Luka 1:6 - Kutsingken Ira Rimam ti Saen Kyag

⁶ Zakariya ti uwa-wu som usom ti saen kyag uwe Rimam. Aba ku putsa icwe Rimam meme, u ta-ba te riraen be.

Luka 1:6 Iomraidhean Croise

Kucangtsi 17:1

Kiye ti Ibram nde asang mae inje mbe rijwe asu itsongnje (99), Yaweh tatso risu-wu uwog-wu u ri te wu baa, “Ame si Rimam ti Skeb titag. Kyang ikyin uwe-m uwae Usom ti kpang atang,

Kucangtsi 6:9

Ayine si kuci na Nuhu. Nuhu si unde ti kubenti, ti som usom ti pang atang uwae ande ti tsitsi kiye-wu. Awu kyang ikyin te Rimam.

Kucangtsi 7:1

Yaweh ri te Nuhu baa, “Sang uwae kuyae, afu ti ishikununn-fu, ikyaen imi, ame nung, afu amam ti si unde ti kubenti uwae ande ti ta utense tine.

Luka 1:7

Amaa a mbae-ba umbae be, ikyaen ti Elizabet si unda ti kunn utsob. Meme ifaen-ba kyaen tag pu ba, si-yi ti a u mbae tu anyisu cwucwo be.

Luka 16:15

Yesu ri te ba baa, “Ani ku sha ti ande na tang baa, ani na si ande ti tinyang, amaa Rimam nung pu wu riyaen utob-ni. Iken ti ande ku nung baa, ayi na si iken ti tinyang, uwe Rimam ayi si iken ti ku txi iyib.

Luka 2:25

Unde iki ta Urushelima ti a ku kunn wu baa Simeyon. Unde wune si unde ti ku nde iken ti tinyang uwe Rimam ama som usom ti saen kyag u som ku ji unde ti u nwangru Isirela. Kusung ti Saen Kyag te wu ta tetso.

Wande Atom 2:25

Ni nung! Ira ti Ukwe Dawuda ri ti kucang akwen kumunn pu yi uwog Yesu baa, ‘Ame nung Itsekuru ku som te m ko kiye titini. Awu ku tsi yi kujwo rici-m, iken iki u nde-yi ame ira be.

Wande Atom 23:1

Bulus pu ayib cwu tsa ande ba piin u ri te ba baa, “Ameinja-m! Ba ku fob usir ti yaka, iken ti ame nde meme, ame tu utob ti nae riben uwe Rimam.”

Wande Atom 24:16

Ikyaen yine ko usir titini ame ku kwab ti m som ti utob ti sisaen uwe Rimam te ande.

Wande Atom 8:21

Afu site-fu ti uwog uwae wande-ti be, ikyaen ti, utob-fu si-yi ti kubenti uwe Rimam be.

Roma 8:4

Awu nde ayine ikyaen ti a u kumunn ira usom ti sisaen ti icwe ku sha uwog-ti ande ti ku kyang-ti ikyin uwae rimenn ijwe be, amaa, ku kyang uwae Kusung.

1 Korinti 11:2

Ame ku teb ni ikyaen ti, ani ku tangsom te ira-m ko kiye titini, u ku putsa iken ti kwen ti ame nda ni kujwo.

2 Korinti 1:12

Ati ku pam ipam ikyaen itisom-ti ti ati som kutampwa ande uwae utense. Ufxenjwin riyaen utob-ti ama cwe ira-ti baa, ira yine na si kubenti ikyaen ti Rimam nda ti som usom na kubenti te ande, si-yi ti apwa unju amam be. Ayi si ahan siskeb uwog-ni ande na Rimam. Wande-ti ti ati ku nde te ande si-yi wande na ben-ayib ti utense be, ati ku nde yi ti rinyangwae na Rimam.

Filipi 2:15

ikyaen ti ni si ande ti sisaen, ti ande ti si-ni te riraen be. Ni si anyisu na Rimam ti kubenti, kutampwa ande titibi na utense wune ti ndembeb pu ba. Ni si pangma atitaen ti apupwen ti ku jaen wurwur uwae kufub utense wune,

Kolosi 1:22

Amaa tine awu sa ni ren ure ti ijwe-wu yi fengo na iticwu na Umbae-wu Yesu Kristi. Awu nde ahan ikyaen ti kiye ti ani u ku tsi uwe wu, ani u si ande ti sisaen u si-ni ti riraen be. Unde iki u tu-wu iken iki titibi ti awu u ri risu-ni be.

1 Tesalonika 3:13

Yi fengo wune, Itsekuru-ti ā ye ni tsi, ikyaen ti, kiye ti awu a kafe ba ti ande-wu ti sisaen meme, ani u tsi uwe Itse-ti Rimam, a u tu-ba ani te riraen iki be.

2 Bitrus 3:14

Ikyaen yine, ande-m ti utob uwae-m, ti ani som ku ji Usir wu, ni kwab ti ni som usom ti sisaen, ti Rimam ā tu-wu ani te riraen be. Ni kwab ti ni som usom ti kujimshwur.

1 Yohana 2:29

Ti ani nung pu ni baa, Kristi na si Unde ti Sisaen, ani u nung ama baa, unde ti a ku nde iken ti pang atang, awu na si umbae Rimam.

1 Yohana 2:3

Iken ti u tso paenine baa, ati na nung Rimam si ti ati a ku ye su Icwe-wu.

1 Yohana 3:7

Anyisu ne, unde iki ā kyaefa-wu ani be! Unde ti a ku nde iken ti pang atang, awu si unde ti tinyang, pangma ti Kristi si unde ti tinyang.