Luka 3:8 - Kutsingken Ira Rimam ti Saen Kyag

⁸ Ni nde iken ti u tso baa, ani na ya ikentitibi-ni na ta pu ni. Ani ku ri ira tetso baa, ani u nwangru uwae rinae Rimam ikyaen ti ani si anyisu Ibrahim! Iyee! Ame ku ri te ni kubenti, Rimam u nde tu ti wu u nda atxom yine kafe anyisu nà Ibrahim!

Luka 3:8 Iomraidhean Croise

Nehemiya 5:11

Iken ti ande pu na ni meme, ko ayi a si waerikong ko risaen anam ko risaen olifi, ko anunn-ba, ni pu yi kafe na ba ti ritsen. Ni pu atxwa ti ni ci uwog-ba kafe na ba ti atang, ko ayi a si ripab aser ko wuci ko iken ti ngwa ko kindob.”

Matiyu 21:43

“Ame ku ri te ni baa, ayi si ahan uwog-ni. A u ye ra Kujwokwe Rimam uwog-ni u nda unde ti ku waen awaen ana kujwokwe-wu.”

Matiyu 3:8

Ni nde iken ti u tso baa, ani na ya ikentitibi-ni ta pu ni.

Matiyu 3:9

Ni kab-ni baa, ani na u nwangru uwae rinae Rimam ikyaen ti Ibrahim na si itse-ni be. Ame ku ri te ni kubenti, Rimam u nde tu ti wu u nda atxom ne kafe anyisu Ibrahim.

Luka 13:25

Cwucwo, kiye ti unde ti kununn a cwunnkyi pu wu ufu, ama ani tsi ise ku kwer kujwo ufu ku ri baa, ‘Itsekuru, mbubta na ti ufu,’ awu u ri te ni baa, ‘Ame nung-m ani usir iki be, ani ru aka ba?’

Luka 13:26

Tiri, ani u ri te wu baa, ‘Ati ci u ngwa te fu, afu ama kwen na ti iken uwae uten-ti!’

Luka 14:9

Asiti afu a kyae ijwe-fu som mam pu fu risu iken ti som wu, ama unde wu ti ifaen a ka ru ba, unde ti yae ni u ba ri te fu baa, ‘Sunwunn ti nda unde wune uwog ti som-fu,’ i si iken ti ku wae rukwae ti afu u nwunn u ru ka som iken ti som ti riben.

Luka 19:40

Yesu ri baa, “Asiti aba a bwe tag skirr ama, ame ku ri te ni, atxom ti ta ne u taen ira u teb rinyi-m.”

Luka 19:9

Yesu ri baa, “Yaka ne unde wune ti kununn-wu meme nwangru pu ba, ikyaen ti, awu ama si umbae Ibrahim.

Luka 5:21

Ande ba ti ku kwen na ande ira icwe ti ande ti kumbub Farisi nwunn ira ti rang uwae utob-ba. Aba ku rang baa, “Unde wune si aye ti ku ri unju titibi? Ira-wu ti awu ri ne, awu ku ri mbeb Rimam. Unde iki nde tu-wu ti wu yata na ande ikentitibi-ba be, se Rimam amam.”

Yohana 8:33

Ariki ri te wu baa, “Ati si rishi Ibrahim. Ati si ji-ti apyi na unde iki be. Imbyi ira yi ti afu ri baa, ati na u nwangru uwae apyi ne baa imi?”

Yohana 8:39

Aba ri te wu baa, “Itse-ti si Ibrahim.” Yesu ri te ba baa, “Á baa, ani na si anyisu Ibrahim ti kubenti, ani ú nde itso wande ti awu nde.

Wande Atom 26:20

Ame ti tawe u ru ka ri ira te ande ti uka na Damasiku te ande ti Urushelima ti meme ande ti uten na Mbayawuda, ti ande ti si-ba Mbayawuda be. Ame ri te ba baa, a na ya ikentitibi-ba na ta, u kafe ba yi uwog Rimam, ti a na ba nde wande ti tinyang ti u tso ande baa, a na ya ta pu ba ikentitibi-ba.

Roma 4:16

Nee iken ti nde, unju ti Rimam yer te Ibrahim tsi tsa risu uwae kinjo, ikyaen ti unju ti yer wu ama ā tsitsa risu rinyangwae-wu, ama ikyaen ti yi na ā ba kang uwog anyisu Ibrahim meme. Ayi si-yi ikyaen anyisu-wu ti ku ye su Icwe Rimam amam be. Iyee! Ayi si ikyaen ande ti ru uwae kinjo pangma ti Ibrahim nde ama. Ikyaen ti, awu ti si itse-ti meme.

Roma 9:7

Cwucwo, ayi si-yi ande ti rishi Ibrahim meme ti si anyisu-wu ti kubenti be. Rimam ri te Ibrahim baa, “Ayi si anyisu umbae-fu Ishaku ti ame u pwen ba baa, aba na si ana-fu.”

Filipi 1:11

u ku waen awaen ti tinyang, ti si wande-ni ti tinyang ti ani ku nde uwae kuko na Yesu Kristi ti ta utob-ni. Ayine u sa rurob ti riyinn na rinyi Rimam tiyang akwen.