Matiyu 4:5 - Kutsingken Ira Rimam ti Saen Kyag

⁵ Awu Ukwe Kukyaefa nwunn atang u pu Yesu ru yi Uka ti Saen Kyag, Urushelima, u sa wu ru ka tsi tsa risu kusog Rimam tiyang

Matiyu 4:5 Iomraidhean Croise

Nehemiya 11:1

Ande ti uwe ande ti Isirela som pu ba uwae Urushelima. Ande ti tsitsi tsab ititsab yi icwe-ba ti ushi kununn kinjo uwae rijwe na u ba som uwae Urushelima, uten ti saen kyag. Ishikununn itsongnje ti tsitsi na u som ti uwae uten uten ti tsitsi.

Nehemiya 11:18

Meme anyisu Lawi ti nae yi uten ti sisaen na Urushelima si 284.

Daniyel 9:16

Aya Itsekuru, ikyaen meme wande-fu ti pang atang, sa ru rinae-fu risu uten-fu Urushelima, rikwen-fu ti saen kyag. Ikyaen ti, ikentitibi-ti ti riraen na abitse-ti nda Urushelima ti ande-fu kafe pu ba iken ti ande ku tsag ira risu-ba ku kyang.

Daniyel 9:24

“A pu kutsab mae ita mbe rijwe tsi pu ba ikyaen ande-fu, ti uten-fu ti sisaen: ikyaen ti a na fxae bom risu-ba u ya ikentitibi-ba na ta. Aba ā twen iken titwen ikyaen itiyata ikentitibi, u som usom ti kubenti ru fife yi uwe. Ayine u kumunn iratitatso ande ti ku ya iskin ira Rimam, ti kutsa-ba, ti itiyerkob uwog ti saen siskeb.

Matiyu 27:53

Isim ti awu Yesu ti risu-wu nwunn uwae kuskab, ande ba ti nwunn uwae kuskab ne ru yi Urushelima u tso risu-ba uwog ande yang-ba akwen.

Luka 4:9

Ama Shetann ye pu kyi wu ru yi Urushelima. Aba tso ka tsitsa usen rukub kusog Rimam. Shetann ri te wu baa, “Afu a si Umbae Rimam ti kubenti, te saen ajwo-fu ta ti mbyae si riben.

Yohana 19:11

Yesu ri te wu baa, “Rimam ti nda fu kpakang wune. A baa, ayi na si-yi ahan be, afu ú site-fu ti kpakang iki risu-m be. Ikyaen yine, ikentitibi na unde ti ye me ba sang kujwo-fu beb skeb ana-fu.”

Ititatso 11:2

Amaa, myae rishen ti pakob kusog Rimam fa-fu atang be. Ikyaen ti, a sa wu na pu ba ande ti nung-ba ira Rimam be. Aba u ceb pu uka ti sisaen na Rimam fa afxen ka ishaen mae ifaen asu ifaen.