Matiyu 4:10 - Kutsingken Ira Rimam ti Saen Kyag

¹⁰ Ama Yesu ri te wu baa, “Ko ru uwe-m ike Shetann! A bae uwae Kutsingken Rimam baa, ‘Fen Itsekuru-fu Rimam, awu kinjo-wu amam ti afu u fen.’ ”

Matiyu 4:10 Iomraidhean Croise

Itiruye 23:25

Ni fen nyáng ame, Yaweh Rimam-ni. Ame ama u nda wuci-ni ti ambyi-ni u nyang, ama u nwaen ru kicaeb kutampwa-ni.

Matiyu 16:23

Yesu kafe uwe u ri te Bitrus baa, “Afu Shetann, ko ru ru uwe-m ike! Afu si ukum ti cekyi fengo-m, ikyaen ti, ira ti kab-fu yine si ana unde, i si-yi ana Rimam be.”

Markus 1:13

Awu ta uwae kutur atang ka usir mae ifaen, Shetann ku myae wu kumyae ti wu na nde ikentitibi. Ibye anyi munn uwae kutur atang, amaa atom Rimam ti apupwen si ba ndeya wu.

Luka 10:18

Yesu ri te ba baa, “Kiye ti ani ku nde wande-ni ame nung Shetann jwunnsi apupwen ku ba pangma imam ti jaen wur.

Luka 11:18

Asiti ajwen titibi ti ta imbyi Shetann a kanta atso ama, kujwokwe-wu u tsi wu be. Ame ri ira yine ikyaen ti, ani ku ri baa, ame na ku jae ruye rijwen titibi uwae kuko na Beyel Zebul.

Luka 13:16

Asiti ani a ku nde itso iken yine, ama unda wune ti si umbae Ibrahim, ti nde ka asang rijwe asu itsongta ne, awu ko-wu ti a nwangru wu Usir ikyinn be a?”

Luka 22:3

Tiri Shetann sang utob Yawuda ti a ku kunn wu baa Iskariyoti, kinjo uwae ande ti putsa Yesu rijwe asu ifaen.

Luka 22:31

“Siman! Naa kutong! Shetann mbe pu wu riyae ti wu skae ni pangma ti unda ku skae ru ifwen uwae ayaen awum.

Luka 4:8

Yesu ri te wu baa, “A bae uwae Kutsingken Rimam baa, ‘Fen-fu unde iki be, se Itsekuru-fu Rimam amam.’ ”

Yohana 13:27

Ti ritsen ti Yawuda mbe ra buredi yi, Shetann sang ka riyaen utob-wu. Yesu ri te wu baa, “Nde ti kife ti nde iken ti afu ku sha ti fu u nde ne!”

Wande Atom 26:18

Afu ti u mbubta ayib-ba u shir ba ruye uwog kufub ba uwog ti sisaen. Afu u nwangru ba uwae kujwo Shetann ba uwog Rimam ikyaen ti wu na ya ta na ba ikentitibi-ba u nda ba kutunn-ba kutampwa ande ti ana-wu ti ku ru uwae kinjo uwog m!’ ”

Wande Atom 5:3

Bitrus ri te wu baa, “Ananiya, afu kyang rimang ya ta ti Shetann sang utob-fu u nda fu yer rifen te Kusung ti Saen Kyag na Rimam? Afu mbe aser risaen-fu ayi u ka aser-yi iki titam.

1 Korinti 5:5

Ni ya unde wune ta kujwo Shetann ikyaen ti Shetann ā twenji rimenn-wu ikyaen ti unyang-wu ā nwangru usir na Itsekuru.

1 Korinti 7:5

Afu urom, byang-fu uwa-fu iken ti awu ku sha be. Afu unda ama, byang-fu ubaen-fu iken ti awu ku sha be. Se ani a cwe pu ni meme ifaen-ni titawe baa, ani na u yata uwae kiye pang ikyaen ti ni na u sa utob-ni na Rimam uwae itijwam. Amaa, isim yine, ni kafe uwe tag atso, be, Shetann u nda ni jwunnsi ikyaen ti, ani ye su tu-ni ijwe-ni be.

2 Korinti 11:14

Ayine si-yi iken ti ku fur ayib uwog-m be, ikyaen ti, Shetann ti risu-wu ku kafe ijwe-wu pangma awu na si atom Rimam ti apupwen ti ku jaen ayib.

2 Korinti 12:7

Rimam ku sha-wu ti m na ndub pang-m ijwe risu iken ti ku fur ayib ti awu tatso m be. Ikyaen yine, a tom ra ikajwo ba ter sang m ijwe. Ayi si atom na Shetann ti wu tom ba ti wu na nde m rikaen, ti ayi ā byangkyi m ijwe ti ndub.

2 Korinti 2:11

ikyaen ti Shetann ā ci-wu rika risu-ti be. Ati nung pu ti itsab ti ana-wu.

Yakubu 4:7

Ikyaen yine, ni sa ijwe-ni konje Rimam! Ni tsi ti kpakang ti ni shaen ira Shetann, ama awu Shetann u ter ru u ya ni ta.

1 Bitrus 5:9

Ni pyir ira ukwe kukyaefa wu, ti ni tsi ting ting yi uwae kinjo-ni, ikyaen ti, ani nung pu ni baa, ameinja-ni ti tsitsi ti ta utense na ku ngwa itso rikaen yi ti ani ku ngwa ne ama.