Matiyu 2:12 - Kutsingken Ira Rimam ti Saen Kyag

¹² Kiye ti a kunnji mam Yesu ira, Rimam fwa ba kusen uwae kurwa baa, aba na kafe ka-ba uwog Ukwe Herodus cwucwo be. Ikyaen yine aba putsa fengo iki u kafe ru yi uten-ba.

Matiyu 2:12 Iomraidhean Croise

Kucangtsi 31:24

Amaa, Rimam ba uwog Laban uwae kurwa, u fa wu kusen baa, “Ri-fu ira iki, ko ti tinyang ko titibi te Yakubu be.”

Itiruye 1:17

Amaa, anda ba kyen ikyenricwu Rimam, u nde-ba pangma ti ukwe Ejib ri te ba be. A ya anyisu ti arom ba ta ti unyang.

Daniyel 2:19

Yi utitang wu Rimam tatso Daniyel imbyi kurwa yi, ama Daniyel teb Rimam ti apupwen.

Matiyu 1:20

Amaa, isim ti awu kab mam pu wu ira yine uwae utob-wu, atom Rimam iki ru ba tu wu uwae kurwa u ri te wu baa, “Yusufu, umbae Dawuda, kyen-fu ikyenricwu be. Mbe Mberimu, ikyaen ti, rishwu ti awu kyaen ne, Kusung Rimam ti nda wu rishwu yi.

Matiyu 2:13

Isim ti ande ti rikyen ba ru pu ba, atom na Rimam iki ba tu Yusufu uwae kurwa u ri te wu baa, “Sunwunn ti pura umbae wu ti iya-wu ter ru ka tam uten ti Ejib, se kiye ti ame a ri te fu titawe, ikyaen ti, ayi u tsi-yi tsi be Herodus u sha unyang umbae wu.”

Matiyu 2:19

Kiye ti Ukwe Herodus cwu pu wu, atom na Rimam iki ru ba tu kyi Yusufu uwae uten Ejib

Matiyu 2:22

Amaa, ti awu fxen baa, Arkelawus umbae ukwe Herodus na tsokyi pu wu ukwe itse-wu Herodus uwae uten ti Yawudiya, ikyenricwu ye Yusufu ti awu u ka atang. Ama Rimam tom atom-wu ba uwog-wu u fwa wu kusen yi uwae kurwa. Ikyaen yine awu nwunn u ru yi uten ti Galili,

Matiyu 27:19

Cwucwo, kiye ti awu ku pwen Yesu rikwen, uwa-wu tom unde iki ba ri te wu baa, “Nde-fu iken iki te unde ti saen kyag wune be, ikyaen ti, ame ngwa rikaen yang-yi akwen uwae kurwa ikyaen-wu.”

Luka 2:26

Ti kucang-yi Kusung Rimam tatso wu baa, awu na u cwu-wu be se ti awu a nung pu wu itiba na Unde wu ti Itsekuru-ti Rimam Tsab Tsi titawe.

Wande Atom 10:22

A ri te wu baa, “Unde ti uwe-ti Korneliyu tom ti ba uwog-fu. Awu si unde ti tinyang u ku fen Rimam. Ande-fu Mbayawuda meme nung pu ba baa, awu na si unde ti ku fen Rimam. Atom Rimam iki ri te wu baa, awu na yae fu ru ka kununn-wu ikyaen ti wu na fxen ira ti afu na u ri te wu.”

Wande Atom 4:19

Amaa Bitrus ti Yohana ri te ba baa, “Ni ri te ti! Ayi nyang skeb ti ti fxen ira na Rimam ree, re ana-ni?

Wande Atom 5:29

Bitrus ti ande ti atom ti tsitsi ri baa, “Ayi nyang skeb ti ati fxen ira Rimam skeb ira na ande.

1 Korinti 3:19

Ikyaen ti, iken ti ande ti utense ku tang baa, ayi na si ben-ayib, ben-ayib ayine si kuskwab uwe Rimam. A bae uwae Kutsingken Rimam baa, “Rimam ku ye ande ti itsab uwae itsab-ba.”

Mbaibrane 11:7

Ayi si ti mbwe-yi ama uwog Nuhu. Ikyaen uwae kinjo, kiye ti Rimam fa wu kusen risu iken ti ku ba uwe, ti a nung-ba ayi te ayib be, awu nae risu riben, u pab kuyae tiyang ikyaen itinwangru ishikununn-wu. Yi fengo wune, awu rimbeb itibi utense, ama u kafe unde ti u ci rifunn usom ti pang atang ti a ku tu yi ruye fengo na uwae kinjo.

Mbaibrane 8:5

Meme wande-ba ti a ku nde utense ike si kubyung iken ti apupwen. Kiye ti Musa ku pwen ti wu kyae kufug Rimam ti Saen Kyag, Rimam ri te wu baa, “Nung! Nde tag meme wande yi putsa iken ti ame tso fu kitaen rikwen akwen.”