Ititatso 8:10 - Kutsingken Ira Rimam ti Saen Kyag

¹⁰ Ama atom ti ita kunn kutumu-wu, kititaen tiyang jwunnsi apupwen ba, u ku cwé piin pangma amunn urwa kakongka. Awu jwunnsi kujwo ikyab iki na unyim, ti isatsub ambyi.

Ititatso 8:10 Iomraidhean Croise

Matiyu 25:1

“Kujwokwe ti apupwen si pangma anyisu wandab rijwe ti pu fitila-ba kaa kyangte ubaen unda ishe.

Luka 10:18

Yesu ri te ba baa, “Kiye ti ani ku nde wande-ni ame nung Shetann jwunnsi apupwen ku ba pangma imam ti jaen wur.

Yawuda 1:13

Aba pangma ufunn ti kpakang ti nwunn uwae uyinn, u ku paen yi tso kumum kumum, ama isim-yi, nyáng úfúnn iken ti rukwae-ba amam ti kag tsi. Aba si pangma aswer ti ku tsi-yi skirr be. Uwog ti som-ba si uwog ti byi tititang ti ititsikunn-yi ta-yi be, ti a kyae tsi ba.

Ititatso 1:20

Imbyi atitaen itsongfaen ti afu sae kujwo rici-m, ti iken fitila itsongfaen yine ta re. Iken fitila itsongfaen yi si ambub ande Rimam itsongfaen. Atitaen itsongfaen yi ama si ande ti atom itsongfaen ti ta risu-ba.”

Ititatso 12:4

Ukyén-wu shir pu atitaen kujwo kyab kinjo jwunnsi ba yi utense u yata kujwo kyab ita tsi ti atang. Usang ti ricwu titibi wu, tsi uwe unda wu ti ku pwe umbae wune ikyaen ti, kiye ti unda wu a mbae pu wu, awu na u kwerra umbae wu menn si.

Ititatso 14:7

Awu ri ira ti ribom baa, “Ni kyen ikyenricwu Rimam, ti ni nda wu kuko, ikyaen ti, kiye rikwen-wu ta ajwo. Ni fen Rimam, awu ti mam apupwen ti riben ti uyinn ti ukab meme.”

Ititatso 16:4

Atom ti ita yaen ana-wu si uwae unyim, ti uyáng, ti ukab, ti isatsub, ama meme-yi kafe anying.

Ititatso 6:13

Kititaen ti apupwen mbub ru, u jwunn si ba yi riben pangma awaen kututung ti tikong, ti ufunn ti ribom a ku kae, ayi ku suskun.

Ititatso 8:7

Itikucang kunn ana-wu, ama akóng upwen ti urwa, naafa te anying, yaen si utense. Kujwo kyab iki na utense twen mbub, ya ta ajwo kyab ifaen. Kujwo kyab iki na ituku twen mbub, ya ta ajwo kyab ifaen. Meme irum ti tirisub twen mbub tag.

Ititatso 9:1

Ti atom ti itsong kunn kutumu-wu, ame sae kititaen iki jwunnsi apupwen ba yi utense. A nda wu iken ufu na kukwae ti itikunntsi-wu ta-yi be.

Ititatso 9:15

Ikyaen yine, atom Rimam ti apupwen inje ba ti tsi mam pu ba ti ujwin ikyaen kiye wune, ti usir wune, ti ishaen wune, ti kusang wune, a saen ba ta ti aba na ka wen kujwo kyab kinjo na ande ti utense.

Ititatso 9:18

Kujwūnn titibi ita yine, urwa, ti akyang, ti umung ipung ti ku tutwen ti ruye unju kakum yine, twenji ande kujwo kyab kinjo uwae ita na ande ti utense.