utob, ti ni ye utob tetso uwae ure.

Kolosi 3:12

Ikyaen yine, ti Rimam tsab pu wu ani ti ni si ande-wu ti sisaen, ni si ande ti utob uwae-wu, ni nung atso ti ayibrisi u nde na atso iken ti tinyang. Ni sa risu nae riben na atso ti ni nde iken-ni sku sku. Ni ye utob tetso

1 Timoti 6:11

Amaa afu Timoti, afu si unde Rimam. Sa ru ijwe-fu uwae iken ti kuskwab yine meme. Kwab ti nde iken ti pang atang ko kiye titini. Tsi ti ribom ti fu ru uwae kinjo uwae fengo na Rimam ti afu ku putsa. Kwab ti si unde ti ku ye ure te ande ko kiye titini. Ko kiye titini ti afu a ku ngwa rikaen, ye utob ye. Som usom-fu ti kujimshwur.

2 Timoti 2:25

u ku nde iken sku sku, u ku kyaenyang fengo ande ti ku tsi wu ti uwe. Ikyaen ti, iki be Rimam u mbubta na ba fengo ti aba u ya ikentitibi-ba ta u ba putsa fengo ti kubenti,

Titus 3:2

Aba ā txunmbeb-ba unde iki be, aba ā ka ijwe te kubyag ti fwan, aba ā nde iken sku sku, ti aba ā som usom na kujimshwur te ande meme.

Yakubu 1:21

Ikyaen yine, ni sa ru risu-ni uwae meme iken ti ajib, ti kujwo wande titibi ti shag kyife uwog meme. Ti risu ti nae riben, ni paembe ira ti a sa tso si utob-ni, ti u nwangru tu unyang-ni.

Yakubu 3:13

Aye ti ben ayib, u nung tu ira kutampwa-ni? Awu ā tatso-yi uwae usom ti som ti kubenti, u nde wande-wu ti ben-ayib ti risu ti nae riben.

1 Bitrus 3:15

Amaa, uwae riyaen utob-ni, ni sa Kristi ti si Itsekuru tsi baa, awu na saen kyag. Ni tsi ti ujwin ko kiye titini, ikyaen ti, asiti unde iki a rang ni ira risu iken ti ani sa uwae tsi risu-yi, ani u ndetu ti ni u ri ru ye risu-ni.

1 Bitrus 3:4

Amaa, kindab ti kyae-ni ā si ana riyaen utob, ti si rinyang ti ku fwa-wu fwa be. Ayi ā si utob ti ku kab ira nyinyang, u si-wu kusung ti ku ri fa ri fa be. Ayine si iken ti Rimam ku nung wu ti rurob timambe