Ititatso 9:21 - Kutsingken Ira Rimam ti Saen Kyag

²¹ Aba ya ande ti wen, ti kisi ti ru, ti amae ti nae ti iyag ti nae, ti riyib ti yib, ta-ba be.

Ititatso 9:21 Iomraidhean Croise

Daniyel 11:33

“Ama ande ti ben ayib uwae-ba u mbubta na ande yang-ba ayib. Amaa, uwae kiye pang, a u yerwen ariki uwae-ba, u twen mbub ariki, u ye ariki ru apyi, u kwae pu rifunn-ba ru.

Matiyu 15:19

Ikyaen ti, ira ti kab ti ku tso uwae utob unde si ira ti kab titibi, ande ti wen, iyag ti nae, amae ti nae, riyib ti yib, ucwé tikong, rinyi unde ti ti rimbeb.

2 Korinti 12:21

Ame ku kyen ikyenricwu baa, iki be Rimam u nda m rikwae ti wae uwe-ni, iki be ariki uwae-ni nde ikentitibi ti kucang u kafe isim ta-ba yi be. Aba ku nae ajwo ajib ti atang u ku sha uwa ande ti atang u ku nde iken ti tsotso ti ku txi iyib uwe Rimam ti atang. Ayi a si ahan, ame u ru ba jwub ira risu ande bane.

Galatiya 5:20

apxin ti fen, ti kisi, ti rika, ti kutxu, ti kitsinn, ti rinae, ti ti afu u tso baa, afu na skebtitag, ti tsi txi, ti itikanta,

Ititatso 13:13

Awu nde iken ti ku fur ayib, ka ti awu nda urwa si apupwen ba utense uwe ande meme.

Ititatso 13:15

A nda ibye ti ifaen wune riyae ti wu na jwu unyang na sang ruwen apxin wune, ti awu ndetu ti wu ri ira, u wen ande ti ku fen-ba apxin wu be.

Ititatso 13:7

Ama a nda wu riyae ti wu na ta rika te ande Rimam, ti wu na ci ba rika. A nda wu kuko risu ande ti utense meme, ti unju ti tsotso ti meme kumbub ande ti utense pab.

Ititatso 14:8

Atom iki ti fa ti ifaen putsa awu ti kucang, u ku ri baa, “Babila jwunnsi pu wu! Babila uka tiyang mbub si pu wu! Awu unda wu ti kyaefa meme ande utense u nda ba ngwa ambyi itu na amae ti nae-wu ti byag kukwan.”

Ititatso 16:6

Aba yaenmbub anying ande Rimam, ti ana ande ti ku ya iskin ira-fu Rimam, ikyaen ayine, afu ye anying na ba ti a na ngwa. Ayi si kujwojang ti pang atang.”

Ititatso 17:2

Unda wune, abikwe ti utense nde iyaen te wu, ande ti utense meme ngwa ku shishaen uwae amae ti nae te unda wu.”

Ititatso 17:4

Unda wu cwun atupwa tibyaen ti tibyir, u kyae ijwe-wu te iken atong zinariya, ti asuwa ti atxom ti titsen ti tsotso, ti ku jaen wur wur, u ye su kitu zinariya ti munn ti iken ti isor na amae ti nae-wu ayi.

Ititatso 17:5

A bae rinyi iki kutxuwe-wu, ti unde iki nung-wu imbyi-yi be. Rinyi wu si: babila, uka ti kuko, iya na iyaen meme ti ana iken ti ku txi iyib na utense.

Ititatso 18:3

Ikyaen ti, meme ambukwen ande ngwa pu ba ambyi na amae ti nae-wu ayi. Abikwe ti utense nae pu ba amae te wu. Ande kijab ti utense patag nde rifunn ikyaen ti, awu ku kwae rifunn na iyag-wu shag ba.”

Ititatso 19:2

Rikwen-wu si rikwen ti kubenti u pang atang. Awu ye pu wu iyaen wune ti ye utense ndembeb u pwen wu rikwen. Awu ye pu wu upae anying apyi-wu ti unda wune tur yaenmbub.”

Ititatso 21:8

Amaa, ande ti ku kyen ikyenricwu, ti ande ti ru ba uwae kinjo be, ti ande ti kambeb pu ba uwae ikentitibi, fa ti ande ti ku wen ande, ti ande ti ku nae iyag ti amae, ti ande ti kisi, ti ande ti ku fen apxin, ti meme ande ti ku wer rifen, uwog ti som-ba ta uwae uvum urwa ti ku ten ku jim-yi jim be! Ayine si iticwu ti fa ti apu-ifaen.”

Ititatso 22:15

Amaa, mbapxu, ti ande ti kisi, ti ande ti ku caen upwen, ti ande ti ku nae iyag, ti ande ti ku wen ande, ti ande ti ku fen apxin, ti ande meme ti sa uwae tsi risu iken tikong ti ti nde, abane meme u som ana-ba kanjag.

Ititatso 9:20

Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.