Luka 1:2 - Kutsingken Ira Rimam ti Saen Kyag

² Ira ti aba bae si sí ira ti ati kyangte uwog ande ti nung iken yi ti ayib-ba ti kucang u sa yi kyang ku ri te ande.

Luka 1:2 Iomraidhean Croise

Markus 1:1

Kucangtsi ira ti tinyang Yesu, Unde ti Rimam Tsab Tsi.

Markus 16:20

Ande ti putsa-wu ru yi ko aka meme uwae utense, ku ri ira-wu ti tinyang te ande. Itsekuru-ba Yesu ku ndeya ba. Awu ku nda ba wande ti ku fur ayib ti aba ku nde uwe ande, ti ku tatso ande baa, ira-wu na si kubenti.

Markus 4:14

Unde ti ku yag itso yi si unde ti ku ri ira Rimam te ande.

Luka 24:48

Ani nung pu ni iken yine ti ayib-ni.

Yohana 15:27

Ani ama si ande ti u ri ira risu-m ama, ikyaen ti, ani te m som tetso ti kucang ru ba ku sang tine.

Yohana 16:4

Amaa ame ri te ni ira yine ikyaen ti kiye ti aba a ru ba ku nde ni iken yine, ani u tangsom baa, ame na ri te pu m ani. “Ti kucang ame ri te-m ani ira yine be, ikyaen ti, ame te ni ta tetso.

Wande Atom 1:3

Isim yi ti awu cwu u nwunn uwae kuskab, awu tso risu-wu uwog-ba atsepu yang-yi akwen. Ayine nda ba a nungye baa, awu na nwunn pu wu uwae kukwae ara kubenti. Uwae usir mae ifaen aba nung uwe-wu u fxen wu awu ku kwen na ba ira risu Kujwokwe Rimam.

Wande Atom 1:8

Ana-ni ta ri. Ani u tu kuko kiye ti Kusung ti Saen Kyag na Rimam a si ba pu wu risu-ni. Ani u ri ira risu-m te ande uwae uka ti Urushelima, ti uten ti Yawudiya, ti uten ti Samariya, ka ti ricwunnkyi utense meme.”

Wande Atom 14:25

Aba ri ira Rimam te ande ti Perga u nwunn si ba Ataliya.

Wande Atom 16:6

A kyang kyang ba ru tsa uten ti Firigiya ti Galatiya. Kusung ti Saen Kyag cwe na-wu aba ti a na ri ira Rimam te ande ti uten ti Asiya be.

Wande Atom 17:11

Ande ba ti ta atang, a naa atong ira ti aba Bulus ri skeb pu ba ande ti Tesalonika. Aba kyangte ira yi ti utob kinjo. Ti usirsir aba ku putsa ira ti ta uwae Kutsingken Rimam, ku myae baa, ira yi ti Bulus ku ri si kubenti bara.

Wande Atom 26:16

Sunwunn ti tsi ritsen. Iken ti nde nee ame ba uwog-fu si ti m tsab ra fu ti afu na u si upyi-m. Afu u ri te ande iken ti afu nung yaka ti iken meme ti ame u tatso fu uwe ike.

Wande Atom 4:20

Ikyaen ti, ira yi ti ati nung, ku fxen, ati u nde tu-ti ti ti fxae ira yi be.”

Wande Atom 8:4

Ande na Yesu ba ti ter shag, aba nwunn ku ri ira Rimam meme uwog ti a ku kyang atang.

Roma 15:16

nee ame si upyi Yesu Kristi ti ku sa ira tinyang na Rimam ri te ande ti si-ba Mbayawuda be. Ame si kukwen ti ku yer wen iken na Rimam. Wande-m si ti m pu ande ti ise na Rimam ti wu u tsen utob atang. Awu u kyangte ba ikyaen ti Kusung ti saen kyag u kyae nyang utob-ba.

1 Korinti 4:1

Ande ā nung baa, ati atom na si anyisu afxen Yesu Kristi. A sa ira ti kitam na Rimam na ti kujwo.

Mbaibrane 2:3

Ati u nwang rimang asiti ati a saeru rurob itinwangru wune? Ti kucang-yi, Itsekuru-ti tsag ira yi, ama ande ti fxen yi sa yi tsag te ti baa, ira yi na si kubenti.

1 Bitrus 5:1

Ikyaen ayine, ame ku ri ira te ande ndufu ti ta uwae-ni. Ame ti risu-m si unde ndufu u si kinjo uwae ande ti tsi u sae rikaen ti Kristi ngwa. Kiye ti awu a ru ba ku tatso kuko-wu uwog ande, ame u tu kutunn-m atang ama.

2 Bitrus 1:16

Ayi si-yi ici kusung ti ati mam ku tsag te ni kiye ti ati ri te ni ira risu kpakang ti itiba na Itsekuru-ti Yesu Kristi be, amaa, ati sae riyinn-wu te ayib-ti.