Luka 4:1 - Kutsingken Ira Rimam ti Saen Kyag

¹ Isim ti Kusung Rimam si ba munn risu Yesu kiye ti a nde wu batisma, awu nwunn unju unyim ti Yordan, ama Kusung Rimam pu wu ku kyang uwae kutur khika

Luka 4:1 Iomraidhean Croise

Matiyu 3:16

Isim ti a nde mam na Yesu batisma, awu tso ba yi ukunn. Ti ritsen, apwa apupwen mbubta, awu sae Kusung Rimam si ku ba pangma kikwae u ba som tsa risu-wu.

Luka 2:27

Usir iki Kusung Rimam nda wu nwunn ru ba sang kusog Rimam tiyang. Ayi si sí kiye ti Yusufu ti Mberimu pu Yesu sang ba kusog Rimam ti a ba nde iken ti Icwe Rimam ri.

Luka 3:3

Awu nwunn ku kyang pakob meme uten ti fer ti uyinn ti Yordan ku ya iskin baa, ande na ā ya ikentitibi-ba ta, u nde batisma ikyaen ti Rimam na u ya ta na ba ikentitibi-ba.

Luka 3:38

Kayinan si umbae Enos. Enos si umbae Seti. Seti si umbae Adamu. Adamu si umbae Rimam.

Luka 4:14

Uwae kuko na Kusung Rimam Yesu kafe ba ti Galili, ama ira risu-wu shag kyi fe uwae uten meme ti ta fer atang.

Luka 4:18

“Kusung na Itsekuru ta risu-m ikyaen ti, awu tsab ra m ti m na sa ira-wu ti tinyang na ri te ande ti rikaen. Awu tom me ba ikyaen ti m na ri te ande ti a ye ba yir uwae rikaen upyi baa, a na saen ba na ta, ti m na ri te ande ti mbub ayib baa, aba na u tu itinung uwog, ti m na nwangru ande ti ta kujwo ande ti ku ndeshi ba.

Yohana 1:32

Yohana ri ira risu-wu uwe ande baa, “Ame nung Kusung Rimam si apupwen ba pangma kikwae u ba som tsa risu-wu.

Yohana 3:34

Awu ti Rimam tom wu tom ba, ira-wu ti awu ku ri, si ana Rimam, ikyaen ti, Rimam nda wu kuko na Kusung-wu ti ititsikunn-yi ta-yi be.

Wande Atom 1:2

ba sang usir ti awu tso yi apupwen. Ti ti awu tso-wu yi apupwen khika be, Kusung ti Saen Kyag nda wu ri ira te atom-wu iki ti awu tsab tsi. Awu tatso ba iken ti aba u nde.

Wande Atom 10:38

Ira yi si ti Rimam tsab Yesu unde ti Nazareti tsi, u nda wu kuko na Kusung Rimam. Yesu nwunn ku kyang kyi fe uwog meme, ku nde iken ti tinyang u ku nwangru ande ti ta uwae apyi na Shetann, ikyaen ti, Rimam te wu som te atso.

Wande Atom 8:39

Kiye ti a tsoye uwae ambyi atang, Kusung ti Saen Kyag ba ye ra Filip ru. Unde wu nung-wu ayib-wu cwucwo be. Awu munn ti utob titsen u fxen ira ti ru uten-wu.