Matiyu 5:4 - Kutsingken Ira Rimam ti Saen Kyag

⁴ Itinyang si ana ande ti ku byir utob, ikyaen ti, Rimam u ri jim ba utob.

Matiyu 5:4 Iomraidhean Croise

Luka 16:25

“Ama Ibrahim ri te wu baa, ‘Uyin-m, tangsom te kiye ti afu som te unyang. Uwae utense Rimam nda tag fu meme iken ti tinyang, ama Lazaru tu itibi. Ama tine awu ku tsen utob-wu ike, afu ama ta uwae rikaen.

Luka 6:21

Itinyang si ana-ni, ani ande ti ku fxen ti rimenn tine, ikyaen ti, ani u ci kyikyaen. Itinyang si ana-ni, ani ande ti ku jwub ira tine, ikyaen ti, ani u skaen ikyaen.

Luka 6:25

Ayae-ni ande ti ci kyaen pu ni tine! Ani u ba fxen ti rimenn uwe ike. Ayae-ni ande ti ku skaen u ku shwu tine! Ani u ba jwub ira u kub kujwo anyi uwe ike.

Luka 7:38

Awu ba tsi isim, fer ti afxen Yesu u ku jwub, aten-wu jwae tag afxen Yesu. Awu fen aten yi te ikyinn risu-wu u ye afxen yi bur utob u sa kindob yi shin Yesu afxen.

Luka 7:50

Ama Yesu ri te unda wu baa, “Ikyaen ti afu ru kubenti afu nwangru pu fu. Ka-fu nyinyang.”

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Ititatso 21:4

Awu u fen na ba aten ayib. Aba u cwu-ba cwu cwucwo be, ricwu ti ti ten ti ira ti jwub ama u ta-yi cwucwo be. Acaeb u ye-yi aba cwucwo be, ikyaen ti ayine si iken ti kute ti wur ru pu yi.”