Matiyu 5:3 - Kutsingken Ira Rimam ti Saen Kyag

³ “Itinyang si ana ande ti saeru risu-ba uwe Rimam, ikyaen ti, Kujwokwe Rimam si pu yi ana-ba.

Matiyu 5:3 Iomraidhean Croise

Matiyu 11:25

Uwae kiye wu Yesu ri baa, “Ame fxaefa te fu Itse, Itsekuru na apupwen ti riben, ikyaen ti afu sa ira-fu tam ande ti ben yib ti ande ti site iyii, ama u sa tatso ande ti nung-ba iken be.

Matiyu 11:6

Itinyang si ana unde titini ti kab-wu uwae risu-m be!”

Matiyu 13:16

“Amaa, itinyang si ana ayib-ni ikyaen ti ayi ku sae, ti atong-ni ama, ikyaen ti ayi ku fxen ira.

Matiyu 19:14

Yesu ri baa, “Ni ya anyisu ta ti a ru ba uwog-m. Ni rwae-ni aba rwae be, ikyaen ti, Kujwokwe Rimam ti apupwen si ikyaen utso ande pangma anyisu bane.”

Matiyu 24:46

Itinyang si ana upyi wu asiti unde ti kununn a ba tu wu ku nde wande-wu. Upyi wune u tsen utob!

Matiyu 25:34

“Isim ayi awu ukwe wu u ri te aba ti ta kujwo rici-wu baa, ‘Ni ru ba ti ni ba ci rifunn itse-ni ti nde tsika ni, ani ande ti tu risu tinyang uwe Itse-m. Ni ba ti ni ci. Awu kyae iken yine tsika ni ti ti a mam utense wune.

Matiyu 3:2

baa, “Ni kafe isim ta ikentitibi-ni ikyaen ti, Kujwokwe Rimam fer mam pu yi.”

Matiyu 8:11

Kubenti, ande ko timambe u ru kujwo usir ti kiskinn ti ti ureb u ba ci ukwab na Kujwokwe Rimam. Aba u ba som te Ibrahim, ti Ishaku ti Yakubu.

Markus 10:14

Ti Yesu nung iken ti atugbug-wu ku nde, awu tso rinae u ri te ba baa, “Ni byangkyi-ni anyisu tinying ba be. Ni ya ba ta ti a ba uwog-m. Ikyaen ti, utso ande ti pangma bane ti Kujwokwe Rimam ta ikyaen-ba.

Luka 11:28

Yesu ri te wu baa, “Iyee, itinyang si ana ande ti ku fxen ira Rimam u nae risu riben te yi!”

Luka 18:14

Yesu ri te ba baa, “Ame ku ri te ni, kiye ti ande bane nwunn ru yi kununn-ba, i si unde ti ku mbe aser ukwe ti Rimam cwe ira-wu, si-yi unde ti kumbub Farisi wu be. Ikyaen ti, unde titini ti ku sha ti wu tso risu-wu baa, awu na ko pu wu unde, a u shir wu si yi riben. Unde titini ti a nae risu riben, a u nda wu kuko.”

Luka 22:29

Tine, pangma ti Itse-m nda m nae ukwe, ame ama u nda ni nae ukwe.

Luka 22:30

Kiye ti ame a nae ukwe, ani u ci u ngwa te m uwae kuru-m. Ani u som tsa atxom ukwe u pwen rikwen risu kumbub rijwe asu ifaen na anyisu Isirela.

Luka 4:18

“Kusung na Itsekuru ta risu-m ikyaen ti, awu tsab ra m ti m na sa ira-wu ti tinyang na ri te ande ti rikaen. Awu tom me ba ikyaen ti m na ri te ande ti a ye ba yir uwae rikaen upyi baa, a na saen ba na ta, ti m na ri te ande ti mbub ayib baa, aba na u tu itinung uwog, ti m na nwangru ande ti ta kujwo ande ti ku ndeshi ba.

Yohana 20:29

Yesu ri te wu baa, “Tine afu ru uwae kinjo ikyaen ti afu nung me a? Titinyang ā si ana ande ti ru uwae kinjo ko ti aba nung-ba ame be!”

Yakubu 1:10

Unde ti rifunn ama ā tsen utob uwae rikaen ti tu wu ikyaen ti, pangma ajwug irum, awu u wàen sī sī.

Yakubu 1:12

Itinyang ā si ana unde ti ye utob u som ti uwae kinjo kiye ti itimyae a ba tu wu. Kiye ti awu a ruye uwae rikaen, Rimam u nae wu ukwe, u nda wu unyang ti tsi kukunn ti Rimam yer unju baa, awu na u nda unde ti site ure te wu.

Yakubu 2:5

Ameinja-m ti utob-m, ni fxen! Ayi si-yi Rimam ti tsabsa ande ti rikaen uwae utense ti aba na si ande ti rifunn yi fengo uwae kinjo-ba be a. Aba u ci-ba rifunn kujwokwe ti wu yer unju te ande ti site ure te wu be a.

Ititatso 19:9

Isim ayine atom wu ri te m baa, “Bae ira yine. Itinyang ā si ana ande ti a yae ba ru ba uwog ukwab unda ishe na Mbae Utam wune.” Awu shem kyi cwucwo baa, “Ira yine si ira ti kubenti na Rimam.”

Ititatso 22:14

Itinyang ā si ana ande ti jwo arun-ba sisaen. Aba u tu kuko ti a u putsa ufu sang ka uwae uka, u ci awaen kutuku na unyang.

Ititatso 3:17

“Afu ku ri baa, ‘Ame site rifunn, u shanum-m iken kujwo be.’ Amaa, afu nung-fu ti afu si iken ti ayae, u jang pangma utúr unju mbapxu, u mbub ayib, u tsi ribam be.”