Kucangtsi 1:1 - Kutsingken Ira Rimam ti Saen Kyag

¹ Ti kucangtsi ti Rimam mam apupwen ti riben,

Kucangtsi 1:1 Iomraidhean Croise

Nehemiya 9:6

“Afu ti si Yaweh, afu amam ti si Yaweh. Afu kyae apupwen, ti ujwunn aswer ti ta apupwen. Afu kyae utense ti iken ti ta uwae-yi meme, ti uyinn ti iken ti ta uwae-yi meme. Afu nda ba unyang meme. Atom ti apupwen ti iken ti tsitsi apupwen ku kú riben ku fen fu.

Itiruye 20:11

Ikyaen ti, uwae usir itsongnjo, Yaweh mam apupwen ti riben ti uyinn ti iken ti ta uwae-yi meme. Ama usir ti itsongfaen, awu pu unyang atang. Ikyaen yine Yaweh nde usir wu itinyang u sa wu tsi usir ti sisaen.

Itiruye 31:18

Isim ti Yaweh ri tag ira yine te Musa yi utaen rikwen ti Sinai, awu nda Musa afxae atxom ifaen ti awu Rimam bae icwe unju ti yer si atang.

Matiyu 11:25

Uwae kiye wu Yesu ri baa, “Ame fxaefa te fu Itse, Itsekuru na apupwen ti riben, ikyaen ti afu sa ira-fu tam ande ti ben yib ti ande ti site iyii, ama u sa tatso ande ti nung-ba iken be.

Markus 13:19

Ikyaen ti, rikaen ti uwae kiye wu ti ame ku ri ne u skeb tag pu yi rikaen meme pab, ti ti Rimam kyae utense ba kwar ti yaka ne. Ama ande u ngwa-ba rikaen itso yine uwe ike cwucwo be.

Wande Atom 14:15

“Ande-m! Ani nde rimang ku nde iken yine? Ati si ande pangma ani. Ati si-ti apxin be. Ati ba ike ti ti ri te ni Ira Tinyang na Rimam, baa, ani na ya iken ti ukaen yine ta, ti ni ba putsa Rimam ti site unyang, ti kyae apupwen ti riben, ti iyinn, ti iken ti ta uwae-yi meme.

Wande Atom 17:24

Rimam ti kyae utense ti iken meme ti ta uwae-wu si Itsekuru apupwen ti riben. Awu ku som-wu uwae asog ti ande ku mbyimbye be.

Wande Atom 4:24

Ti ande na Yesu fxen ira yi, a byir atso ti uwog kinjo ku jwam Rimam. A jwam Rimam baa, “Itsekuru-ti Rimam, afu kyae apupwen ti riben, ti uyinn, ti iken ti ta uwae-yi meme.

Roma 11:36

Rimam kyae iken ti ta uwae utense meme. Awu ti ku nde fengo nee iken meme ku kyang ikyin. A sa meme-yi tsi ikyaen na wu. Itinyang ā si ana-wu tsikunn ike ru fife yi uwe. Ayi ā si ahan.

1 Korinti 8:6

amaa, ati nung pu ti baa, Rimam na si kinjo rikaen. Awu ti si Itse-ti. Awu ti kyae iken ti ta utense meme. Awu kyae ti ti ati na som usom-ti ikyaen-wu. Ati site nyang Itsekuru kinjo ama. Awu si Yesu Kristi. Uwae wande ti ana-wu, Rimam kyae iken meme. Yi uwog-wu ati site unyang.

Afisa 3:9

Cwucwo ti ame na nda ande meme nungye kumyae Rimam ti awu myae tsi kute, ira yi nee ati ande nung tu-ti be, awu Rimam amam ti nung. Awu Rimam ti mam meme iken patag, sa kumyae-wu ayi tam uwae kiye ti wur ruru,

Mbaibrane 1:10

“Afu Itsekuru ti tā imbyi utense ti kucang akwen. Apupwen meme si kujwo wande-fu.

Mbaibrane 1:2

Amaa, uwae kiye ti ricwunnkyi ne, awu tom Umbae-wu ba ri ira te ti. Awu tsab umbae-wu tsi ti wu na si risu meme iken ti awu kyae utense. Ayi si si umbae-wu ti Rimam kyae utense yi kujwo-wu.

Mbaibrane 11:3

Ikyaen uwae kinjo, ati nungye baa, Rimam na mam meme iken ti ta utense yi fengo na ira unju-wu, ama iken ti a ku sae ti ayib ne, a kyae yi ruye uwae iken ti a ku sae-ba te ayib be.

Mbaibrane 3:4

(Meme kusog, unde ti mbye yi, amaa, Rimam ti ku mbye meme iken.)

2 Bitrus 3:5

Uwae unghae, aba pyir ira ti kubenti ti ku tatso baa, apupwen na ta atang ti kucang akwen, utense ama, tsoye kutampwa ambyi, yi ira unju Rimam.

1 Yohana 1:1

Ira wu ti ati ku ri te ni ne, ta pu wu atang ti kucang akwen. Ati fxen pu ti awu, u sae pu ti awu te ayib, u tekunn pu ti awu te ajwo. Awu si Ira na Unyang.

Ititatso 10:6

u ben uben uwog Rimam ti tsi yiyer, ti mam apupwen ti riben ti uyinn ti iken ti ta uwae-yi meme. Awu ri baa, a na u nde-ba kukyib cwucwo be.

Ititatso 14:7

Awu ri ira ti ribom baa, “Ni kyen ikyenricwu Rimam, ti ni nda wu kuko, ikyaen ti, kiye rikwen-wu ta ajwo. Ni fen Rimam, awu ti mam apupwen ti riben ti uyinn ti ukab meme.”

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 22:13

Ame ti si itikucang u si itiricwunnkyi, ame si iti uwe u si iti isim.”

Ititatso 3:14

Bae ka na atom Rimam ti ta risu kumbug ande Rimam ti ta Lodikeya baa, “Ayine si ira ti ruye unju Awu ti rinyi-wu si ‘Aminn,’ awu ti si kubenti, ti ku ri tan ira ti kubenti, u si utitawe na meme iken ti Rimam mam.

Ititatso 4:11

“Rimam Itsekuru-ti, afu pang pu fu ti fu paembe riyinn ti kuko, ti a u nung fu te rurob. Afu ti mam iken meme, ayi si utob-fu nee afu mam yi, ama ayi tsi.”