Matiyu 10:6 - Kutsingken Ira Rimam ti Saen Kyag

⁶ Ni ru yi uwog rishi Isirela, aba iwen ti yag fufa.

Matiyu 10:6 Iomraidhean Croise

Matiyu 18:10

“Ni sae ru-ni ko kinjo uwae anyisu tinying bane be. Ame ku ri te ni baa, aba na site atom-ba ti apupwen ti ku sae uwe Itse-m ti ta apupwen.

Luka 24:47

Uwae rinyi-wu, a u ri te meme ande ti utense baa, aba na kafe isim ta ikentitibi ti Rimam na ya ta na ba. A u bag ira yine nwunn ti Urushelima ru fe yi ise.’

Wande Atom 13:46

Amaa Bulus ti Barnaba tsi kunn ku ri ira ti ribom-ba baa, “Ati sa kang ira Rimam ri te ni Mbayawuda itawe ande ti tsitsi. Amaa ani shaen-ni, ku sae ru yi. Ayine tatso baa, ani pwen pu ni risu-ni rikwen baa, ani ko-ni ti ni na tu unyang ti tsi kukunn be. Ikyaen na yine, ati ya ni ta pu ti. Uwe ike ati u ri ira Rimam te ande ti si-ba Mbayawuda be.”

Wande Atom 18:6

Amaa, aba pyir-ba ira-wu u ku ri ira titibi risu-wu. Ikyaen yine, Bulus fwer isa afxen-wu si fa ba ti atang u ri te ba baa, “Ani Mbayawuda, anying-ni ā tso ti risu-ni! Ira-m iki fa-yi atang cwucwo be. Tsi kunn yaka ru fe uwe, ame u ru ka u ri ira Rimam uwog ande ti si-ba Mbayawuda be.”

Wande Atom 26:20

Ame ti tawe u ru ka ri ira te ande ti uka na Damasiku te ande ti Urushelima ti meme ande ti uten na Mbayawuda, ti ande ti si-ba Mbayawuda be. Ame ri te ba baa, a na ya ikentitibi-ba na ta, u kafe ba yi uwog Rimam, ti a na ba nde wande ti tinyang ti u tso ande baa, a na ya ta pu ba ikentitibi-ba.

Wande Atom 3:26

Si si ani Mbayawuda ti Rimam tom Umbae-wu Yesu ba uwog-ni titawe, ikyaen ti wu na nda ni itinyang u kafe utob-ni ba uwog-wu ti ni na ya ikentitibi-ni ta.”

1 Bitrus 2:25

Tikucang, ani si pangma iwentam ti jwe bibyinn. Amaa, tine, ani kafe ba pu ni uwog Itsekuru-ni ti ku shi ni shi, awu ti ku nungkyi unyang-ni.