Matiyu 1:21 - Kutsingken Ira Rimam ti Saen Kyag

²¹ Awu u mbae umbae ti urom, afu u fwa rinyi-wu baa Yesu, ikyaen ti, awu ti u nwangru ande-wu uwae ikentitibi-ba.”

Matiyu 1:21 Iomraidhean Croise

Kucangtsi 17:19

Rimam ri baa, “Iyee, uwa-fu Saratu u mbae na fu umbae ti urom, afu u fa rinyi-wu baa, Ishaku. Ame u ye su unju ti yer-m te wu, ti rishi-wu ti ku ba isim-wu ru fife yi uwe.

Kucangtsi 17:21

Amaa, ame u ye su unju ti yer-m te Ishaku, umbae wu ti Saratu u mbae na fu kiye wune kusang ti ku ba.”

Kucangtsi 18:10

Ama Yaweh ri baa, “Kubenti, pangma kiye wune uwae usang ti ku ba, ame u kafe ba kyi uwog-fu. Saratu, uwa-fu u mbae umbae ti urom.” Kiye wu, Saratu ta uwae kufug ti ta isim unde wu, ku fxen ira ti aba ku ri.

Daniyel 9:24

“A pu kutsab mae ita mbe rijwe tsi pu ba ikyaen ande-fu, ti uten-fu ti sisaen: ikyaen ti a na fxae bom risu-ba u ya ikentitibi-ba na ta. Aba ā twen iken titwen ikyaen itiyata ikentitibi, u som usom ti kubenti ru fife yi uwe. Ayine u kumunn iratitatso ande ti ku ya iskin ira Rimam, ti kutsa-ba, ti itiyerkob uwog ti saen siskeb.

Matiyu 1:25

Awu nae te-wu Mberimu be, se isim ti awu mbae pu wu umbae-wu, ama awu fa rinyi umbae wu baa, Yesu.

Luka 1:13

Ama atom wu ri te wu baa, “Zakariya, kyen-fu ikyenricwu be, ikyaen ti, a fxen pu ba ira ti jwam-fu. Uwa-fu Elizabet u mbae na fu umbae ti urom. Afu u fwa rinyi-wu baa, Yohana.

Luka 1:31

Afu u kyaen rishwu, u mbae umbae ti urom. Afu u fwa rinyi-wu baa Yesu.

Luka 2:11

Yaka ne uwae uten na Ukwe Dawuda a mbae na pu ba ani unde ti u nwangru ni. Awu ti si Unde wu ti Rimam Tsab Tsi! Awu ti si Itsekuru-ti.

Luka 2:21

Uwae usir ti itsongta, a tsen na umbae wu kutxin u fwa rinyi-wu baa Yesu, rinyi ti atom Rimam ri te ba ti ti a kyaen-ba rishwu-wu khika be.

Yohana 1:29

Ucwefam kiskinn Yohana nung Yesu ru ku ba yi uwog-wu. Awu ri baa, “Ni sae unde ti ru ku ba ne. Awu ti si umbae iwentam Rimam ti u su ikentitibi na ande ti utense ru.

Yohana 4:42

Aba ri te unda wu baa, “Ayi si-yi ikyaen ira-fu ti ati ku ru uwae kinjo cwucwo be. Ati fxen pu ti ti atong-ti u nungye pu ti tine baa, kubenti, awune si Unde ti u Nwangru utense.”

Wande Atom 13:23

Ayi si sí uwae rishi Ukwe Dawuda ti Rimam pu unde wu ti u nwangru Isirela ne – awu Yesu, pangma ti awu yer unju ti kucang.

Wande Atom 3:26

Si si ani Mbayawuda ti Rimam tom Umbae-wu Yesu ba uwog-ni titawe, ikyaen ti wu na nda ni itinyang u kafe utob-ni ba uwog-wu ti ni na ya ikentitibi-ni ta.”

Wande Atom 4:12

Unde iki ta-wu uwae utense ti wu u nde tu ti wu nwangru ti be, se Yesu amam, ikyaen ti, Rimam nda-wu ati rinyi unde iki utense ike ti u nwangru ande be, se rinyi Yesu amam.”

Wande Atom 5:31

Rimam sa wu tso yi kujwo rici-wu apupwen ti wu na si unde ti uwe, u si unde ti nwangru ande. Awu nde ayine ikyaen ti ande ti Isirela na ā tu riyae ti a na ya ikentitibi-ba ta, ti a na kafe ba uwog Rimam ti wu na ya ta na ba.

Titus 2:14

Awu cwu ricwu risu-ti ikyaen ti wu na nwangru ti uwae itso ikentitibi meme, u jwosaen utob-ti, u sa ti kafe ande ti ana-wu, ande ti sa utob na wande ti tinyang ti ti nde.

Mbaibrane 7:25

Ikyaen yine, ko kiye titini, awu u ndetu ti wu nwangru meme ande ti a rutsa uwog-wu ba uwe Rimam, ikyaen ti, awu tsikunn ku jwam itijwam ikyaen-ba.

1 Yohana 1:7

Amaa, asiti ati a ku kyang ikyin uwae itisaen pangma ti awu ta uwae itisaen, kubenti, ati ren ure tetso. Ama anying na Yesu, Umbae-wu, u jwo saen ti uwae ikentitibi-ti meme.

1 Yohana 3:5

Ani nung pu ni baa, Kristi na ru ba ikyaen ti wu su ikentitibi-ti ru. Awu ku nde-wu ikentitibi ama be.

Ititatso 7:14

Ame ri te wu baa, “Itsekuru, afu ti nung.” Awu ri te m baa, “Abane si ande ti ruye uwae rikaen tiyang wu. Aba jwo saen pu ba arun-ba, u sa yi kafe titsen uwae anying Mbae utam.