Kucangtsi 26:4 - Kutsingken Ira Rimam ti Saen Kyag

⁴ Ame u nda rishi-fu mbae jwunn, u jwunn pangma aswer ti ta apupwen. Ame u nda ba meme riben wune. Meme ande ti utense u tu itinyang ru ye uwog-ba.

Kucangtsi 26:4 Iomraidhean Croise

Kucangtsi 13:16

Ame u nda itso-fu u jwunn pangma isa riben, asiti unde a pwen tu isa riben, aba u pwen tu rishi-fu ama.

Kucangtsi 15:18

Usir wu né, Yaweh yer unju te Ibram baa, “Riben wu ti nwunn ti uyinn ti Ejib ka sang ti uyinn tiyang na Yufiretis ne, ame u nda anyisu-fu.

Kucangtsi 15:5

Awu pu ra Ibram ru ye ise, u ri te wu baa, “Sae ayib tso yi apwa apupwen, ti fu pwen atitaen yi ti ta atang. Pangma ti afu u pwen tag-fu ayi be, ti mbwe-yi ama ti utso-fu u jwunn.”

Kucangtsi 18:18

Ame nung pu m baa, rishi Ibrahim na u ba jwúnn timambe, ama ambukwen ande utense meme u ba tu itinyang uwog-ba.

Kucangtsi 26:24

Utitang wu, Yaweh tatso risu-wu uwog Ishaku, u ri baa, “Ame si Rimam na itse-fu Ibrahim. Kyen-fu ikyenricwu be, ame te fu ta tetso. Ame u nde fu itinyang. Rishi-fu u mbae jwunn, u jwunn timambe, ikyaen na upyi-m Ibrahim.”

Kucangtsi 28:14

Rishi-fu u jwunn pangma isa riben. Afu u ka ru usir ti kiskinn ti ti ureb, ti isi ti isku meme. Ande utense u tu itinyang ru uwog-fu ti rishi-fu.

Kucangtsi 28:3

Rimam ti site kuko patag ā nde fu itinyang, ti fu mbae jwunn, u jwunn ama u kafe mbukwen ande.

Kucangtsi 35:12

Riben wu ti ame nda Ibrahim ti Ishaku, ame u sa wu na fu. Ame u sa riben wune na anyisu-fu ti putsa isim-fu.”

Kucangtsi 47:27

Ama anyisu Isirela som uwae Goshen yi uten Ejib. Atang aba tu rifunn fufa ama u mbae jwunn timambe.

Itiruye 32:13

Tangsom te apyi-fu Ibrahim ti Ishaku ti Yakubu ti afu ti risu-fu ben uben te ba baa, ‘Ame u nda anyisu-ni jwunn pangma atitaen ti apupwen, ama riben wune ti ame yer unju te ni, ame u sa wu meme na itso-ni, ti ayi ā si rifunn-ba ti tsi kukunn.’ ”

Itiruye 6:4

Ame yer kyi unju te ba ti ame na u nda ba riben Kanana, uwog ti aba som rikyen atang ne.

Wande Atom 3:25

Aba ande ti ku ya iskin ira Rimam si abitse-ni. Ikyaen na yine unju ti yer ti Rimam yer te ba si ana-ni ama. Pangma ti Rimam yer unju te Ibrahim baa, ‘Ikyaen na rishi-fu, meme ande ti utense na u tu itinyang.’

Galatiya 3:16

Ayi si ahan ama ti unju ti yer ti Rimam yer te Ibrahim. A bae baa, Rimam na yer unju te Ibrahim fa ti unde ti u ba isim-wu. A ri-ba baa, “Ande ti u ba isim-wu” be, a ri baa, “Unde ti u ba isim-wu.” Ayi si unde kinjo, si-yi ande ti ujwunn be. “Unde ti u ba isim-wu” ti aba ri atang ama, si Kristi.

Galatiya 3:8

Ti kucang Rimam pwen mam yi mam uwae kutsingken-wu baa, uwe ike awu na u kyangte ande ti si-ba Mbayawuda be ama, asiti aba a ru kubenti uwog-wu. Né iken ti nde awu ri te Ibrahim baa, “Ayi u si ikyaen-fu Ibrahim ti meme ande ti utense u tu itinyang.”

Mbaibrane 11:2

Ayi si uwae kinjo ti nda abitse-ti ti kute, tu risu tinyang uwe Rimam.