Luka 16:3 - Kutsingken Ira Rimam ti Saen Kyag

³ Unde ti ku jabci te usu yi kab ira uwae utob-wu baa, ‘Imi ti ame u nde tine? Itsekuru-m ku jae m ruye unju wande-m. Ame bom ko-m ti m u tom ritom be. Ame ku wae rukwae ti m u jwam iken.

Luka 16:3 Iomraidhean Croise

Esita 6:6

Ama Haman sang. Ukwe rang baa, “Imi ti a u nde na unde ti ukwe tsen utob te wu, ku sha ti wu nda unde wu rurob?” Haman kab uwae-wu baa, “Si si ame amam, be aye ti nde iken nyang uwae ukwe ti ukwe u nda wu rurob?”

Matiyu 20:8

“Kiye ti ayib wunn, unde ti risaen wu ri te unde ti uwe wande-wu baa, ‘Kunn ande ti nde wande bane byir ti uwog kinjo ti u pae ba aser wande-ba. Pae ande ti ba ti ricwunnkyi titawe ti ba pae ande ti kucang.’

Markus 10:46

Aba ru ka sang uten ti Jeriko. Ti Yesu ti atugbug-wu nwunn ku ru ku ye uwae uten atang, ande yang akwen putsa ba. Ama unde ti mbub ayib iki ku som riben iyen fengo atang, ku jwam iken. Rinyi-wu baa Bartimawu. (Imbyi rinyi-wu ayine baa, umbae Timawu.)

Luka 12:17

Awu nwunn ku kab u ri te risu-wu baa, ‘Ame site-m uwog ti ame u pu awum-m si tag atang be. Imi ti ame u nde tine ara?

Luka 16:2

Ikyaen yine awu kunn unde wu ira u rang wu baa, ‘Afu ku nde-fu rimang nee ame ku fxen ira risu-fu? Tsag te m iken ti afu ku nde te usu-m. Pwen meme iken ti afu wen ti isu ti afu jabci, ikyaen ti, wande-fu mam pu yi.’

Luka 16:20

Unde ti rikaen iki ti rinyi-wu si Lazaru, ta atang ama. Abang sa wu rimenn ci tag. A ku ye wu som ufu kusog unde ti rifunn wu.

Luka 16:22

Usir iki unde ti rikaen wu cwu. Atom Rimam ti apupwen ye ra wu ru ka som te Ibrahim, uwog ukwab ti apupwen. Unde ti rifunn sa cwu ama, a sa wu nji.

Luka 16:4

Enheen! Ame nung pu m iken ti ame u nde ti ande u kyangte m uwae kununn-ba kiye ti a jae pu ba ame wande-m ne.’

Luka 18:4

Fengo rwen pu yi ti unda wune ku kyang uwog unde ti ku pwen rikwen wu, amaa awu pyir-wu ti wu pwen rikwen yi. Ama ricwunnkyi-yi awu kab ira uwae utob-wu baa, ‘Ame ku kyen-m ikyenricwu Rimam be, u ku kyen-m unde be,

Yohana 9:8

Ande ice-wu ti ande ti nung wu kucang kiye ti awu si unde ti ku jwam iken ku rang ira baa, “A! A! Awune si-wu unde ti ku som u ku jwam iken be a?”

Wande Atom 3:2

Uwog wune, a ka tu unde ti wam afxen atang. A mbae wu ti kicaeb yi. Ti usirsir, ande ku su wu ru ka som ufu Kusog Rimam Tiyang, uwog ti a ku kunn wu baa, Ufu ti Tinyang, ikyaen ti wu na jwam iken uwog ande ti ku ba atang.

Wande Atom 9:6

Nwunn ti tsi ritsen. Sang uwae uka ne. Afu a ka pu fu atang, a u ri te pu ba afu iken ti fu u nde.”

2 Tesalonika 3:11

Ati ku ri ira yine te ni ikyaen ti, ati fxen baa, ande iki kutampwa-ni na ku nde-ba wande be, ku som kum usom ti uyáng amam u ku sa kujwo sang wande na ariki.