Matiyu 3:1 - Kutsingken Ira Rimam ti Saen Kyag

¹ Uwae kiye wune, Yohana ti ku nde batisma ba ku ya iskin ira Rimam uwae kutur khika ti ta uten Yawudiya

Matiyu 3:1 Iomraidhean Croise

Matiyu 11:11

Ame ku ri te ni, uwae ande meme ti anda mbae utense ne, unde ta-wu ti site rurob skeb Yohana be. Amaa, unde ti yib siskeb uwae Kujwokwe Rimam site rurob skeb pu wu Yohana.

Matiyu 11:7

Kiye ti ande ti umbyi Yohana kafe ku ru, Yesu bag ira ti ti ri risu Yohana te ande ti munn atang. Awu rang ba baa, “Kiye ti ani ru ka sha rifab Yohana uwae kutur khika, imi ti ani ku kab baa, ani na u nung? Ani tang baa, ani na u nung ufunn ti ku kae uwae irum amam a?

Matiyu 16:14

A ri te wu baa, “Ariki ku ri baa, afu na si Yohana ti ku nde batisma. Ariki ku ri baa, afu na si Eliya, ariki ama ku ri baa, afu na si Irimiya ko kinjo uwae ande ti ya iskin ira Rimam ti kute.”

Matiyu 21:32

Yohana unde ti ku nde batisma ba uwog-ni u tatso ni usom ti som ti saen kyag, ani ru-ni uwae kinjo uwog-wu be. Amaa ande ti ku mbe aser akwe ti iyaen ru uwae kinjo uwog-wu. Isim yine, ko ti ani nung iken yine, ani kafe isim ta-ni ikentitibi-ni be. Ani ru-ni uwae kinjo uwog-wu be.”

Matiyu 3:8

Ni nde iken ti u tso baa, ani na ya ikentitibi-ni ta pu ni.

Markus 1:15

Awu ku ri baa, “Kiye nde pu wu ama kujwokwe Rimam ba pu wu. Ni kafe isim ta ikentitibi-ni ama ru uwae kinjo uwog Ira ti tinyang ti ame ku ri te ni!”

Markus 1:2

Ayi pangma ti a bae uwae kutsingken Ishaya unde ti ku ya iskin ira Rimam baa, “Nung, ame tom atom-m ku ru uwe-fu, ti wu u kyae na fu fengo.”

Luka 1:76

Amaa, afu umbae-m, a u kunn fu baa, unde ti ku ya iskin ira Rimam, Rimam ti skeb ti tag. Ikyaen ti, afu u ru uwe Itsekuru-ti u ka kyae nyang fengo tsi ku ji wu.

Luka 7:24

Isim-yi ti atom Yohana nwunn ru, Yesu nwunn ku ri ira risu Yohana te ande ti funn atang. Awu ku ri te ba baa, “Kiye ti ani ru ka sha rifab Yohana uwae kutur, itso unde titini ti ani ku kab baa, ani na u nung? Unde ti ira-wu kafe kafe pangma irum ti ufunn ku kae uwae kutur a.

Wande Atom 1:22

Ti tsab unde iki ti si kinjo uwae-ti kiye ti Yesu te ti ta te atso kucang, tsi kiye ti Yohana ku nde batisma ba sang kiye ti a ye ra Yesu uwog-ti tso yi apupwen.”