Ititatso 8:7 - Kutsingken Ira Rimam ti Saen Kyag

⁷ Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.

Ititatso 8:7 Iomraidhean Croise

Itiruye 9:33

Tiri Musa nwunn uwe Ukwe ama u ruye uwae uten wu, u ka pu ajwo-wu tso yi apupwen uwog Yaweh. Ama imam ti ku taen yi, ti upwen ti ku tsa ku jwunn akóng yi yer tsen.

Yakubu 1:11

Ikyaen ti, usir a tso, u ku tsi ku fwaaan, ujwunn usir u nda ajwug irum yi myae jwoo, u skun ru, rinyang-yi ama u waen ru. Ti mbwe-yi ama unde ti rifunn u twenji uwae rifunn ti sha-wu ayi.

1 Bitrus 1:24

Pangma ti a bae uwae kutsingken baa, “Meme ande si pangma irum kutur. Meme rinyang-ba si pangma ajwug irum, Irum ku myae jwoo, u waen ru.

Ititatso 12:4

Ukyén-wu shir pu atitaen kujwo kyab kinjo jwunnsi ba yi utense u yata kujwo kyab ita tsi ti atang. Usang ti ricwu titibi wu, tsi uwe unda wu ti ku pwe umbae wune ikyaen ti, kiye ti unda wu a mbae pu wu, awu na u kwerra umbae wu menn si.

Ititatso 16:2

Atom ti kucang ru ka yaen ana-wu ti ta uwae kuseb-wu si utense, ama ribang mbyìr tso kyife rimenn ande bane meme ti site iwaen ibye titibi wune, ti ande ti ku fen apxin ti awu mbye tsi.

Ititatso 16:21

Akóng upwen ti rikem ti rikem jwunnsi ba risu ande, ama aba txunmbeb Rimam ikyaen kubyagkwa rikaen ti aba ta uwae-yi, ikyaen ti, rikaen yi beb, si-yi ti ti ri be.

Ititatso 6:8

Ama ame sae, ti m nunung, kakum ti pafoong tsi! Rinyi unde ti ku tso wu baa, Iticwu, kinjag ku putsa wu isim. A nda ba kuko ti a na twenji ande kujwo ikyab kinjo uwae inje ana utense te rika, ti rimenn, ti iticwu kufùm, ti ibye anyi ti ta utense, ti a na ya ajwo kyab ita na ta ti user.

Ititatso 7:1

Isim ayine ame sae atom Rimam ka inje, tsi ukub inje na utense, u ye ufunn ti ruye ukub inje na utense yine tsi ting, ti ayi ā kae fa-yi utense ko uyinn ko ituku be.

Ititatso 9:15

Ikyaen yine, atom Rimam ti apupwen inje ba ti tsi mam pu ba ti ujwin ikyaen kiye wune, ti usir wune, ti ishaen wune, ti kusang wune, a saen ba ta ti aba na ka wen kujwo kyab kinjo na ande ti utense.

Ititatso 9:18

Kujwūnn titibi ita yine, urwa, ti akyang, ti umung ipung ti ku tutwen ti ruye unju kakum yine, twenji ande kujwo kyab kinjo uwae ita na ande ti utense.

Ititatso 9:4

A ri te yi baa, ayi na ci ndembeb-yi irum ko afub ko ituku tirisub iki utense be, amaa, ayi na sha nyáng ande ti a kum ba sitami na Rimam kutxuwe-ba be.