Matiyu 3:12 - Kutsingken Ira Rimam ti Saen Kyag

¹² Awu ye su kutukwab-wu kujwo ti wu u ru ba skae awum atang. Awu u pu ayaen awum si uwae kurug, ama ifwen-yi awu u yaen yi si uwae urwa ti ku ten u ku jim-wu jim be.”

Matiyu 3:12 Iomraidhean Croise

Amos 9:9

Ikyaen yine, ame u nda unju, ama a u kyi ishikununn Isirela kutampwa ande meme pangma unda ti ku skae awum yi kutukwab. Ko riyaen kinjo u ta si-wu riben be.

Matiyu 13:30

Ikyaen yine, ni ya yi ta ti yi ā ser tetso se kiye ti a u bunn yi bunn. À ba kiye itibunn, ame u ri te ande ti ku bunn yi ti aba ā byir yi, ti aba ā yir yi ukaen ukaen u twen mbub yi. Ama iti tinyang, a u pu ru ka si kurug-m.”

Matiyu 13:41

Umbae Rimam u tom atom-wu ti apupwen kyang kyi fe uwae Kujwokwe-wu, ama aba u byir tag ande ti ku nda ni nde ikentitibi ti ande ti ku nde wande titibi meme.

Matiyu 13:42

Awu u pu ba ru ka jwunnsi uwae urwa uwog ti a u jwub ira u kub nger.

Matiyu 13:43

Ama ande ti som usom ti saen kyag u jijaen wur wur pangma usir yi Kujwokwe ana Itse-ba. Unde ti a site atong ti ku fxen ira, awu ā fxen.

Luka 3:16

Yohana ri te ba meme baa, “Ame ku nde na ni batisma ti ambyi, amaa unde wu ti ru ku ba skeb pu wu ame ti rurob. Ame ko-m ti m u tunn apwafxen-wu be. Awu u nde na ni batisma ti Kusung Rimam ti urwa.

Luka 3:17

Awu sa kutukwab-wu fa mam pu wu kujwo ti wu skae awum. Awu u byir ayaen-yi ti tinyang si uwae kurug, ama ifwen-yi awu u pu si uwae urwa ti ku ten ku jim-wu jim be.”

Yohana 15:2

Kujwo kutuku ti a ku waen-wu awaen be, Itse-m u pyera wu ruru. Ama awu ku kyaenyang ajwo ti ku waen awaen ti yi na waen awaen kora fa.