Luka 10:3 - Kutsingken Ira Rimam ti Saen Kyag

³ Ni nwunn-ni tiri! Ame tom ni ku ru pangma imbae iwentam ti mbuku pakob yi ti rikob.

Luka 10:3 Iomraidhean Croise

Matiyu 10:16

“Nung, ame tom ni ku ru pangma iwentam ti a ku rwae yi sang yi kutampwa mbuku. Ni nung ijwe-ni nyinyang pangma ikentibi, ti ni nde wande-ni te kujimshwur pangma akwae.

Matiyu 10:22

Ande meme u sa ni kuka ikyaen-m. Amaa, unde ti a tsi ti kubenti ru ba sang usir ti ricwunnkyi, awu u nwangru.

Matiyu 7:15

“Ni nung nyinyang ti ande ti ku ya iskin ti rifen. Aba ku ru ba uwog-ni pangma iwentam rimenn ijwe ise ike, amaa uwae utob-ba, aba si ibye anyi.

Luka 10:4

Ni kyang su-ni aser be. Ni nya-ni ukyig ru te yi be. Ni tso-ni apwafxen be. Ani a kyang ku ru, ni kyaetsi-ni fengo ti ni kunnji ande ira be.

Yohana 10:12

Unde ti a yiyae ba, mbawen yi si-yi ana-wu be. Kiye ti awu a nung mbuku ru ku ba, awu u ter ru u ya iwen yi ta. Ama mbuku ba ku ye mbawen yi, ayi ama u ter yaen shag kyi fe kutur meme.

Yohana 15:20

Ni tangsom te ira ti ame ri te ni kute baa, upyi na ko skeb-wu unde ti kununn-wu be. Ande aba ti nda m rikaen, aba u nda kang ni rikaen ama. Ande ti a nae risu riben te ira ti ana-m, aba u nae risu riben te ira ti ana-ni ama.

Yohana 16:2

Aba u jae ni ruye uwae kusog Rimam-ba. Kubenti, kiye u ba ti unde u wen ni, u kab utob-wu baa, awu na ku nde iken ti Rimam na ku sha.

Wande Atom 20:29

Ame nung pu m baa, isim ti ame a ru pu m, ariki ti pangma aswá u sang ba shir kufxaen sang kutampwa-ni.

Wande Atom 9:16

Ame ti risu-m, ame u tatso wu meme rikaen ti awu u ngwa ikyaen na me.”

Wande Atom 9:2

u ka jwam wu baa, awu na nda wu kuko yi fengo na atsingken ti awu u nda andufu asog Rimam na Mbayawuda ti ta uwae uka na Damasiku, ikyaen ti wu na ka u ye ande ti putsa rifab Yesu, arom ti anda, u pu ba ba Urushelima.