Matiyu 16:1 - Kutsingken Ira Rimam ti Saen Kyag

¹ Ande ndufu iki ti kumbub Farisi ti kumbub Saduke ru ba uwog Yesu. Aba ku sha ti a u ye Yesu ti riraen. Ikyaen yine aba ri te wu ti wu na nde wande ti fur ayib ti a na u nung baa, ko Rimam ti na tom wu ru ba bara.

Matiyu 16:1 Iomraidhean Croise

Matiyu 12:14

Ande ba ti ta kumbub Farisi nwunn u ru u ka myae ira risu fengo ti a u wen Yesu.

Matiyu 15:1

Kiye iki ande ti kumbub Farisi ti ande ti ku kwen na ande icwe ru Urushelima ba uwog Yesu u rang wu baa,

Matiyu 16:6

Yesu ri te ba baa, “Ni nung afxen-ni nyinyang riben ti yisiti na ande ti kumbub Farisi ti Saduke.”

Matiyu 19:3

Ande ti kumbub Farisi ru ba myae wu kumyae u ri baa, “Uwog-fu, i nyang ti unde ā fxae iben-wu te uwa-wu, asiti awu a ku sha a?”

Matiyu 22:15

Uwog wune, ande ti ta kumbub Farisi ru ka myae fengo ti aba na u txae Yesu ira unju.

Matiyu 22:18

Yesu nung mam pu wu ira titibi ti aba ku myae rishwu-ba u ri te ba baa, “Ani ande ti kufur! Ani kyang rimang ku sha ti ni myae me myae?

Matiyu 22:23

Ti usir wu, ande ti ta kumbub Saduke ba uwog Yesu. Aba si ande ti ku ri baa, unde na a cwu pu wu, awu na u shwur-wu cwucwo be. Aba ba rang Yesu ira

Matiyu 23:2

“Ande ti ku kwen na ande icwe Rimam ti kumbub Farisi si ande ti a nda ba kuko ti a na ri te ande imbyi icwe Musa.

Matiyu 27:62

Iken yine nde riben usir ukwab-ba kiye ti a ku kyae ijwe-ba tsi ku ji ukwab tiyang ti a u nde ucwefam-yi. Akwen tiyang ti kumbub Farisi byir atso uwog Bilatus.

Matiyu 5:20

Kubenti ti ame ku ri te ni, asiti ani a putsa-ni icwe Rimam yine skeb-ni ande ndufu ti nung ira icwe, ti ande ti kumbub Farisi be, ani u sang-ni Kujwokwe Rimam be ko tikiyib.”

Matiyu 9:11

Ama kiye ti ande ti kumbub Farisi nung yi, aba rang atugbug Yesu baa, “Iken ti nde titawe unde ti uwe-ni ku ci wuci te ande ti ku mbe aser akwe ti utso ande bane ti ku putsa-ba icwe be si imi?”

Markus 10:2

Uwog wune, ande ndufu iki ti kumbub Farisi ru ba uwog-wu ikyaen ti a na fxen wu ira unju. A byib wu baa, “Uwae icwe, a byang kyi unde ti wu u wen ribaen-wu ti uwa-wu a?”

Markus 12:15

Ama Yesu nungye pu wu ti aba ku fur ira. Awu rang ba baa, “Ani kyang rimang ku fxen me ira unju? Ni sa riyaen aser ba ti m nung!”

Markus 12:18

Isim ayine cwucwo ariki ba uwog Yesu. Aba si ande ti kumbub Saduke. Abane si ande ti ku ri baa, unde a cwu pu wu, awu na u nwunn-wu uwae kuskab be. Aba ri te Yesu baa,

Luka 10:25

Isim ayine unde iki ti ku kwen na ande Icwe Rimam fa sunwunn ku sha ti wu myae Yesu kumyae. Awu rang Yesu baa, “Unde ti uwe, ame u nde rimang itawe ame u tu unyang ti tsikukunn?”

Luka 11:16

Ariki ama ku sha ti a txae wu kutxae. A jwam wu baa, awu na nde iken iki ti u tso baa, kuko-wu na ru uwog Rimam ba.

Luka 20:23

Ama Yesu nungye pu wu kutxae-ba u ri te ba baa,

Luka 20:27

Usir iki ande iki ti ta kumbub Saduke ru ba uwog Yesu. Aba si ande ti ku ri baa, unde a cwu pu wu awu na u nwunn-wu uwae iticwu cwucwo be.

Yohana 8:6

Ira yine, aba ri yi ti uwae kutxae ti aba na u ye Yesu ti riraen. Ama awu pu ku riben u sa kukyikyin kujwo-wu u ku bae iken riben.

Wande Atom 4:1

Kiye ti Bitrus ti Yohana ku ri ira te ande, ande iki ru ba uwog-ba. Aba si akwen Rimam, ti unde ti uwe na akyirten ti ku som kyi Kusog Rimam Tiyang, ti ande iki ti kumbub Saduke.

Wande Atom 5:17

Uwog wune kukwen Rimam tiyang, ti ande ti ku som te wu ti ta kumbub Saduke, aba ku tsinn kitsinn risu atom Yesu.

1 Korinti 1:22

Mbayawuda ku sha kob ti a u sae iken ti ku fur ayib ti ku tso kuko na Rimam. Mbahelene ku sa utob-ba tsi kob risu iken ti nung-ba amam.