Matiyu 4:3 - Kutsingken Ira Rimam ti Saen Kyag

³ Ama Shetann ru ba tu wu u ri te wu baa, “Asiti afu a si Umbae Rimam, ri ira te atxom yine ti ayi ā kafe wuci.”

Matiyu 4:3 Iomraidhean Croise

Itiruye 16:3

“Ayi nyangskeb ti Yaweh ú wen-wu ati ti uten Ejib. Atang, ati som pakob atutong ibye, ku ci wuci ku kyaen. Amaa, ani pu ti ruye ti meme-ti na ba cwu rimenn uwae kutur ike.”

Matiyu 14:33

Ande ti tsitsi ti ta uwae kuyae atang fen Yesu u ri baa, “Kubenti, afu si Umbae Rimam.”

Matiyu 16:16

Siman Bitrus ri te wu baa, “Afu si Unde ti Rimam Tsab Tsi ti wu nwangru utense. Afu si Umbae Rimam, Rimam ti site unyang.”

Matiyu 26:63

Yesu mbub-wu unju be. Unde ti uwe wune ri te wu baa, “Ame ku jwam fu yi rinyi Rimam ti site unyang, ben uben ti ri te ti nee afu a si Unde wu ti Rimam Tsab Tsi, awu Umbae Rimam.”

Matiyu 3:17

Ti a u nunung, afxenjwin si apupwen ba ku ri baa, “Awune si Umbae-m ti riyaen utob-m, ame ku tsen utob te wu.”

Markus 1:1

Kucangtsi ira ti tinyang Yesu, Unde ti Rimam Tsab Tsi.

Markus 3:11

Ko kiye titini ti ande ti site kusung titibi a nungye wu, a ku jwunnsi riben uwe-wu, ku taen ira baa, “Afu ti si Umbae Rimam!”

Markus 5:7

u taen ira ti ribom-wu baa, “Imi ti ren fu te m, afu Yesu Umbae Rimam ti site kuko ti skeb titag? Ame ku jwam fu yi rinyi Rimam, nde-fu ame rikaen be!”

Luka 1:35

Atom wu ri te wu baa, “Kusung Rimam u si ba risu-fu. Kuko na Rimam u si ba munn fu munn. Ikyaen yine umbae wu ti afu u mbae, a u kunn wu baa Umbae ti sisaen, u si Umbae Rimam. Awu u site-wu ti ikentitibi be.

Luka 22:70

Meme-ba rang wu baa, “Afu ti si Umbae Rimam wu a?” Awu ri baa, “Ani ri pu ni baa, ame si awu.”

Luka 4:3

Ama ukwe kukyaefa wu ba ri te wu baa, “A ri baa, afu na si Umbae Rimam, ri te kutxom wune ti wu kafe wuci.”

Luka 4:41

Ajwen titibi ama ruye uwae ande yang-ba. Kiye ti aba a ru ku ye a ku taen ira baa, “Afu si Umbae na Rimam!” Awu fwan ba kibyag u cwe u nda-wu aba riyae ti a na ri ira be, ikyaen ti, a nung pu ba baa, awu na si Unde ti Rimam Tsab Tsi.

Luka 4:9

Ama Shetann ye pu kyi wu ru yi Urushelima. Aba tso ka tsitsa usen rukub kusog Rimam. Shetann ri te wu baa, “Afu a si Umbae Rimam ti kubenti, te saen ajwo-fu ta ti mbyae si riben.

Yohana 1:34

Ame nung pu m iken yine ti ayib-m. Ame ku ri te ni kubenti baa, unde wune si Umbae Rimam.”

Yohana 1:49

Nataniyel ri te wu baa, “Unde ti uwe, afu ti si Umbae Rimam. Afu ti si Ukwe na Isirela!”

Yohana 20:31

Amaa iken ti a bae tsi ne, a bae yi ikyaen ti ni na ru uwae kinjo baa, Yesu na si Unde ti Rimam Tsab Tsi, ama na si Umbae Rimam, ikyaen ti ni na ru uwae kinjo yi rinyi-wu, u tu unyang.

Yohana 9:35

Yesu fxen ye baa, a na jae pu ba unde wu kusog Rimam. Awu sha tu wu u ri te wu baa, “Afu ru uwae kinjo yi uwog na Umbae Unde a?”

Wande Atom 9:20

Isim ayine, ti kujwo, awu gbug nwunn ru yi asog Rimam na Mbayawuda, u ku tsag ira Yesu te ande. Awu ku ri baa, “Yesu si Umbae Rimam ara.”

2 Korinti 1:19

Ikyaen ti, ira na Umbae Rimam, Yesu Kristi, ti ame ti Silivanu ti Timoti tsag te ni, si-yi ira ti u kafe kafe u nda unde kab uwae risu-yi be. Iyee. Uwog na Yesu, awu a ri ira, ayi tsikunn een.

Galatiya 2:20

Kiye ti a kwer wen Kristi risu kutuku ti cice, ame te wu ta tetso. Unyang ti ame ta te wu tine si-yi ana-m be, ayi si unyang na Yesu Kristi ti ta utob-m. Usom ti som ti ame som uwae ijwe-m ne, si ikyaen ti ame ru uwae kinjo uwog Kristi, Umbae Rimam, awu ti ye ure te me u cwu ricwu ikyaen-m.

1 Tesalonika 3:5

Nee iken ti nde, isim ti ame som tu-m ti ira ti kab risu-ni cwucwo be, ame tom Timoti ru ba uwog-ni ti wu na ba ri te m ira risu ikyi ti kyang-ni yi fengo Yesu. Ame ku kyen ikyenricwu baa, iki be ukwe kukyaefa na kyaefa pu wu ani, ama itikwab ti ati kwab uwog-ni na u si ti ukaen.

Mbaibrane 12:16

Unde iki ā som-wu usom amae te iyag ti nae pangma ti Esuwa nde be. Awu sam rimenn, u sa undufu-wu jabci ikyaen wuci na kiskinn kinjo amam.

Mbaibrane 4:14

Ikyaen yine, ti ati site kukwen tiyang ti tso pu wu uwog Rimam apupwen akwen, awu Yesu Kristi Umbae Rimam, ti ye su uwae kinjo-ti ting ting.

Mbaibrane 7:3

Awu si-wu te itse, ko iya, ko rishi be, awu site-wu kucangtsi ko ricwunnkyi be. Awu si pangma Umbae Rimam, u si kukwen ti tsikukunn.

1 Yohana 3:8

Unde ti a tsikunn ikentitibi ti ti nde, awu si ana Shetann, ikyaen ti, awu Shetann ku nde ikentitibi bag ti kucang. Iken ti nda Umbae Rimam ba utense si ti wu na twenji wande titibi na Shetann.

Ititatso 2:10

Kyen-fu ikyenricwu rikaen ti u tu fu uwe ike be. Kubenti, Shetann ku kwab ti wu pu ariki uwae-ni kaa cwunnkyi pursuna, ikyaen ti a u myae ni myae. Ani u ngwa rikaen ka usir rijwe. Uwae kubenti-ni, ni cwe iticwu, ame ama u nda ni kubur unyang ti tsikukunn.”