Matiyu 10:1 - Kutsingken Ira Rimam ti Saen Kyag

¹ Yesu kunn byir ande-wu rijwe asu ifaen ti awu ku kwen na ba iken u nda ba kuko ti a na jae ru rijwen titibi ijwe ande, ti a na nwangru ande uwae acaeb ti tsotso.

Matiyu 10:1 Iomraidhean Croise

Matiyu 19:28

Yesu ri te ba baa, “Kubenti ti ame ku ri te ni, kiye ti a u kafe utense tishe, Umbae Unde u som tsa iken ti som na Ukwe-wu, ani ande-m rijwe asu ifaen ne u som tsa iken ti som na akwe ama. Ani u pwen rikwen risu rishi anyisu Isirela rijwe asu ifaen.

Matiyu 26:20

Ti usir ka kujwo ureb, Yesu ti atugbug-wu rijwe asu ifaen som ku ci wuci.

Matiyu 26:47

Ti ti awu ta uwae ira ti ri, awu Yawuda, kinjo uwae atugbug-wu rijwe asu ifaen, ba sang. Ande yang-ba putsa wu ku ba ti asim ti ipug. Aba ru uwog akwen tiyang ti ande ndufu ti tsitsi ba.

Matiyu 4:23

Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.

Matiyu 6:13

Pu ti ka-fu uwae kumyae be, amaa, nwangru ti uwae ira titibi.’

Matiyu 9:35

Yesu nwunn u sang uwae uten tiyang ti imbae uten u ku kwen na ande ira Rimam uwae asog Rimam-ba. Awu ku ri te ba ira ti tinyang risu Kujwokwe Rimam u ku nwangru ande ti site acaeb ti tsotso.

Matiyu 9:38

Ni jwam Itsekuru ti awu ā tom ande ba kyi ti a na ba bunn wuci.”

Luka 10:19

Ni nung! Ame nda pu m ani kuko ikyaen ti ni na ceb tsa ajwae ti ikob ti anang, fa ti awu unde ti rika-ti. Kikin u nde-yi ani be.

Luka 21:15

ikyaen ti, ame u sha na ni itinyang ti ben-ayib, ikyaen ti ko kinjo rikaen uwae ande ti rika-ni u tsi tu-wu uwe-ni ti wu u ci rika risu-ni be.

Luka 24:49

Ayi u tsi-yi tsi be ame u tom na ni iken ti Itse-m yer unju risu-yi. Ama ni paji ti uwae uten ike, se usir ti ani a tu pu ni kuko Rimam si apupwen ba pu yi risu-ni titawe.”

Luka 6:13

Isim ti ucwe fam yae, awu kunn ande ti putsa wu ba u tsab rijwe asu ifaen uwae-ba ti a na si atom-wu.

Yohana 17:2

Ikyaen ti, afu nda wu kuko risu ande ti utense meme, ti wu na sa unyang ti tsi kukunn na meme ande ba ti afu pu sang kujwo-wu.

Yohana 3:27

Yohana ri te ba baa, “Unde u tu-wu iken iki be, se ti Rimam a nda wu.

Yohana 3:35

Rimam site ure ti Umbae-wu ko timambe. Awu sa iken meme fae si wu kujwo.

Yohana 6:70

Yesu ri te ba baa, “Unde ti tsab ni rijwe asu ifaen si-yi ame be a? Ama kinjo uwae-ni si-wu umbae Shetann.”

Wande Atom 1:8

Ana-ni ta ri. Ani u tu kuko kiye ti Kusung ti Saen Kyag na Rimam a si ba pu wu risu-ni. Ani u ri ira risu-m te ande uwae uka ti Urushelima, ti uten ti Yawudiya, ti uten ti Samariya, ka ti ricwunnkyi utense meme.”

Wande Atom 19:15

Amaa kusung titibi wu ti ta risu unde wu ri te ba baa, “Ame nung pu m Yesu. Ame nung pu m Bulus. Ani ama si aye?”

Ititatso 12:1

Isim ayine, iken ti ku fur ayib gbug nwunn apupwen. Unda iki tsi atang. Kutupwa ti si-wu si usir, ama ushaen ta askab kufxen wu. Awu bur ubur ukwe ti site atitaen rijwe asu ifaen.