Matiyu 3:7 - Kutsingken Ira Rimam ti Saen Kyag

⁷ Ande ndufu iki ti ta kumbub Farisi ti kumbub Saduke yang-ba akwen ba uwog-wu ama. Ti awu nung ba ku ba, awu ri te ba baa, “Ani anyisu ajwae ti ikob, aye ti ri te ni baa, ani na ter nwang rinae Rimam ti si ku ba risu-ni?

Matiyu 3:7 Iomraidhean Croise

Kucangtsi 3:15

Ame u sa kuka tsi kutampwa-fu, ti unda wu, kutampwa utso-fu, ti utso unda wu. Afu u pye wu ti ukyig kufxen, awu ama u jwog mbub risu-fu.”

Matiyu 12:24

Kiye ti ande ti kumbub Farisi fxen ira yine, aba ri baa, “Ayi si kang ajwo wande na ukwe asung titibi Beyel Zebul ti awu tu tawe u ku rwae ruye rijwen titibi te yi.”

Matiyu 12:34

Ani anyisu kufwang, ani nde rimang u ri ira ti tinyang, ti utob uwae-ni munn ti ira titibi? Ira titang ti munn uwae utob unde, si si ayi ti awu ku ri tso unju-wu.

Matiyu 15:12

Isim ira yine ande ti awu ku kwen na ba ru ba tu wu u rang wu baa, “Afu nung ti ande ti kumbub Farisi ndembeb utob kiye ti afu ri ira yine a?”

Matiyu 16:1

Ande ndufu iki ti kumbub Farisi ti kumbub Saduke ru ba uwog Yesu. Aba ku sha ti a u ye Yesu ti riraen. Ikyaen yine aba ri te wu ti wu na nde wande ti fur ayib ti a na u nung baa, ko Rimam ti na tom wu ru ba bara.

Matiyu 16:6

Yesu ri te ba baa, “Ni nung afxen-ni nyinyang riben ti yisiti na ande ti kumbub Farisi ti Saduke.”

Matiyu 22:15

Uwog wune, ande ti ta kumbub Farisi ru ka myae fengo ti aba na u txae Yesu ira unju.

Matiyu 22:23

Ti usir wu, ande ti ta kumbub Saduke ba uwog Yesu. Aba si ande ti ku ri baa, unde na a cwu pu wu, awu na u shwur-wu cwucwo be. Aba ba rang Yesu ira

Matiyu 22:34

Kiye ti ande ti kumbub Farisi fxen baa, ande ndufu ti kumbub Saduke na shanum te ira ti a u ri te Yesu, aba kunn byir atso ti uwog kinjo.

Matiyu 23:33

Ani anyisu ajwae ti ikob! Fengo ti rimang ti ani u nwangru uwae rikwen na urwa ti ku twen u jim-wu jim be?

Matiyu 5:20

Kubenti ti ame ku ri te ni, asiti ani a putsa-ni icwe Rimam yine skeb-ni ande ndufu ti nung ira icwe, ti ande ti kumbub Farisi be, ani u sang-ni Kujwokwe Rimam be ko tikiyib.”

Markus 12:13

Isim ayine, aba tom ande iki ru yi uwog Yesu ikyaen ti a na ka fxen wu ira unju, iki be aba na u tu riraen unju-wu. Ariki uwae-ba si ande ti kumbub Farisi. Ariki cwucwo si ande ti ta imbyi Ukwe Herodus.

Markus 12:18

Isim ayine cwucwo ariki ba uwog Yesu. Aba si ande ti kumbub Saduke. Abane si ande ti ku ri baa, unde a cwu pu wu, awu na u nwunn-wu uwae kuskab be. Aba ri te Yesu baa,

Markus 8:15

Yesu ri te ba baa, “Ni kab ye ti ni nung afxen-ni riben nyinyang ti yisiti na ande ti kumbub Farisi ti ana ande ti putsa ira Herodus.”

Luka 16:14

Aba ande ti kumbub Farisi si ande ti ku ye ure ti aser timambe. Ti aba fxen ira yine, a ku txir Yesu txir risu ira yi ti awu ri.

Luka 18:11

Unde ti Farisi wu fa sunwunn u jwam Rimam uwae utob-wu baa, ‘Ame ku nde fu fxaefa Rimam, ti ame si-m unde ti ku ci iken ande ti tikong be, ame si-m unde ti ku yer rifen be, ame si-m unde ti ku nae amae pangma ti ande ti tsitsi meme ku nde be.

Luka 7:30

Amaa, ande ti kumbub Farisi ti ande ti ku kwen na ande icwe sae ru itinyang ti Rimam sa ru ba ikyaen-ba, u cwe-ba ti Yohana na nde ba batisima be.

Yohana 1:24

Ande ti tom ande bane ru ba si ande ti kumbub Farisi.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

Yohana 9:40

Ariki uwae kumbub ande ti Farisi ti ta atang fxen wu ti awu ri ira yine u rang wu baa, “Ira yi ti afu ri ne tatso baa, ati ama na si ande ti mbub ayib a?”

Wande Atom 15:5

Amaa, ariki uwae ande na Yesu ti ta uwae kumbub na Farisi, nwunn ku shaen-ba baa, “Ande ti ru uwae kinjo uwog Yesu ti si-ba Mbayawuda be, a na tsen kang ba kutxin. Cwucwo a na putsa kang Icwe ti Rimam nda Musa.”

Wande Atom 20:31

Ikyaen na yine ni som ti ujwin, ti ni tangsom baa, uwae asang ita, ame ku kwen na ni iken usirtaen ti utitang, fa ti ira ti jwub.

Wande Atom 26:5

Ande bane nung pu ba ame ti kucang akwen. A baa, a na ku sha ti a ri ira risu-yi, a ú ri baa, ame si kinjo uwae kumbub na Farisi, ati ti ku putsa Icwe Rimam ti kpakang.

Wande Atom 5:17

Uwog wune kukwen Rimam tiyang, ti ande ti ku som te wu ti ta kumbub Saduke, aba ku tsinn kitsinn risu atom Yesu.

Roma 1:18

Rimam tatso pu wu ande fengo ti awu, uwae rinae-wu, u pwen ande rikwen risu kujwo wande titibi ti aba ku nde, ti ira ti kab titibi ti ta utob-ba. Ikentitibi-ba yine ku nda ba a ku cebfur ira ti kubenti.

Roma 5:9

Ama tine ti ati tu pu ti risu tinyang uwe Rimam ikyaen anying-wu, ti mbwe-yi ama, awu u nwangru kang ti uwae rinae Rimam ti ku ba.

1 Tesalonika 1:10

Ani na som ku ji usir ti Umbae Rimam na u si apupwen ba, awu ti Rimam kunn nwunn wu uwae kuskab ti unyang, awu ti u nwangru ti uwae rinae na Rimam ti ku ba.

Mbaibrane 11:7

Ayi si ti mbwe-yi ama uwog Nuhu. Ikyaen uwae kinjo, kiye ti Rimam fa wu kusen risu iken ti ku ba uwe, ti a nung-ba ayi te ayib be, awu nae risu riben, u pab kuyae tiyang ikyaen itinwangru ishikununn-wu. Yi fengo wune, awu rimbeb itibi utense, ama u kafe unde ti u ci rifunn usom ti pang atang ti a ku tu yi ruye fengo na uwae kinjo.

Mbaibrane 6:18

Rimam nde ayine ikyaen ti ti tu ribom utob atang. Awu yer unju, u yir unju ti yer ti uben ti ben, awu ku yer-wu rifen ama be. Iken ifaen yine u kafe-yi be. Ikyaen yine ati ande ti tu ititam uwog-wu ā yer-ti anying utob be.

1 Yohana 3:10

Iken ti nda ti nung itikata kutampwa anyisu Rimam ti anyisu Shetann si ti, unde ti a ku nde-wu iken ti si kubenti be, u ku ye-wu ure te inja-wu be, awu si-wu umbae Rimam be.