Ititatso 9:1 - Kutsingken Ira Rimam ti Saen Kyag

¹ Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.

Ititatso 9:1 Iomraidhean Croise

Luka 10:18

Yesu ri te ba baa, “Kiye ti ani ku nde wande-ni ame nung Shetann jwunnsi apupwen ku ba pangma imam ti jaen wur.

Luka 8:31

Aba jwam Yesu baa, awu na jae ba ruye-wu uwae unde wu be.

Roma 10:7

“Ko ani ku tang baa, se unde a si fe yi kukwae iticwu” (ti wu kaa pu Kristi tso atang ba). Iyee!

Ititatso 1:18

u tsi yiyer. Ame cwucwu kucang, amaa tine, ame tsi user ru fife yi uwe. Iken ti ku mbub ufu Iticwu, ti Kinjag, ta kujwo-m.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 11:7

Isim ti ande-m ifaen bane a ya mam pu ba iskin ira-m, ibye titibi iki u tsoye uwae kukwae ti itikunntsi-yi ta-yi be. Awu u ta rika te ba, u ci ba rika, u wen ba.

Ititatso 17:8

Ibye wu ti afu sae ne, ku nyang unyang kute, u ku nyang-wu unyang tine be, amaa, ayi u tsi-yi tsi be awu u nwunn kukwae ti itikuntsi-wu ta-yi be ba, u kaa twenji. Ama meme ande ti a bae-ba rinyi-ba uwae kutsingken na unyang, kiye ti a bag ku mam utense, tiyinn u si ba ijwe, kiye ti aba sae ibye wune ti ku unyang unyang kute, ama ku nyang-wu unyang tine be, ama ti u ba kyi cwucwo.

Ititatso 20:1

Isim ayine, ame nung atom iki si apupwen ba, u ye su iken ufu na kukwae ti itikunntsi-wu ta-yi be, u ye su uji kiser.

Ititatso 20:10

Ama awu fáen-ra Shetann wu ti kyaefa ba, u ye wu jwunnsi uvum urwa ti ku ten ku jim-wu jim be, uwog ti ibye titibi wune, ti unde ti ku ya iskin ira ti tikong ta atang. Aba u ngwa rikaen atang usirtaen ti utitang, ititsikunn-yi ta-yi be.

Ititatso 6:13

Kititaen ti apupwen mbub ru, u jwunn si ba yi riben pangma awaen kututung ti tikong, ti ufunn ti ribom a ku kae, ayi ku suskun.

Ititatso 8:10

Ama atom ti ita kunn kutumu-wu, kititaen tiyang jwunnsi apupwen ba, u ku cwé piin pangma amunn urwa kakongka. Awu jwunnsi kujwo ikyab iki na unyim, ti isatsub ambyi.

Ititatso 8:12

Ti atom ti inje kunn kutumu-wu, a byinn kujwo kyab kinjo na usir ti ana ushaen ti ana atitaen ti nda yi kang mbeb. Ama kufub sikyi kujwo ikyab na usirtaen ti utitang meme.

Ititatso 8:2

Ame sae atom Rimam ti apupwen itsongfaen, aba atom ti ku tsi uwe Rimam. A pu atumu itsongfaen na ba.

Ititatso 9:2

Ama ti awu mbub kukwae wu, akyang ku tso tsig tsig tsig, u kang cwurr, pangma akyang kuvum urwa tiyang. Usir ti uwog meme kafe itibyir, ikyaen akyang ti ruye uwae kukwae wu.