Matiyu 4:7 - Kutsingken Ira Rimam ti Saen Kyag

⁷ Yesu ri te kyi wu cwucwo baa, “Aba bae ama baa, afu na myae-fu Itsekuru-fu Rimam myae be.”

Matiyu 4:7 Iomraidhean Croise

Itiruye 17:2

Aba pu ira kunn tu Musa ti wu na nda ba ambyi ti a na u ngwa. Musa rang ba baa, “Ani nde rimang u pu ira kunn tu-ni ame? Ani nde rimang ku myae Yaweh kumyae?”

Itiruye 17:7

Musa kunn rinyi uwog wu baa, “Massa,” ti imbyi-wu si, Kumyae. Rinyi ti ifaen si “Meriba,” ti imbyi-wu ama si unju ti pwen. Ikyaen imi, anyisu Isirela pwen unju, u myae Yaweh kumyae, ku ri baa, “Yaweh ta se kutampwa-ti njwaa?”

Matiyu 21:16

Aba rang Yesu baa, “Afu fxen ira ti anyisu bane ku ri a.” Yesu ri te ba baa, “Een. Ani nung-ni iken ti a bae uwae Kutsingken Rimam baa, ‘Afu nda ititeb ruye unju anyisu tinying ti aba ti ku nyam abyaen’ be a.”

Matiyu 21:42

Yesu ri baa, “Ani nung ti a bae uwae Kutsingken Rimam baa, ‘Kutxom ti ande ti ku mbye asog sae ru wu ru, kutxom wune kafe kutxom ti a u mbye rikwerfe kusog atang. Rimam ti nde ayine ti ajwo-wu. Ayi si iken ti ku fur ayib uwog-ti.’ ”

Matiyu 4:10

Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Matiyu 4:4

Yesu ri te wu baa, “A bae uwae Kutsingken Rimam baa, ‘Ayi si-yi nyang wuci ti ku nda unde tsi ser be, se ira ti ku tso unju Rimam.’ ”

Luka 4:12

Yesu ri te wu baa, “A bae ama baa, ‘Myae-fu Itsekuru-fu Rimam myae be.’ ”

Wande Atom 15:10

Nung! Ani ku myae Rimam myae. Icwe Musa si usu ti rurob ti ati Mbayawuda ti risu-ti su tu-ti be. Abitse-ti ama su tu-ba ayi be. Ani u nde rimang sa usu ti rurob wune nae tsa ande ti putsa Yesu ne.

Wande Atom 5:9

Bitrus ri baa, “Afu ti ubaen-fu kyang rimang ku myae Kusung na Itsekuru-ti Rimam myae? Fxen! Ande ti nji ubaen-fu ta ufu kusog. Aba ku ba ti a ba ye fu ru ka nji pangma ti a nji ubaen-fu!”

1 Korinti 10:9

Ti myae-ti Itsekuru myae pangma ti ariki uwae-ba myae, ama ikentibi pyewen ba be.

Mbaibrane 3:9

Uwae kutur atang, abitse-ni myae m kumyae, ko ti aba nung kujwo wande-m,