Ititatso 9:11 - Kutsingken Ira Rimam ti Saen Kyag

¹¹ Ayi site ukwe-yi ti si atom ti ku nungkyi kukwae ti itikunntsi-wu ta-yi be. Rinyi-wu unju Mbaibrane baa, Abadonn, unju Helene ama, a ku kunn wu baa, Apoliyon, ti imbyi-yi baa, “Twenji.”

Ititatso 9:11 Iomraidhean Croise

Luka 8:31

Aba jwam Yesu baa, awu na jae ba ruye-wu uwae unde wu be.

Yohana 12:31

Ayine ti si kiye ti a u pwen utense rikwen. Tine a u mbe ra ukwe na utense wune kujwo Shetann, u rwae wu ru ye.

Yohana 14:30

Ame u ri-m ira kuko te ni cwucwo be, ikyaen ti, awu Shetann, awu ti ku nae ukwe uwae utense ne, ru ku ba. Awu site-wu kuko iki risu-m be,

Yohana 16:11

Awu u tatso ba baa, Rimam na u pwen utense wune rikwen ikyaen ti, awu pwen mam pu wu rikwen risu unde wu ti nae ukwe uwae utense wune.

Yohana 5:2

Urushelima atang ambyi iki ta atang fer ti uwog ti ande ku sang uwae uka ti a ku kunn wu baa, Ufu Mbawen. A ku kunn uwog ambyi wune ti unju Mbaibrane baa, Betisaida. Unju ambyi atang a sim afug itsong.

Yohana 8:44

Ani si ana itse-ni, awu Ukwe Kukyaefa. Iken ti ani ku sha si iken ti nyang uwae-wu, awu itse-ni. Ti kucang-yi awu si unde ti ku wen ande. Awu ku putsa-wu kubenti ama be. Kiye ti awu a ku yer rifen, ayi si-yi iken tishe be, ayi si wande-wu ti kucang-yi akwen, ikyaen ti, awu ku yer kob rifen. Ira titikong meme ku ru uwog-wu ba.

2 Korinti 4:4

Aba si ande ti ru-ba uwae kinjo be, ikyaen ti, Shetann ukwe utense wune byi kyi pu wu utob-ba, ikyaen ti aba ā nung-ba uwog ti paenine ti ku ba uwog-ba be. Uwog ti saen kyag ne si Ira Tinyang risu Yesu Kristi, awu ti site kuko, ku tso ti itso unde ti Rimam tsi.

Afisa 2:2

Kiye wu, ani ku kyang ikyin uwae fengo titibi na utense ike. Ani ku nae risu riben na awu unde ti uwe asung titibi, awu ti ku nde wande uwae utob na ande ti kpag risu te Rimam ba kwar ti yaka ne.

1 Yohana 4:4

Anyisu ne, ani si ana Rimam. Ani ci pu ni rika risu-ba, ikyaen ti, awu ti ta uwae-ni skeb pu wu awu ti ta utense.

1 Yohana 5:19

Ati nung pu ti baa, ati na ru uwog Rimam ba, utense meme ama na ta kujwo Shetann.

Ititatso 12:9

Awu usang ti ricwu titibi, ti si ikentibi wu ti kute, ti a ku kunn wu baa, ukwe kukyaefa, Shetann, awu ti ku kyaefa ande ti utense, a ye ra wu ti atom ti imbyi-wu meme jwunnsi ba utense.

Ititatso 16:16

Tiri, asung ita yine kunn byir akwe bane uwog iki ti a ku kunn wu ti unju Mbaibrane baa, Armagedon.