Ititatso 9:20 - Kutsingken Ira Rimam ti Saen Kyag

²⁰ Ande ti tsitsi ti kujwūnn titibi yine twenji-yi aba be, kafe isim ta-ba kujwo wande titibi-ba ti a ku nde be. Aba tsikunn itifen apxin zinariya, ti ana azurfa, ti bronzi, ti atxom, ti ituku ti si iken ti ku sae-yi ayib be, ku fxen-yi ira be, u ku kyang-yi ikyin be.

Ititatso 9:20 Iomraidhean Croise

Daniyel 5:23

ama ku myae risu-fu te Rimam ti ta apupwen, u ka pu isu ti si ana kusog Rimam ba ngwa ambyi anam atang, afu, ti afaen-fu, ti awa-fu ti kununn ti ti isā-fu meme. Afu teb apxin ti a kwén yi te zinariya, ti azurfa, ti bronzi, ti ikyabser, ti apxin ti a pab yi te kutuku fa ti kutxom ti ku sae-yi uwog be, ku fxen-yi ira be, ku nung-yi ira iki be. Amaa, awu Rimam ti unyang-fu ti wande-fu meme ta kujwo-wu, afu nda-fu awu rurob be.

Daniyel 5:4

Aba ngwa ambyi anam yi ama teb rinyi apxin yi ti a kwén yi te zinariya, ti azurfa, ti bronzi, ti ikyabser, ti ayi ti a pab yi te kutuku ti kutxom.

Matiyu 21:32

Yohana unde ti ku nde batisma ba uwog-ni u tatso ni usom ti som ti saen kyag, ani ru-ni uwae kinjo uwog-wu be. Amaa ande ti ku mbe aser akwe ti iyaen ru uwae kinjo uwog-wu. Isim yine, ko ti ani nung iken yine, ani kafe isim ta-ni ikentitibi-ni be. Ani ru-ni uwae kinjo uwog-wu be.”

Wande Atom 17:29

Asiti ati a si anyisu Rimam, ati ā tang-ti baa, Rimam na pangma apxin ti ande ku mam ti itsab-ba ti zinariya ko azurfa ko kutxom be.

Wande Atom 19:26

Tine ani ku nung ku fxen iken ti unde wune Bulus ku nde. Awu ku kyang ku ri te ande baa, apxin ti ande na ku kyae ti ajwo-ba si iken ti ukaen amen. Ande yang-ba uwae uka Afisa ike ti meme uten ti Asiya cwe pu ba ira-wu ayi.

Wande Atom 7:41

Kiye wune, a kyae apxin iki ti ru indag. A fen iken yine ti a kyae ti ajwo-ba u yerwen ibye na wu u nde ukwab na awu.

2 Korinti 12:21

Ame ku kyen ikyenricwu baa, iki be Rimam u nda m rikwae ti wae uwe-ni, iki be ariki uwae-ni nde ikentitibi ti kucang u kafe isim ta-ba yi be. Aba ku nae ajwo ajib ti atang u ku sha uwa ande ti atang u ku nde iken ti tsotso ti ku txi iyib uwe Rimam ti atang. Ayi a si ahan, ame u ru ba jwub ira risu ande bane.

1 Timoti 4:1

Kusung ti Saen Kyag ri te ti paenine baa, kiye ti ricwunnkyi, ande iki na u ya ira Rimam ta u sa utob-ba na asung titibi ti ku kyaefa ande. Aba u putsa iken ti kwen ti tikong ti ru uwog asung titibi ba.

Ititatso 15:1

Tiri, ame sae iken iki ti ku fur ayib, ti ku wub ijwe, nde apupwen. Atom Rimam ti apupwen itsongfaen, ye su kujwūnn titibi itsongfaen ti si ti ricwunnkyi. Ayine ti u mam tag rinae na Rimam.

Ititatso 16:8

Isim ayine, atom ti inje yaen ana-wu ti ta uwae kuseb-wu si risu usir, ama ayi nda ayam usir fxab ande.

Ititatso 9:19

Ribom kakum yine ta unju-yi ti ikyēn-yi. Ikyēn-yi pangma risu ikentibi, ama ayi ku pye ande atang.

Ititatso 9:21

Aba ya ande ti wen, ti kisi ti ru, ti amae ti nae ti iyag ti nae, ti riyib ti yib, ta-ba be.