Matiyu 4:4 - Kutsingken Ira Rimam ti Saen Kyag

⁴ Yesu ri te wu baa, “A bae uwae Kutsingken Rimam baa, ‘Ayi si-yi nyang wuci ti ku nda unde tsi ser be, se ira ti ku tso unju Rimam.’ ”

Matiyu 4:4 Iomraidhean Croise

Itiruye 16:15

Kiye ti anyisu Isirela sae iken yine, aba rang atso baa, “Iken yine si imi?” Ikyaen ti a nungji-ba yi usir iki be. Ama Musa ri te ba baa, “Ayi si wuci ti Yaweh pu na ni ti ni na ci.

Itiruye 16:35

Ama anyisu Isirela ci Mánna ka asang mae ifaen, se kiye ti aba ka sang ice riben Kanana, ama sang ka nae atang.

Itiruye 16:8

Musa ri kyi baa, “Ureb ne, Yaweh u nda ni ibye ti ani u kub. Ama a ba kiskinn, awu u nda ni buredi ti ani u ci u kyaen. Ikyaen ti, Yaweh fxen pu wu unju ti ani ku pwen risu-wu. Ati si aye? Unju ti pwen-ni ayi si-yi risu-ti be, amaa, ani ku pwen yi risu Yaweh.”

Itiruye 23:15

Ni nde ukwab na buredi ti a pu yisiti si-ba atang be. Pangma ti ame ri te ni, uwae usir itsongfaen ana ishaen Abib, ani u ci buredi ti si-yi te yisiti be. Ni nde ukwab wune kiye ti ame sa tsi na ni uwae ishaen Abib, ikyaen ti ayi ā tatso itiruye-ni uwae uten Ejib. Unde iki ā ba-wu uwog-m ti ajwo ukaen be.

Matiyu 15:11

Ayi si-yi iken ti unde ku ci si rishwu ti ku ndembeb-wu uwe Rimam be. Ayi si iken ti ku tso uwae unde ba ti ku ndembeb wu uwe Rimam.”

Matiyu 4:10

Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Matiyu 4:7

Yesu ri te kyi wu cwucwo baa, “Aba bae ama baa, afu na myae-fu Itsekuru-fu Rimam myae be.”

Markus 7:20

Ama awu ri baa, “Iken ti ku ndembeb unde uwog icwe si iken ti ku tso uwae riyaen utob unde ba.

Luka 4:12

Yesu ri te wu baa, “A bae ama baa, ‘Myae-fu Itsekuru-fu Rimam myae be.’ ”

Luka 4:4

Yesu ri te wu baa, “A bae uwae Kutsingken Rimam baa, ‘I si-yi uwae wuci amam ti unde u ser be.’ ”

Luka 4:8

Yesu ri te wu baa, “A bae uwae Kutsingken Rimam baa, ‘Fen-fu unde iki be, se Itsekuru-fu Rimam amam.’ ”

Yohana 15:26

“Kiye ti Itindeya wu a ba, awu ti ame u tom ru uwog Itse ba. Awu Kusung na kubenti. Awu u ru uwog Itse ba, u nda ande u nung ira ti kubenti risu-m.

Yohana 6:63

I si Kusung Rimam ti ku nda ande unyang ti tsi kukunn. Unde u tu-wu ayi ti ajwo-wu amam be. Ira ti ame ri te ni ne, si ira Kusung, u si ira unyang.

Roma 15:4

Meme ira ti a bae uwae Kutsingken Rimam ti kute, a bae yi ikyaen ti yi kwen na ti iken. A ku sha ti ti na tu utob ti ye ti ribom utob atang. Iken yine ama u nda ti, ati u sa uwae tsi risu iken ti ku ba uwe.

Afisa 6:17

Itinwangru si kubur rika-ni. Ni sa yi bur risu, ti ni sa Kutsingken Rimam fa kujwo. Awu si uti na Kusung Rimam.