Matiyu 1:1 - Kutsingken Ira Rimam ti Saen Kyag

¹ Abane si rishi na Yesu Kristi. Awu si umbae Dawuda. Dawuda ama si umbae Ibrahim.

Matiyu 1:1 Iomraidhean Croise

Kucangtsi 12:3

Unde ti a ri titinyang risu-fu, ame u nde wu itinyang, ame u ri mbeb unde ti a ri mbeb fu. Meme ishikununn ti utense, u tu itinyang ruye uwog-fu.”

Kucangtsi 2:4

Ayine si kuci na fengo ti Rimam mam apupwen ti riben. Kiye ti Yaweh Rimam mam apupwen ti riben,

Kucangtsi 22:18

Ikyaen risu ti nae riben-fu, meme mbukwen ande ti utense u tu itinyang ru ye utso-fu.”

Kucangtsi 5:1

15 Ayine si kuci na rishi Adamu. Kiye ti Rimam kyae unde, awu kyae unde wu rukwer ijwe-wu.

Amos 9:11

“Usir wu, ame u ye nwunn kusog Dawuda ti mbub sisi ama u fxebkyi aye ti mbag yi ukoh-wu. Ame u mbye nyang uwog ti kyaensisi ti awu ā tsi pangma ti kucang.

Matiyu 1:18

Fengo ti a mbae Yesu Kristi ta ri. Yusufu ye sam Mberimu iya Yesu, amaa, ti ti aba baen-ba atso khika be Kusung Rimam nda Mberimu kyaen rishwu.

Matiyu 1:2

Ibrahim mbae Ishaku, Ishaku mbae Yakubu, Yakubu mbae Yawuda ti ameinja-wu.

Matiyu 15:22

Unda iki ti ta uten atang ru ba uwog Yesu. Awu si unda Kanana. Awu ru ba jwam Yesu baa, “Itsekuru-m, Umbae Dawuda, sae me te ayibrisi! Rijwen titibi ye unda-m u ku nde wu ira timambe.”

Matiyu 3:16

Isim ti a nde mam na Yesu batisma, awu tso ba yi ukunn. Ti ritsen, apwa apupwen mbubta, awu sae Kusung Rimam si ku ba pangma kikwae u ba som tsa risu-wu.

Matiyu 9:27

Ti Yesu nwunn atang u ku ru, ande ti mbub ayib ifaen putsa wu isim. Aba jwub ira u ku ri baa, “Umbae Dawuda, sae ti te ayibrisi.”

Luka 1:33

Awu u nae ukwe risu rishi Yakubu tsi kukunn ike ru fife yi uwe. Itinae na ukwe-wu, ricwunnkyi-yi u ta-yi be.”

Yohana 7:42

A bae uwae Kutsingken Rimam baa, Unde wu ti Rimam Tsab Tsi wu, na u ruye ushi kununn Dawuda ba. Aba na u umbae wu uten ti Betilami, uten ti Dawuda nae atang kucang.”

Wande Atom 2:30

Ukwe Dawuda si unde ti ku ya iskin ira Rimam. Awu nungye pu wu unju ti yer ti Rimam yer te wu fa te uben ti ben baa, Unde ti Rimam Tsab Tsi na u ruye uwae rishi Dawuda u nae ukwe pangma ti Dawuda ti risu-wu nae ukwe.

Roma 1:3

Ira yi ta risu Umbae-wu Yesu. Yi rimenn ijwe, a mbae wu fa rishi Ukwe Dawuda.

Roma 4:13

Kiye ti Rimam yer unju te Ibrahim ti anyisu-wu baa, utense meme na u si ana-ba, ayi si-yi ikyaen ti Ibrahim ye su Icwe Rimam be. Ayi si ikyaen ti awu ru kubenti uwog Rimam, u tu risu tinyang uwe-wu.

Roma 9:5

Aba ti si rishi abitsekam-ti ti kute. Kristi ti risu-wu fa rishi-ba ama, kiye ti a mbae wu sang utense ne. Ande meme ā teb rinyi Rimam, awu ti ta risu iken meme ru fife yi uwe. Ayi ā si ahan!

Galatiya 3:16

Ayi si ahan ama ti unju ti yer ti Rimam yer te Ibrahim. A bae baa, Rimam na yer unju te Ibrahim fa ti unde ti u ba isim-wu. A ri-ba baa, “Ande ti u ba isim-wu” be, a ri baa, “Unde ti u ba isim-wu.” Ayi si unde kinjo, si-yi ande ti ujwunn be. “Unde ti u ba isim-wu” ti aba ri atang ama, si Kristi.

1 Timoti 2:5

Rimam si kinjo amam. Unde ti ku kyae nyang ande ti Rimam si kinjo ama. Awu si Yesu Kristi,

2 Timoti 2:8

Tangsom te Yesu Kristi, awu ti a kunn nwunn uwae iticwu. Awu si rishi na itse-ti Ukwe Dawuda. Ayine ti si Ira Tinyang ti ame ku tsag te ande

Ititatso 22:16

“Ame Yesu ti tom atom-m ba ti awu na ri tan ira yine te ni ande na Rimam. Ame ti si ipab, u si umbae ti fikyi kutxom Dawuda. Ame ti si kititaen ti tsen yag yag ti utencwe.”