Ititatso 8:11 - Kutsingken Ira Rimam ti Saen Kyag

¹¹ Rinyi kititaen wu baa, “Rikàen ti nungag.” Kujwo kyab ambyi uwog iki kafe rikàen. Ande yang-ba cwu, ikyaen ti, ambyi wu kafe rikàen titibi.

Ititatso 8:11 Iomraidhean Croise

Itiruye 15:23

Ti aba ka sang Mara, aba tu ambyi. Amaa aba ngwa tu-ba ambyi wu be, ikyaen ti, awu nungag. Nee iken ti nde a ku kunn uwog wu baa, Mara.

Amos 5:7

Ayae ni, ani ande ti sa kubenti kafe iken ti nunn ngag pangma arisab, ama u ku fxaembe iken awakaen, u ku fungkyi kubenti.

Amos 6:12

Kakum ku ter nyae risu kutxu a. Unde u pu indag kaa tom ritom uwae uyinn a. Amaa, ani sa ira ti kubenti kafe rikàen ti nunn ma arisab, u sa wande ti tinyang kafe iken ti nunn ngag.

Mbaibrane 12:15

Ni nung nyinyang ti unde iki ā shanum-wu rinyangwae Rimam be. Ama ti ira titibi iki ā nwunn-yi kutampwa-ni ti u ndembeb ande yang-ba be.

Ititatso 12:4

Ukyén-wu shir pu atitaen kujwo kyab kinjo jwunnsi ba yi utense u yata kujwo kyab ita tsi ti atang. Usang ti ricwu titibi wu, tsi uwe unda wu ti ku pwe umbae wune ikyaen ti, kiye ti unda wu a mbae pu wu, awu na u kwerra umbae wu menn si.

Ititatso 8:7

Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.

Ititatso 9:15

Ikyaen yine, atom Rimam ti apupwen inje ba ti tsi mam pu ba ti ujwin ikyaen kiye wune, ti usir wune, ti ishaen wune, ti kusang wune, a saen ba ta ti aba na ka wen kujwo kyab kinjo na ande ti utense.

Ititatso 9:18

Kujwūnn titibi ita yine, urwa, ti akyang, ti umung ipung ti ku tutwen ti ruye unju kakum yine, twenji ande kujwo kyab kinjo uwae ita na ande ti utense.

Ruti 1:20

Awu ri te ba baa, “Ni kunn-ni ame baa, Nawomi be. Ni kunn m baa, Nungag, ikyaen ti, Rimam ti site kuko patag nde tsi pu wu ame ti utob ti byir.