Luka 9:1 - Kutsingken Ira Rimam ti Saen Kyag

¹ Awu kunn funn ande ti putsa-wu rijwe asu ifaen u nda ba kpakang ti kuko ti a na rwae ruye rijwen titibi meme, ti aba na nwangru ande ti kicaeb.

Luka 9:1 Iomraidhean Croise

Matiyu 16:19

Ame u nda fu iken ti ku mbub ufu kusog ana Kujwokwe Rimam. Ira ti afu a shaen riben ike, a u shaen yi apupwen akwen ama. Ira ti afu a cwe riben ike, a u cwe yi apupwen akwen ama.”

Matiyu 4:24

Iten wande-wu shag kyife uten ti Siriya meme. Ama a pu meme ande ti kicaeb ti tsotso ti tsotso ba uwog-wu. Ande ti rijwen titibi ku nde ba ira, ande ti kicaeb kiku, ande ti site rijwen titibi risu-ba, ande ti wam afxen ti ajwo, Yesu nwangru meme-ba.

Matiyu 8:9

Ame nung ayine ikyaen ti, ame ti risu-m, ame ta imbyi unde ti uwe-m. Ame ama site akyirten yang-ba ti ame skeb ba ti kuko. Ame a ri te awune baa, ‘Ru,’ awu u ru, ame a ri te uriki baa, ‘Ba,’ awu u ba.”

Luka 10:1

Isim ayine Itsekuru-ti Yesu tsab ande mae ita ka mbe rijwe u tom ba ru uwe-wu ba ku jiji. Awu tom ba ti ifaen ti ifaen ru yi uwae uten uten ti uwog titini ti awu ti risu-wu ku sha ti wu ru ka atang.

Luka 10:19

Ni nung! Ame nda pu m ani kuko ikyaen ti ni na ceb tsa ajwae ti ikob ti anang, fa ti awu unde ti rika-ti. Kikin u nde-yi ani be.

Yohana 14:12

“Ame ku ri te ni kubenti baa, unde titini ti a ru uwae kinjo uwog-m, awu u nde iken ti ame ku nde ama. Awu u nde wande ti skeb ana-m skeb ama, ikyaen ti, ame ku ru yi uwog Itse-m.

Wande Atom 1:8

Ana-ni ta ri. Ani u tu kuko kiye ti Kusung ti Saen Kyag na Rimam a si ba pu wu risu-ni. Ani u ri ira risu-m te ande uwae uka ti Urushelima, ti uten ti Yawudiya, ti uten ti Samariya, ka ti ricwunnkyi utense meme.”

Wande Atom 3:16

Si sí rinyi Yesu wune ti nda ti nwangru unde wune. Iken ti ani ku sae ku nung ne, iken yi nde ikyaen ti, unde wu ru uwae kinjo uwog rinyi Yesu. Rinyi na Yesu ti sa ribom ijwe na wu uwe-ni.”

Wande Atom 4:30

Nda ti kuko ti ti nwangru ande uwae kicaeb-ba. Nda ti ti ti nde wande ti ku fur ayib, ti wande ti ku tso kuko-fu uwae rinyi Yesu, upyi-fu ti saen kyag. Ayi ā si ahan.”

Wande Atom 9:34

Bitrus ri te wu baa, “Eneyas, Yesu Kristi nwangru pu wu afu. Sunwunn ti fur iken ti nae-fu!” Ti ritsen, Eneyas fa sunwunn.