Matiyu 11:1 - Kutsingken Ira Rimam ti Saen Kyag

¹ Isim ti Yesu fa mam pu wu atugbug-wu rijwe asu ifaen kusen, awu nwunn u ya uwog atang ta u ru ka kwen na ande iken, ama u ri ira Rimam te ande uwae uten uten ti pakob atang.

Matiyu 11:1 Iomraidhean Croise

Matiyu 28:20

ti ni kwen na ba ti aba ā putsa ira ti ame kwen na ni meme. Ame ama te ni ta tetso ko kiye titini ru ka sang ti usir ti ricwunnkyi.”

Matiyu 4:23

Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.

Matiyu 7:28

Kiye ti Yesu ri mam ira yi, ayib fur ande ti putsa wu risu iken ti awu kwen na ba,

Matiyu 9:35

Yesu nwunn u sang uwae uten tiyang ti imbae uten u ku kwen na ande ira Rimam uwae asog Rimam-ba. Awu ku ri te ba ira ti tinyang risu Kujwokwe Rimam u ku nwangru ande ti site acaeb ti tsotso.

Markus 6:12

Ama aba ru ka ya iskin ira Rimam te ande baa, a na ya ikentitibi na ta.

Luka 23:5

Amaa, aba tsikunn ti ti ri ti ribom baa, “Iken ti awu ku kwen na ande nda uten-ti meme kyirunn. Awu bag yi uwae Galili u nwunn kyang tag uwae uten Yawudiya meme. Tine awu sang ba pu wu ike.”

Luka 8:1

Isim yine kpang, Yesu nwunn u kyang putsa uwae uten uten, itiyang ti itikitinying meme, ku ri te ande ira tinyang na Kujwokwe Rimam. Aba rijwe asu ifaen ti awu tsab ba tsab putsa wu ama,

Yohana 15:10

Asiti ani a ku nae risu riben te icwe-m, ani u tsikunn ti ku som usom uwae ure ti ana-m, pangma ti ame nae risu riben te icwe na Itse-m u tsikunn ti ku som usom uwae ure ti ana-wu ama.

Yohana 15:14

Asiti ani a nde wande te ira ti ame ri te ni, ani si arwan-m.

Wande Atom 1:2

ba sang usir ti awu tso yi apupwen. Ti ti awu tso-wu yi apupwen khika be, Kusung ti Saen Kyag nda wu ri ira te atom-wu iki ti awu tsab tsi. Awu tatso ba iken ti aba u nde.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.

Wande Atom 10:42

Awu ri te ti iken ti ati u nde. Ati na u ri te ande ira-wu baa, awu na si Unde ti Rimam Tsab Tsi ti wu pwen ande meme rikwen, aba ti tsi user ti aba ti cwucwu.

1 Tesalonika 4:2

Ikyaen ti, ani nung pu ni ira ti ati ri te ni yi rinyi na Itsekuru-ti Yesu.

2 Tesalonika 3:10

Ira yi ti ati ku ri te ni ne, ati fwa pu ti pu kusen risu-yi uwog-ni ti kucang baa, unde titini ti a cwe-wu ti wu u nde wande be, awu ā ci-wu wuci be ama.

2 Tesalonika 3:6

Ameinja, ati ku fwa ni kusen yi rinyi na Itsekuru-ti Yesu Kristi baa, unde titini kutampwa-ni ti a cwe-wu ti wu na nde wande be, ni ren-ni risu te wu be.

1 Timoti 6:14

nae risu riben ti icwe ti a nda fu ne. Ye su yi nyinyang ikyaen ti iken iki ā ndembeb-yi atang be, sa tsi ike ru fe yi Usir ti Itsekuru-ti Yesu Kristi a ru ba.