Matiyu 14:3 - Kutsingken Ira Rimam ti Saen Kyag

³ Ti kucang-yi Herodus ye Yohana, u cwong wu, u pu cwunn pursuna ikyaen Hirodiya, uwa inja-wu Filip.

Matiyu 14:3 Iomraidhean Croise

Matiyu 11:2

Uwae kiye wune Yohana unde ti ku nde batisma ta uwae pursuna. Ti awu fxen iten wande ti Yesu ku nde, awu tom ande-wu iki ru ka uwog Yesu.

Matiyu 14:6

Amaa, kiye ti Herodus ba sang usir ti a mbae wu atang, awu nde ukwab u nda unda Herodus se ise ayib ujwunn ande ti funn atang. Ise mbawandab wune nyang uwae Herodus timambe.

Matiyu 4:12

Ti Yesu fxen baa, a na ye Yohana na cwunnkyi uwae pursuna, awu nwunn u kafe ba ti uten ti Galili.

Markus 6:14

Ukwe Herodus fxen ira yi meme, ikyaen ti, iten Yesu shag kyi fe uwog meme. Ariki ku ri baa, Yesu na si Yohana ti ku nde batisma ti a wen kute, ti na kafe ba. Né iken ti nde, Yesu ku nde iken-wu ti kuko ahan.

Markus 6:17

Ayi si Ukwe Herodus ti nde fengo ti a ye Yohana cwunnkyi uwae pursuna ti kute. Herodus nde ayine ikyaen ti, Yohana tu wu ti riraen risu Herodus ti awu mbe, ko ti unda wu si pu wu uwa inja-wu Filip.

Markus 6:19

Ikyaen ayine, unda wu, ti rinyi-wu si Herodus, ndembeb utob ti Yohana u myae wu itiwen. Awu tu-wu fengo be,

Markus 6:22

Ama umbae Herodus ti unda sang ba ama u se ise ti nda Herodus ti ande-wu utob titsen. Herodus ri te mbawandab wu baa, “Ri te m iken ti afu ku sha, ame u nda fu.”

Markus 8:15

Yesu ri te ba baa, “Ni kab ye ti ni nung afxen-ni riben nyinyang ti yisiti na ande ti kumbub Farisi ti ana ande ti putsa ira Herodus.”

Luka 13:1

Uwae kiye wu ariki uwae ande ti som atang tsag te Yesu ira risu ande ti Galili iki ti Bilatus wen ba kiye ti aba ku yerwen iken na Rimam.

Luka 13:31

Uwae kiye wu, ande iki ti kumbub Farisi ru ba tu wu u ri te wu baa, “I nyang skeb ti fu nwunn ike ti kyang ikyin-fu ru yi uwog iki, be, Herodus ku sha ti wu u wen fu.”

Luka 23:11

Herodus ti akyirten-wu txir Yesu itxir u sae ru wu. A pu arun ukwe sī wu, u pu wu kafe ba na Bilatus.

Luka 23:7

Isim ti awu fxen baa, Yesu na ruye uten ti Herodus nae ukwe atang, awu pu Yesu tom ru ka na Herodus. Uwae kiye yi, Herodus ti risu-wu ta Urushelima.

Luka 3:1

Uwae kusang ti fa ti rijwe asu itsong na Ukwe Tiberiya Kaisar, kiye ti Buntus Bilatus si unde ti uwe uten Yawudiya, Herodus si ukwe ti Galili, inja-wu Filip si ukwe na uten ti Ituriya ti Tirakonitu; Lisaniya ama si ukwe na Abilene.

Luka 8:3

Iki si Yowana uwa Kuza unde ti si kinjo uwae afaen Ukwe Herodus. Iki ama si Susana. Anda bane ku ndeya Yesu ti ande ti putsa-wu ti iken ti aba site.

Wande Atom 12:1

Uwae kiye wune Ukwe Herodus nwunn ku nda ande na Yesu iki rikaen.

Wande Atom 4:27

Ara kubenti, Itsekuru-ti Rimam, Ukwe Herodus ti Bilatus Buntus ti Mbayawuda ti ande ti nung-ba Rimam be byir risu-ba. Aba tsi ukub te Yesu, Umbae-fu ti Saen Kyag, Unde wu ti afu Tsab Tsi.