Matiyu 16:3 - Kutsingken Ira Rimam ti Saen Kyag

³ Kiye iki ama, kiskinn fifae ti usir a pur ku tso, asiti apwa apupwen a jwom u bibyaen, ani ku ri baa, ‘Upwen u tsa yaka ne.’ Ani nung pu ni ti ni u ri baa, usir na u tsi ko upwen na u tsa. Amaa, iken ku nde uwae utense ike tine ti ku tatso iken ti u ba uwe, ama, ani nungye-ni ayi be.

Matiyu 16:3 Iomraidhean Croise

Matiyu 11:5

Ande ti mbub ayib ku sae uwog, ande ti pxib afxen ku kyang ikyin, ande ti kicaeb ikum ku tu ijwe ti saen, ande ti tsi atong ku fxen ira, a ku kunn shwur ande ti cwucwu, ande ti rikaen tu ira tinyang ku fxen.

Matiyu 15:7

Ani ande ti kufur! Ani si pangma ti Ishaya unde ti ya iskin ira Rimam ri risu-ni kute baa,

Matiyu 22:18

Yesu nung mam pu wu ira titibi ti aba ku myae rishwu-ba u ri te ba baa, “Ani ande ti kufur! Ani kyang rimang ku sha ti ni myae me myae?

Matiyu 23:13

“Ayae-ni, ani ande ti kumbub Farisi ti ani ande ti ku kwen na ande ira Icwe. Ani ande ti kufur! Ani cwunnkyi ufu kusog Kujwokwe ti apupwen ayib ande, amaa ani ti risu-ni, i si-yi ti ani u sang-ni be, cwucwo ande ti kwab ti a u sang, ani byang kyi ba fengo.

Matiyu 4:23

Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.

Matiyu 7:5

Afu unde ti kufur! Sa ru iken ti rikem ti ta uwae riyib-fu ne titawe afu u sae tu iken tikiyib ti ta uwae riyib inja-fu.

Luka 11:44

Ani pangma askab ti a nji ande atang u takyi yi, ande ku kyang risu-yi u nung-ba be.”

Luka 12:56

Ani ande ti ku ndub ijwe! Ani ku nde tu ti ni u ri imbyi iken ti ku nde apupwen ti riben. Ani kyang rimang nung tu-ni ti ni ri imbyi iken ti ku nde uwae kiye wune be?

Luka 13:15

Yesu ri te wu baa, “Ani ande ti kufur! Ani ku saen ta mbawen-ni ti indag-ni u ku pu yi ru ka ngwa-ni ambyi Usir ikyinn be a?

Mbaibrane 5:14

Amaa, asiti unde a ku kab tu ira u kwen ye pu wu iken ti si kubenti ti iken ti si rifen, unde wune serben pu wu u fxae pu wu abyaen ti nyam u ku ci kiraen tiri.