Luka 3:3 - Kutsingken Ira Rimam ti Saen Kyag

³ Awu nwunn ku kyang pakob meme uten ti fer ti uyinn ti Yordan ku ya iskin baa, ande na ā ya ikentitibi-ba ta, u nde batisma ikyaen ti Rimam na u ya ta na ba ikentitibi-ba.

Luka 3:3 Iomraidhean Croise

Matiyu 3:11

Ame ku nde na ni batisma ti ambyi. Ayi ku tatso baa, ani na ya ikentitibi-ni ta pu ni. Unde wu ti ku ba isim-m u ru ba nde na ande batisma ti Kusung Rimam, ti urwa. Awu skeb pu wu ame ti kuko. Ame ko-m ti m u pu ajwo-m ye apwafxen-wu be.

Luka 1:16

Awu u nda ande ti Isirela yang-ba akwen kafe ba uwog Itsekuru-ba Rimam.

Luka 1:77

Afu u ka ri te ande-wu baa, a na u ya ta na ba ikentitibi-ba, aba na u nwangru uwae rikwen Rimam.

Luka 4:1

Isim ti Kusung Rimam si ba munn risu Yesu kiye ti a nde wu batisma, awu nwunn unju unyim ti Yordan, ama Kusung Rimam pu wu ku kyang uwae kutur khika

Yohana 1:28

Iken yine nde kiye ti Yohana ta Betani u tsi ukunn unyim ti Yordan u ku nde na ande batisma atang.

Yohana 3:26

Aba ande na Yohana kafe ru ba uwog Yohana u ri te wu baa, “Unde ti uwe, unde wu ti tu fu unju unyim ti Yordan akwen, nee afu ri ira risu-wu, awu ta ike u ku nde na ande batisma, ama ande meme ku ter ku ru yi uwog-wu.”

Wande Atom 13:24

Ti ti Yesu wune ba, Yohana unde ti ku nde batisma ri te ande na Isirela meme baa, a na ya ikentitibi-ba na ta, ti a na nde na ba batisma.

Wande Atom 19:4

Bulus ri baa, “Batisma ti Yohana nde si ikyaen ana ande ti ya ikentitibi-ba ta pu ba u kafe ba uwog Rimam. Yohana ri te ande baa, aba na ru kubenti uwog unde iki ti na ku ba isim-wu, unde wu ti ku ba isim ama si Yesu.”

Wande Atom 22:16

Afu som ku ji-fu imi tine? Sunwunn ti a nde na fu batisima. Jwam Itsekuru ti wu jworu ikentitibi uwae utob-fu.’ ”