Matiyu 3:2 - Kutsingken Ira Rimam ti Saen Kyag

² baa, “Ni kafe isim ta ikentitibi-ni ikyaen ti, Kujwokwe Rimam fer mam pu yi.”

Matiyu 3:2 Iomraidhean Croise

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Matiyu 10:7

Ni ru ka ri te ba baa, Kujwokwe Rimam na kyang ku yaen pu yi.

Matiyu 11:20

Isim yine Yesu bag ku rimbeb uten uwog ti awu nde wande ti ku fur ayib atang, ikyaen ti, aba pyir ti a u kafe isim ta ikentitibi-ba.

Matiyu 12:41

Usir Rikwen yi, ande ti Nineve u nwunn u rimbeb ni, ikyaen ti, Jona ri te ba ira Rimam, aba kafe isim ta ikentitibi-ba. Ira ti a ku ri te ni tine skeb pu yi ana Jona.

Matiyu 13:11

Awu ri te ba baa, “Ana-ni, a nda pu ba ani ti ni na nungye ira ti kitam na Kujwokwe Rimam ti apupwen. Amaa, uwog-ba, a nda-ba aba rinda wune be.

Matiyu 13:24

Awu sunn kyi ira iki cwucwo te ba baa, Kujwokwe Rimam ti apupwen na pangma unde iki ti ru yi uwae rukong u ru ka yag itso ti tinyang atang.

Matiyu 13:31

Yesu sunn te kyi ba ira iki baa, “Kujwokwe Rimam si pangma isinn musita ti unde sa wu tso riben.

Matiyu 13:33

Yesu sunn te kyi ba ira iki cwucwo baa, “Kujwokwe Rimam ti apupwen pangma yisiti ti unda sa pang ahan tsinn fa umung kitu kumyae ita, ama ayi ndub tso ba munn ti ijwe kitu.”

Matiyu 13:47

“Cwucwo Kujwokwe Rimam si pangma kukye ti a pu si uwae uyinn u ye iwag ti tsotso.

Matiyu 13:52

Ama awu ri te ba baa, “Ikyaen ayine, unde ti ku kwen na ande icwe Rimam, asiti a kwen na pu ba awu ira Kujwokwe Rimam fa atang, awu si pangma unde ti kununn ti ku sa ruye uwae rifunn-wu iken tishe ti itikyi meme.”

Matiyu 18:23

Ikyaen ti, a ku myae Kujwokwe Rimam ti apupwen te ukwe iki ti ku sha ti wu u pwen aser ti awu ku putsa apyi-wu.

Matiyu 20:1

“Kujwokwe Rimam ti apupwen pangma unde ti risaen ti nwunn kiskinn fifae ti wu u ru ka sha ande ti u nde na wu wande uwae risaen ufang-wu.

Matiyu 22:2

“Kujwokwe Rimam ti apupwen pangma Ukwe ti mbe unda na umbae-wu.

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Matiyu 25:1

“Kujwokwe ti apupwen si pangma anyisu wandab rijwe ti pu fitila-ba kaa kyangte ubaen unda ishe.

Matiyu 25:14

“Kujwokwe Rimam si pangma ti unde iki ku ru yi fengo rikyen u kunn ande ti imbyi-wu ira u sa rifunn-wu na ba kujwo.

Matiyu 4:17

Iken ti tsi kiye wu ru fe yi uwe, Yesu bag ku ri te ande baa, “Ni kafe isim ta ikentitibi, be Kujwokwe Rimam fer mam pu yi!”

Matiyu 4:23

Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.

Matiyu 5:10

Itinyang si ana ande ti a ku nde ba rikaen ikyaen usom ti som-ba uwae kubenti, ikyaen ti, itinyang na Kujwokwe Rimam si pu yi ana-ba.

Matiyu 5:3

“Itinyang si ana ande ti saeru risu-ba uwe Rimam, ikyaen ti, Kujwokwe Rimam si pu yi ana-ba.

Matiyu 6:10

Kujwokwe-fu ā ru ba. Ande ā nde iken ti afu ku sha utense ike, pangma ti a ku nde yi apupwen akwen.

Matiyu 6:33

Ana-ni, ni sha Kujwokwe Rimam, ti usom ti som ti pang atang uwe-wu, ama awu u pu meme iken yine txwafa ni.

Markus 1:15

Awu ku ri baa, “Kiye nde pu wu ama kujwokwe Rimam ba pu wu. Ni kafe isim ta ikentitibi-ni ama ru uwae kinjo uwog Ira ti tinyang ti ame ku ri te ni!”

Markus 1:4

Ara kuben, Yohana ba ku nde batisma uwae unyim yi kutur khika, ama ku ya iski ira Rimam te ande ti a na ya ikentitibi-ba ta ikyaen ti Rimam ā ya ta na ba ikentitibi-ba.

Markus 6:12

Ama aba ru ka ya iskin ira Rimam te ande baa, a na ya ikentitibi na ta.

Luka 1:16

Awu u nda ande ti Isirela yang-ba akwen kafe ba uwog Itsekuru-ba Rimam.

Luka 11:20

Asiti kuko na Rimam ku nda m jae ruye ajwen titibi, ayi ku tso baa, Kujwokwe Rimam na ru ba pu wu uwog-ni.

Luka 13:3

Iyee! Ame ku ri te ni, asiti ani a ya ikentitibi-ni ta-ni be, meme-ni u cwu pangma ti aba cwu.

Luka 13:5

Iyee, ame ku ri te ni, se ani a ya ikentitibi-ni ta titawe be, meme-ni u cwu pangma ti aba cwu!”

Luka 15:10

Yesu ri baa, “Ayi si ahan ama atom Rimam ti apupwen ku tsen utob risu unde kinjo rikaen ti ku nde ikentitibi ti kafe isim ta ikentitibi-wu u kafe ba uwog Rimam!”

Luka 15:7

Yesu ri baa, “Ame ku ri te ni, ayi u si ahan ama, asiti unde kinjo ti ku nde ikentitibi a ya ikentitibi-wu ta, apupwen akwen a u tsen utob risu-wu skeb pu ba ande mae inje ka mbe rijwe asu itsongnje ti ku sae risu-ba baa, aba na ku nde-ba ikentitibi be.

Luka 16:30

Unde ti rifunn-wu ri baa, ‘Itse-m Ibrahim, ayine ko-yi be! A baa, unde iki na nwunn uwae iticwu na ru ka uwog-ba, aba ú ya ikentitibi ta tsi-ba tsi be.’

Luka 21:31

I si ahan ama, kiye ti ani a nung iken ti m ri ne ku nde, ni kab ye baa, Kujwokwe na Rimam na yaen pu yi ti ti ba.

Luka 24:47

Uwae rinyi-wu, a u ri te meme ande ti utense baa, aba na kafe isim ta ikentitibi ti Rimam na ya ta na ba. A u bag ira yine nwunn ti Urushelima ru fe yi ise.’

Luka 6:20

Awu txaen pu ayib sae ande ti putsa-wu u ri baa, “Itinyang si ana-ni ani ande ti rikaen, ikyaen ti, Kujwokwe Rimam si ana-ni.

Luka 9:2

Isim yine awu tom ba ru ti aba na ru ka ri ira Kujwokwe na Rimam te ande, ti aba na nwangru ande ti kicaeb.

Wande Atom 11:18

Ira Bitrus sang utob-ba, a ya ishaen ti shaen ta. Aba ku teb rinyi Rimam, a ku ri baa, “Rimam nda pu wu ande ti si-ba Mbayawuda be ama fengo ti a ya ikentitibi-ba ta u ba tu unyang ti tsi kukunn!”

Wande Atom 17:30

Ti kute, ande ta uwae kufub. Rimam sae ru iken ti aba ku nde. Amaa tine, awu ku ri te ande ti ta aka meme baa, aba na kafe isim ta ikentitibi-ba, ti a na kafe ba uwog-wu.

Wande Atom 2:38

Bitrus ri te ba baa, “Ni ya ikentitibi-ni ta, ti kafe ba uwog Rimam. Ni ba nde batisma yi rinyi na Yesu Kristi, ti Rimam ā yata na ni ikentitibi-ni. Rimam u nda ni rinyangwae, Kusung-wu ti Saen Kyag.

Wande Atom 20:21

Mbayawuda ti ande ti si-ba Mbayawuda be, ame tsi kukunn ku ri te ba baa, aba na ya ikentitibi-ba na ta ti a na ba putsa Rimam, ti a na ru kubenti uwog Itsekuru-ti Yesu.

Wande Atom 26:20

Ame ti tawe u ru ka ri ira te ande ti uka na Damasiku te ande ti Urushelima ti meme ande ti uten na Mbayawuda, ti ande ti si-ba Mbayawuda be. Ame ri te ba baa, a na ya ikentitibi-ba na ta, u kafe ba yi uwog Rimam, ti a na ba nde wande ti tinyang ti u tso ande baa, a na ya ta pu ba ikentitibi-ba.

Wande Atom 3:19

Ikyaen na yine, ni ya ikentitibi-ni ta! Ni kafe ru ba uwog Rimam ti wu ya ta na ni ikentitibi-ni, ikyaen ti ni tu riyae ti ni kyae nyang utob-ni uwog-wu.

2 Korinti 7:10

Itso utob ti ndembeb ti ru uwog Rimam ba ku nda unde kafe isim ta ikentitibi-wu u kafe ba uwog Rimam ti Rimam na nwangru wu. Unde u kab-wu uwae risu ayine be, amaa itso utob ti ndembeb ti ande ti nung-ba Yesu be ku nde, ayi ku shir iticwu ru ba risu-ba.

Kolosi 1:13

Ikyaen ti, awu sa ti ru ye pu wu uwae kufub na kujwokwe Shetann u pu ti ru ba sang kujwokwe Umbae-wu ti riyaen utob-wu.

2 Timoti 2:25

u ku nde iken sku sku, u ku kyaenyang fengo ande ti ku tsi wu ti uwe. Ikyaen ti, iki be Rimam u mbubta na ba fengo ti aba u ya ikentitibi-ba ta u ba putsa fengo ti kubenti,

Mbaibrane 6:1

Ikyaen yine, ti ya iken ti kwen ti a ku sa kwen na anyisu tinying risu Kristi ta, ti ti ru yi uwe te iken ti kwen ti rurong. I si-yi ti ati u kwen shem ira risu itiyata kujwo wande titibi be. Si-yi ti ati u kwen shem fengo ti unde u ru uwae kinjo uwog Rimam be.

2 Bitrus 3:9

Itsekuru-ti ku nde-wu kukyib ti wu kumunn unju ti yer-wu pangma ti ariki ku kab be. Awu ku ye utob te ni, ikyaen ti, awu ku sha-wu ti unde iki ā twenji be. Awu ku sha ti ande meme ā kafe isim ta ikentitibi-ba.

Ititatso 2:21

Ame nda wu riyae ti wu na ya ikentitibi-wu ta, amaa, awu shaen-wu ti wu ya iyag ti nae ta.

Ititatso 2:5

Ikyaen yine, tangsom uwog ti afu jwunnsisi atang. Ya ikentitibi-fu ta, ti nde iken ti afu nde kucang. Ayi a si-yi ahan be, ame u ba ye ra fitila-fu ru ye uwog ti wu tsi atang, ru.