Luka 10:2 - Kutsingken Ira Rimam ti Saen Kyag

² Awu ri te ba baa, “Risaen yaen timambe, amaa, ande ti u bunn yi ko-ba be. Ni jwam unde ti risaen ti wu ā tom ande ru ba bunn wuci yi.

Luka 10:2 Iomraidhean Croise

Matiyu 20:1

“Kujwokwe Rimam ti apupwen pangma unde ti risaen ti nwunn kiskinn fifae ti wu u ru ka sha ande ti u nde na wu wande uwae risaen ufang-wu.

Markus 13:34

Iken yine meme u nde pangma unde iki ti ku ru fengo rikyen. Awu sa iken ti ta uwae kununn-wu meme u nda apyi-wu kujwo. Unde titini uwae-ba tu wande ti awu u nde. Awu ri te unde ti ku som kyi ufu kusog baa, awu na som usom-wu ama ti ujwin.

Markus 16:15

Yesu ri te ba baa, “Ni ru ko aka uwae utense, ti ni ya iski ira-m ti tinyang te ande meme.

Markus 16:20

Ande ti putsa-wu ru yi ko aka meme uwae utense, ku ri ira-wu ti tinyang te ande. Itsekuru-ba Yesu ku ndeya ba. Awu ku nda ba wande ti ku fur ayib ti aba ku nde uwe ande, ti ku tatso ande baa, ira-wu na si kubenti.

Luka 9:1

Awu kunn funn ande ti putsa-wu rijwe asu ifaen u nda ba kpakang ti kuko ti a na rwae ruye rijwen titibi meme, ti aba na nwangru ande ti kicaeb.

Wande Atom 11:19

Rikaen ti bag ku ba kiye ti a wen Stefana nda ande na Yesu ter shag tag. Ariki ter ru Fonikiya ti Kuburus ti Antiyok, ku sa ira Rimam ri ku kyang, amaa, aba ku ri te ko Mbayawuda amam.

Wande Atom 13:2

Kiye iki ti ande na Yesu som ku fen Itsekuru, ku cwe unju, Kusung ti Saen Kyag ri te ba baa, “Ni tsab Barnaba ti Sawulu tsi iyen kyaeb. Ame site wande ti aba u nde na m nee ame kunn ba.”

Wande Atom 13:4

Ti Kusung Rimam tom Barnaba ti Sawulu atom ne ahan, aba nwunn si ba uten ti Selukiya. Aba sang kuyae atang, u yen ru uten ti Kuburus.

Wande Atom 20:28

Ni som ti ujwin ti ni nungkyi iken ti ti shi ti Kusung ti Saen Kyag nda ni kujwo. Ni si ande ti ku shi ande na Rimam, ti awu sa ba kafe ande-wu ikyaen iticwu na Umbae-wu Yesu.

Wande Atom 22:21

Ama awu ri te m baa, ‘Nwunn ike, ame ka u tom fu ru fe fengo ti rwen uwog ande ti si-ba Mbayawuda be.’ ”

Wande Atom 8:4

Ande na Yesu ba ti ter shag, aba nwunn ku ri ira Rimam meme uwog ti a ku kyang atang.

1 Korinti 12:28

Uwae kumbug ande Rimam, Rimam nda unde titini kujwo wande-wu. Awu tsab ariki ti aba na si atom na Yesu Kristi, ariki si ande ti ku ri ira ti awu ku tatso ba, ti ita si ande ti ku kwen iken. Isim yine, awu nda ande iki ku nde iken ti ku fur ayib, u nda ande iki ti aba na nwangru ande ti nae kicaeb. Awu tsab ande ti ku ndeya ande ti rikaen, ti ande ti nung fengo ti a ku ye su ande, ti ande ti ku ri ira ti unju txi txi ti Kusung ti Saen Kyag nda ba ri.

1 Korinti 15:10

Amaa, Rimam, uwae rinyangwae-wu, awu nda m ame si iken ti ame si ne. Ayibrisi ti awu sae m ne si-yi ukaen amen be. Ayi nda m ame kwab skeb tag ande ti atom ti tsitsi meme. Ayi si-yi uwae kuko-m ti risu-m nee ame nde wande ne be, ayi si rinyangwae Rimam ti te m ta tetso.

2 Korinti 6:1

Ikyaen yine, ati ti si ande ti ku nde wande te Rimam tetso, ati ku jwam ni baa, ti ani tu pu ni itinyang Rimam, ni sae ru-ni ayi baa, ayi na si ti ukaen uwog-ni be.

Filipi 2:21

Itaen ti tsitsi meme ku tang kum ira risu iken ti ana-ba ti si-yi ana Yesu Kristi be.

Filipi 2:25

Ame myae baa, ame na u tom kang na ni inja-m Eparfoditu kafe ba na ni. Awu si urwan wande-m u te m ta rika te atso uwae rika Shetann. Awu si pu wu unde ti atom-ni ti kubenti. Awu ndeya pu wu ame uwae rikaen-m si-yi ti ti ri be.

Filipi 2:30

Ikyaen ti, awu cwu ku fife ikyaen wande na Kristi u kyen-wu iticwu be ikyaen iken ti ani ú nde na m, ti nee ani nde tu-ni be.

Kolosi 1:29

Né iken ti nde ame sa kpakang ti Kristi nda m u ku kwab ti m na u nde tag wande-wu yine.

Kolosi 4:12

Epafira ti si kinjo uwae-ni, u si upyi Yesu Kristi, ku kunnji ni ira atang. Awu ku jwam Rimam ikyaen-ni ko kiye titini u ku jwam ti Rimam na u nda ni tsi ting ting, ti ani na kwen ben ayib uwae ira Rimam u nung nyang iken ti Rimam ku sha uwog-ni, ti ni na nae risu riben na na wu.

1 Tesalonika 2:9

Ameinja, ani tangsom pu ni ti itso wande tiyang ti ati nde uwog-ni kiye ti ati ku tsag Ira Rimam te ni. Ati kwab usirtaen ti utitang ikyaen ti, ati ku sha-ti ti ti na nda ni rikaen be.

1 Tesalonika 5:12

Ameinja, ati ku ri te ni, ni nda ande ti uwe-ni rurob. Aba ku nde na ni wande, u ku kwen na ni ira Rimam.

2 Tesalonika 3:1

Ameinja, ira-ti ti ricwunnkyi si ti ni na jwam Rimam ikyaen-ti. Ni jwam wu ti ira na Itsekuru-ti Yesu ā ru yi uwe, ti ayi ā tu rurob uwog ande ti tsitsi pangma ti ayi nde te ni.

1 Timoti 4:10

Né iken ti nde ati ku kwab u ku nde rikaen, ikyaen ti, ati sa uwae tsi pu ti uwog Rimam ti site unyang, awu ti nwangru ande meme u ku nwangru skeb ande ti ku ru kubenti uwog-wu.

2 Timoti 4:5

Amaa, afu Timoti, iken ti afu ku nde meme, kab ira risu-yi titawe. Ngwa rikaen-fu ti utob ti ye, wande-fu ā si wande na unde ti ku sa Ira Tinyang ri te ande. Nde tag iken meme ti ta uwae wande na upyi Rimam.

Filimon 1:1

Ame Bulus, ti ku ngwa rikaen pursuna ikyaen Yesu Kristi, ti inja-ti Timoti, ku bae ira yine ku na Filimon urwan wande-ti ti utob uwae-ti,

Mbaibrane 3:6

Amaa, Kristi si umbae unde ti kununn, awu ku nde wande ti kubenti uwae kusog Rimam. Ati ama si kusog-wu, asiti ati a bom utob ru yi uwe, u pam ipam risu iken ti ati sa uwae tsi atang.

Ititatso 2:1

“Bae ka na atom Rimam ti ta risu kumbug ande Rimam ti ta uten Afisa baa, “Ayine si ira na awu ti ye su atitaen itsongfaen kujwo rici-wu. Awu ti ku kyang kutampwa akyikya fitila itsongfaen ti a kyae yi ti zinariya.