Matiyu 10:3 - Kutsingken Ira Rimam ti Saen Kyag

³ Filip ti Bartolomu; Toma ti Matiyu, unde ti ku mbe aser akwe; Yakubu umbae Alifas, ti Tadeyus;

Matiyu 10:3 Iomraidhean Croise

Matiyu 18:17

Asiti awu a fxen-wu ande bane be, sa ira yi tsag te andufu uwae kumbub ande na Rimam. Asiti awu a fxen-wu andufu be, ni sa wu tsi pangma unde ti nung-wu Rimam be ko unde ti ku mbe aser ukwe.

Matiyu 27:56

Mberimu Magadalen ta uwae anda bane ama, ti Mberimu iya Yakubu ti Yusufu, ti iya anyisu Zebedi.

Matiyu 9:9

Ti Yesu nwunn uwog atang u kyang ku ru, awu nung unde iki ti ku mbe aser akwe ti rinyi-wu baa, Matiyu. Unde wu som uwae kusog uwog ti awu ku nde wande-wu atang. Yesu ri te wu baa, “Putsa m.” Ti ritsen Matiyu sunwunn u putsa Yesu.

Markus 15:40

Anda iki ta atang, aba tsi fengo ti rwen, ku sae iken yi ti ku nde ne. Aba si Salome ti Mberimu Magadalen ti Mberimu iya Yose ti Yakubu ti ricwunnkyi, fa kyi ti anda iki.

Markus 2:14

Ti awu ya ku fe, awu nung Lawi, umbae Alifas, som unju wande-wu. Awu ku mbe aser ukwe ti uten. Yesu ri te wu baa, “Putsa m!” Lawi nwunn, putsa wu.

Markus 3:18

ti Andarawu ti Filip, ti Bartolomu ti Matiyu, ti Toma ti Yakubu Umbae Alifas, ti Tadeyus, ti Siman Mbakanani,

Luka 18:10

Awu ri te ba baa, “Usir iki ande ifaen ru ka kusog Rimam ti a ka jwam Rimam. Kinjo si unde ti kumbub Farisi, ti ifaen ama si kinjo uwae ande ti ku mbe aser ukwe, ti ande ku cwe-ba ira-ba be.

Luka 18:11

Unde ti Farisi wu fa sunwunn u jwam Rimam uwae utob-wu baa, ‘Ame ku nde fu fxaefa Rimam, ti ame si-m unde ti ku ci iken ande ti tikong be, ame si-m unde ti ku yer rifen be, ame si-m unde ti ku nae amae pangma ti ande ti tsitsi meme ku nde be.

Luka 18:13

Ama unde wu ti ku mbe aser ukwe tsi ti fengo ti rwen. Awu pu ayib tso-wu ritsen be, u kum kikog-wu amam, u ri baa, ‘Rimam, nung m te ayibrisi, ame si unde titibi.’ ”

Luka 19:2

Unde iki ta atang, rinyi-wu si Zaka. Awu si unde ti uwe ande ti ku mbe aser ukwe u si unde ti rifunn.

Luka 5:27

Isim yine Yesu ya ba ta u ruye yi ise u ka tu unde iki ti som ufu kusog ti a ku mbe aser ukwe atang. Awu si unde ti ku mbe aser ukwe. Rinyi-wu si Lawi. Yesu ri te wu baa, “Putsa m.”

Yohana 1:48

Nataniyel rang wu baa, “Afu kyang rimang u nungye m?” Yesu ri te wu baa, “Ame nung fu kiye ti afu som umbyi kututung ti ti Filip kunn-wu afu ira khika be.”

Yohana 11:16

Toma, ti a ku kunn wu baa, Umbashe, ri te ande ti putsa Yesu ti tsitsi baa, “Ni ru ba ti ti putsa-wu ru ti ti ru ka te wu cwu te atso.”

Yohana 14:22

Uwog ne Yawuda rang baa, “Itsekuru, ayi u nde rimang ti afu u tso risu-fu uwog-ti u tso-fu risu-fu uwog ande ti utense be?” (Yawuda ti rang ira yine si-wu Yawuda Iskariyoti be, awu si Yawuda iki.)

Yohana 14:5

Toma ri te wu baa, “Itsekuru, ati nung-ti uwog ti afu ku ru yi atang be, ati u nde rimang u nung fengo?”

Yohana 14:9

Yesu ri baa, “Filip, ame te ni ta tí kucang akwen, ama afu nungye-fu ame khika be a? Unde titini ti awu a nung pu wu ame, awu nung pu wu Itse-m awu ama. Imi ti nde titawe afu jwam baa, ame na tatso ni Itse-m awu?

Yohana 21:2

Siman Bitrus ti Toma (ti a ku kunn wu baa, mbae íshe), ti Nataniyel unde ti Kana uwae Galili, ti anyisu Zebedi ti kyi ande na Yesu ifaen iki cwucwo, meme-ba funn uwog kinjo.

Wande Atom 1:13

Ti aba sang uwae uka, aba ru yi uwog ti aba ku nae atang. Ande ti ta atang kiye wu si Bitrus ti Yohana ti Yakubu ti Andarawu ti Filip ti Toma ti Bartolomu ti Matiyu ti Yakubu umbae Alifas ti Yawuda umbae Yakubu ti Siman ti a ku ri baa, awu na si unde ti kitsinn risu uten-wu, a som uwog kinjo.

Wande Atom 12:17

Awu nde ba kujwo baa, aba na bwe tag bwe tag u tsag te ba itso fengo ti Itsekuru Yesu nde nee awu sa wu ruye uwae pursuna. Awu ri te ba baa, “Ni ri ira yine te Yakubu ti ande na Yesu ti tsitsi.” Isim yine awu ya ba ta u nwunn ru uwog iki.

Wande Atom 15:13

Kiye ti a ri mam ira-ba, Yakubu sa ra unju tso u ri baa, “Ni naa atong uwog-m ike ameinja.

Wande Atom 21:18

Ucwefam-yi Bulus pu ti ru ka u tu Yakubu. Meme ande ndufu na ande na Yesu funn pu ba atang.

Galatiya 1:19

Kiye ti ame ta te wu atang ame nung-m ande ti atom iki be, kum Yakubu inja Itsekuru-ti amam ti ame tu.

Galatiya 2:9

Ama cwucwo, Yakubu ti Bitrus ti Yohana, ti si ande ti kpakang uwae kumbub ande na Rimam ti uten ti Urushelima, kiye ti aba nungye ayibrisi Rimam ti si ba risu-m, aba ru ba uwog-m ti Barnaba u ba ye ti bur utob uwae ure. Aba cwe baa, ati na ru ka tsag Ira Yesu te ande ti si-ba Mbayawuda be, aba ama na u ru yi uwog Mbayawuda.

Yakubu 1:1

Ame Yakubu, upyi Rimam ti ana Itsekuru-ti Yesu Kristi, ku nde na ni usuko, ani ande ti Yawudiya kumyaem rijwe asu ifaen ti shag kyi fe utense meme.

Yawuda 1:1

Kutsingken wune ru uwog-m Yawuda ti si upyi Yesu Kristi, u si inja Yakubu ama, ru ba uwog-ni ande ti Itse-ti Rimam kunn ni kunn, ani ande ti ure na Rimam, ti Yesu Kristi ku nungkyi ni.