Luka 11:2 - Kutsingken Ira Rimam ti Saen Kyag

² Yesu ri te ba baa, “Kiye ti ani a ku jwam Rimam, ni ri baa, ‘Itse-ti, ande ā nda rinyi-fu rurob. Kujwokwe-fu ā ru ba.

Luka 11:2 Iomraidhean Croise

Daniyel 2:28

Amaa, Rimam iki ta atang apupwen ti ku tatso iken ti kitam. Awu tatso pu wu ukwe Nebukanezar iken ti u ba nde uwe. Kurwa ti afu sunn kiye ti afu nae iwaen-fu ta re.

Daniyel 2:44

“Uwae kiye abikwe ba, Rimam ti apupwen u ye nwunn kujwokwe iki ti u twenji-wu ji be, unde iki ama u tsokyi-wu kujwokwe wu be. Kujwokwe wu u twenji tag ajwokwe yine, amaa, awu ti risu-wu u tsi ru fife yi uwe.

Daniyel 7:18

Amaa, ande ti saen kyag na Rimam ti skeb ti tag u tsokyi kujwokwe yine, ama u nae ukwe risu-yi ru fife yi uwe.’

Daniyel 7:27

Ama a u sa kujwokwe, ti kuko, ti rurob ajwokwe ti ta utense meme na ande ti saen kyag na Rimam ti skeb ti tag. Kujwokwe-ba u si kujwokwe ti tsi kukunn ru fife yi uwe. Ama meme ande ti uwe u ba ku riben u fen ba.

Matiyu 10:32

“Unde titini ti a ri tso kubenti te ande baa, ame na si Itsekuru-wu, ame u kunn rinyi-wu ama uwe Itse-m ti ta apupwen.

Matiyu 3:2

baa, “Ni kafe isim ta ikentitibi-ni ikyaen ti, Kujwokwe Rimam fer mam pu yi.”

Matiyu 5:16

Ayi si ahan ama, ni ya ta ti itinyang ti ta uwae-ni ā shag kyife uwog meme ikyaen ti ande ā sae iken tinyang-ni ayi, u sa rurob na Itse-ni ti ta apupwen.”

Luka 11:1

Usir iki Yesu ku jwam Rimam uwog iki. Isim ti awu jwam mam pu wu, kinjo uwae ande-wu ri te wu baa, “Itsekuru, kwen na ti fengo ti ati u jwam Rimam pangma ti Yohana kwen na ande-wu.”

Roma 1:7

Ame bae ku na ni, meme ande Rimam ti ta uten Roma, ani ande ti Rimam ye ure te ni, u kunn ni baa, ani na si ande-wu ti saen kyag. Itse-ti Rimam ti Itsekuru-ti Yesu Kristi ā nda ni itinyang ti kujimshwur.

Roma 8:15

Awu Kusung ti ani paembe uwog Rimam, si-wu kusung na upyi, ti wu u nda ti ikyenricwu be. M m, awu si kusung ti ku nda ni kafe anyisu Rimam. Ati ku jwubra ba uwog-wu baa, “Itse, Itse.”

1 Korinti 1:3

Itse-ti Rimam ti Itsekuru-ti Yesu Kristi ā nda ni itinyang ti utob ti nae riben.

2 Korinti 1:2

Itse-ti Rimam ti Itsekuru-ti Yesu Kristi ā nda ni rinyangwae ti kujimshwur.

Galatiya 1:4

Ayi si awu Yesu Kristi ti cwu ricwu ikyaen ikentitibi-ti ikyaen ti wu nwangru ti uwae usom ti som na apyi ti ati som uwae utense titibi wune, pangma ti Itse-ti Rimam myae tsi ti kucang.

Afisa 1:2

Itse-ti Rimam, ti Itsekuru-ti Yesu Kristi ā nda ni itinyang ti kujimshwur.

Filipi 1:2

Itse-ti Rimam ti Itsekuru-ti Yesu Kristi ā nda ni rinyangwae ti kujimshwur.

Filipi 4:20

Kuko ā si ana Itsekuru-ti Rimam tsikunn ike ru fife yi uwe. Ayi ā si ahan.

Kolosi 1:2

Ati bae ira yine ku na ni ande Rimam ti ta uten ti Kolosi, ani ande ti tsikunn ti kubenti u si ameinja-ti yi fengo Kristi. Rimam Itse-ti ā sae ti te ayibrisi, u nda ni kujimshwur.

1 Tesalonika 1:1

Kutsingken wune ruye uwog-ti Bulus ti Silivanu ti Timoti, ru ba ku na ni ande ti Rimam ti ta uwae uten ti Tesalonika, ani ande ti si ana Itse-ti Rimam ti ana Itsekuru-ti Yesu Kristi. Rinyangwae na Rimam ti kujimshwur-wu ā te ni som tetso.

1 Tesalonika 1:3

Uwe Itse-ti Rimam, ati ku tangsom te wande ti tinyang ti ani ku nde ru ye uwae kinjo-ni ti ani ru uwog Yesu Kristi. Ure-ni ti ku nda ni kwab fengo Rimam si-yi ti ti ri be. Ati nung baa, ani sa uwae tsi risu-wu ku ru ru yi uwe uwe.

2 Tesalonika 2:16

Ameinja, ati ku jwam Itsekuru-ti Yesu Kristi risu-ni, ti Itse-ti Rimam ti site ure te ti, ama tatso ti itinyang-wu yi fengo na kpakang utob ti tsikukunn fa te uwae ti tsi risu iken ti tiyang ti ku ba uwe.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 15:4

Itsekuru, Aye wu ti u kyen-wu afu be? Aye wu ti u pyir, u teb-wu riyinn-fu be? Afu amam ti si ti saenkyag. Meme ambukwen ande utense u ba fen fu. Kujwo wande-fu ti kubenti, tso pu yi ijwe-yi paenine.”

Ititatso 19:6

Ama, ame fxen afxenjwin ujwunn ande ti funn apupwen ti ku tum pangma ritum ambyi ti ku si utae, ti ana imam ti ku taen, ku ri baa, “Haleluya! Ikyaen ti, Itsekuru-ti Rimam, ti skeb titag, si Ukwe.

Ititatso 20:4

Isim ayine, ame nung atxomkwe, ama itaen ti somtsa atang si aba ti a nda ba kuko ti a na pwen ande rikwen. Cwucwo ame nung unyang ande ti a pyera risu-ba ikyaen ti aba cwé iticwé ira ti kubenti na Yesu, ti ira na Rimam. Aba ti fen-ba ibye titibi wune, ko ti a u ku riben na iken ti awu mbye tsi be, u yer-ba iwaen na ibye titibi wune kutxuwe-ba ti ajwo-ba be. Aba shwur, u ti Yesu Kristi nae ukwe tetso ka asang kumbub kinjo.