Luka 8:1 - Kutsingken Ira Rimam ti Saen Kyag

¹ Isim yine kpang, Yesu nwunn u kyang putsa uwae uten uten, itiyang ti itikitinying meme, ku ri te ande ira tinyang na Kujwokwe Rimam. Aba rijwe asu ifaen ti awu tsab ba tsab putsa wu ama,

Luka 8:1 Iomraidhean Croise

Matiyu 11:1

Isim ti Yesu fa mam pu wu atugbug-wu rijwe asu ifaen kusen, awu nwunn u ya uwog atang ta u ru ka kwen na ande iken, ama u ri ira Rimam te ande uwae uten uten ti pakob atang.

Matiyu 13:19

Kiye ti unde a fxen ira risu Kujwokwe Rimam, asiti awu a kab tu-wu ira yi be, awu Unde Titibi ku sang ba ku fxaen mbe ra iken ti a tso tsi utob-wu u sa ru. Ayine si pangma itso iken yi ti tā ka si ukur fengo.

Matiyu 4:23

Yesu ku kyang kyi fe uwae uten ti Galili meme u ku kwen na ande iken uwae asog Rimam-ba u ku ya iskin ira ti tinyang risu Kujwokwe Rimam u ku nwangru ande ti kicaeb ti tsotso.

Matiyu 9:35

Yesu nwunn u sang uwae uten tiyang ti imbae uten u ku kwen na ande ira Rimam uwae asog Rimam-ba. Awu ku ri te ba ira ti tinyang risu Kujwokwe Rimam u ku nwangru ande ti site acaeb ti tsotso.

Markus 1:39

Ama awu kyang kyife uten ti Galili meme, ku ri ira Rimam te ande uwae kusog Rimam na Mbayawuda, ku rwae ru rijwen titibi risu ande.

Luka 1:80

Umbae wu ser ben, u kpag utob, ama som uwae kutur khika ba kwer ti usir ti awu ba tso risu-wu uwog ande na Isirela.

Luka 20:1

Usir iki, ti Yesu ta Kusog Rimam tiyang ku kwen na ande u ku ri te ba ira Rimam ti tinyang, ama akwen Rimam tiyang ti ande ti ku kwen na ande Icwe Rimam ti andufu ti tsitsi ru ba funn.

Luka 4:18

“Kusung na Itsekuru ta risu-m ikyaen ti, awu tsab ra m ti m na sa ira-wu ti tinyang na ri te ande ti rikaen. Awu tom me ba ikyaen ti m na ri te ande ti a ye ba yir uwae rikaen upyi baa, a na saen ba na ta, ti m na ri te ande ti mbub ayib baa, aba na u tu itinung uwog, ti m na nwangru ande ti ta kujwo ande ti ku ndeshi ba.

Luka 9:6

Tiri aba nwunn u ru tsa uwae imbae uten ti ta atang meme u ku ri te ande ira ti tinyang na Rimam u ku nwangru ande uwae kicaeb, meme uwog ti aba a ka atang.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.

Wande Atom 13:32

Ati ta ike tine, ati sa ira ti tinyang ba ku na ni baa, unju ti yer ti Rimam yer ti abitse-ti,

Roma 10:15

Cwucwo, unde u kyang rimang u nwunn ru ka ri ira Rimam te ande, asiti a tom-ba wu tom be? Pangma ti a bae uwae Kutsingken Rimam baa, “Itiba na ande ti ku ya iskin ira ti tinyang nyang timambe.”