Luka 1:1 - Kutsingken Ira Rimam ti Saen Kyag

¹ Ande yang-ba akwen kwab u bae ira risu iken ti nde kutampwa-ti.

Luka 1:1 Iomraidhean Croise

Markus 16:20

Ande ti putsa-wu ru yi ko aka meme uwae utense, ku ri ira-wu ti tinyang te ande. Itsekuru-ba Yesu ku ndeya ba. Awu ku nda ba wande ti ku fur ayib ti aba ku nde uwe ande, ti ku tatso ande baa, ira-wu na si kubenti.

Yohana 20:31

Amaa iken ti a bae tsi ne, a bae yi ikyaen ti ni na ru uwae kinjo baa, Yesu na si Unde ti Rimam Tsab Tsi, ama na si Umbae Rimam, ikyaen ti ni na ru uwae kinjo yi rinyi-wu, u tu unyang.

Roma 14:5

Ande iki ku sa usir iki tsi baa, awu na skeb pu wu usir ti tsitsi, amaa, ariki ku kab ana-ba baa, meme usir na pang atso. Unde titini ā kab ira-wu risu ira yine u tsi ting ting uwae ira ti awu myae baa, ayi na pang atang.

Roma 4:21

Awu sa uwae tsi baa, Rimam na u nde tu iken ti awu yer unju baa awu na u nde.

Kolosi 2:2

Ame ku sha ti a na tu kpakang utob u ren ure tetso u site rifunn na utob ti nae riben, ayi rifunn ti ruye uwae ira ti nung ti kubenti. Yi fengo yine aba u nung Kristi, awu ti si ira ti kitam na Rimam.

Kolosi 4:12

Epafira ti si kinjo uwae-ni, u si upyi Yesu Kristi, ku kunnji ni ira atang. Awu ku jwam Rimam ikyaen-ni ko kiye titini u ku jwam ti Rimam na u nda ni tsi ting ting, ti ani na kwen ben ayib uwae ira Rimam u nung nyang iken ti Rimam ku sha uwog-ni, ti ni na nae risu riben na na wu.

1 Tesalonika 1:5

Ikyaen ti, kiye ti ati sa Ira ti tinyang ba na ni, ayi si-yi ira unju-ti ti ukaen amam ti ru ba uwog-ni be. Ira ti ani fxen uwog-ti si te kpakang. Kusung Rimam nde wande te yi, u sa yi sang fe yi utob-ni. Ani ti risu-ni nung pu ni itso usom ti ati som kiye ti ati te ni ta tetso.

1 Timoti 3:16

Ira ti kitam ti Rimam mbubta u tatso ti si iken ti ku fe ayib! Rimam tso risu-wu uwae ijwe unde. Kusung ti Saen Kyag cwe ira-wu baa, awu na site kubenti. Atom na Rimam ti apupwen sae wu te ayib. A sa ira-wu kyang ka ri te ande ti utense meme. Ande uwae utense ru uwae kinjo uwog-wu. A ye ra wu tso yi uwog ti tinyang apupwen.

2 Timoti 4:17

Amaa, Itsekuru te m ta tetso u nda m ribom utob ti m na tsag Ira Tinyang-wu te ande ti si-ba Mbayawuda be, ti meme-ba ā fxen. Rimam nwangru m unju itumu.

Mbaibrane 10:22

Ikyaen yine, ti ko ba fer Rimam ti utob ti kubenti, yi fengo uwae kinjo ti si-yi te uwae ti kab be, ti utob ti a jwo sisaen uwae ira ti kab titibi, ti ijwe ti a jwujwo te ambyi ti sisaen.

Mbaibrane 6:11

Ayi si utob-ti ti ni tsikunn ti itikwab yine ka ti ricwunnkyi, ikyaen ti ni u tu kang iken ti ani sa uwae tsi atang.