Ititatso 8:2 - Kutsingken Ira Rimam ti Saen Kyag

² Ame sae atom Rimam ti apupwen itsongfaen, aba atom ti ku tsi uwe Rimam. A pu atumu itsongfaen na ba.

Ititatso 8:2 Iomraidhean Croise

Matiyu 18:10

“Ni sae ru-ni ko kinjo uwae anyisu tinying bane be. Ame ku ri te ni baa, aba na site atom-ba ti apupwen ti ku sae uwe Itse-m ti ta apupwen.

Matiyu 24:31

A u kunn kutumu ti ribom, ama awu u tom atom-wu ti apupwen kaá byir tag ande Rimam ti awu tsab tsi uwae utense meme.”

Luka 1:19

Atom wu ri te wu baa, “Ame si Jibirilu ti ku tsi uwe Rimam. A tom me ti m na ru ba ri ira te fu, ama ti m na sa ira ti tinyang yine ru ba na fu.

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”

1 Korinti 15:52

Ayi u nde ti ritsen ahan, pangma itiskambae ayib, kiye ti a kunn kutumu ti ricwunnkyi. A u kunn kutumu wu u kunn nwunn ande ti cwucwu, aba u nwunn ti ijwe-ba ti tishe ti u rwa mbub-yi mbub cwucwo be. Ati ama u kafe ijwe meme-ti u putsa ba.

1 Tesalonika 4:16

Kiye wu, ati u fxen afxenjwin ti ribom ku ya iskin ira yi. Ukwe ande ti atom na Rimam u kunn ira. A u kunn kutumu na Rimam. Ama tiri, Itsekuru-ti Yesu ti risu-wu u si apupwen ba. Aba ande na Kristi ti cwu pu ba ti kucang-yi, aba ti tawe u shwur uwae iticwu.

Ititatso 1:4

Ame Yohana ti bae ira yine na ande na Rimam ti ta uwae uten itsongfaen na uten ti Asiya. Rinyangwae ti kujimshwur ā si ana-ni ru ye uwog Rimam, awu ti ta atang tine, u si Rimam ti kute, u si Rimam ti ku ba uwe, ama ru ye uwog Kusung itsongfaen ti ta uwe kutxomkwe-wu,

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 15:1

Tiri, ame sae iken iki ti ku fur ayib, ti ku wub ijwe, nde apupwen. Atom Rimam ti apupwen itsongfaen, ye su kujwūnn titibi itsongfaen ti si ti ricwunnkyi. Ayine ti u mam tag rinae na Rimam.

Ititatso 16:1

Isim ayine, ame fxen afxenjwin ku ri ira ti ribom uwae kusog Rimam. A ri te atom itsongfaen bane baa, “Ni ru ti ni ka yaen rinae Rimam ti ta uwae kuseb itsongfaen yine si utense.”

Ititatso 8:13

Tiri ame sae ikwen ti ku pinn apupwen. Ame fxen wu ku kunn ukunn baa, “Kukuuwu! Kukuuwu! Kukuuwu! Ande utense u nde rimang, isim ti atom ita ti tsitsi a kunn kutumu-ba?”

Ititatso 8:6

Ama atom Rimam ti apupwen itsongfaen aba ti ye su atumu itsongfaen, kyae ijwe-ba tsi ti ujwin ti a u kunn yi.

Ititatso 9:1

Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.