Ititatso 7:9 - Kutsingken Ira Rimam ti Saen Kyag

⁹ Isim ayine ame sae ujwunn ande ti funn, ti unde u pwen tu-wu aba be, ti ruye uwae utso ande meme, ti uwae rishi ande meme, ti uten ti ta uwae utense patag ti unju-ba txi txi. Aba tsi uwe kutxomkwe ti uwe Mbae utam wu. Aba si arun titsen u ye su asaen itu ajwo-ba.

Ititatso 7:9 Iomraidhean Croise

Kucangtsi 13:16

Ame u nda itso-fu u jwunn pangma isa riben, asiti unde a pwen tu isa riben, aba u pwen tu rishi-fu ama.

Kucangtsi 49:10

Kutxomkwe u ta kunn ti ishikununn Yawuda. Ukum Ukwe ama u si kunn ana anyisu Yawuda, se kiye ti unde wu ti ukum wu si ana-wu a ba mbe pu wu awu uwog-wu. Ambukwen ande u ba nae risu riben na wu.

Daniyel 4:1

Ira ti ru uwog ukwe Nebukanezar ba uwog meme ande, ti ambukwen ande, ti unju uten uten ti ta utense ta re. Kujimshwur-ni ā ko ra fufa.

Daniyel 6:25

Ama ukwe Dariyusi bae atsingken shag kyife ambukwen ande ti unju uten uten ti ta utense baa, “Kujimshwur ā si ana-ni.

Luka 12:1

Uwae kiye wu ti ande kumbub kumbub funn u ku tur atso tur, Yesu tawe ri te ande ti awu ku kwen na ba baa, “Ni nung ijwe-ni nyinyang ti yisiti ti ku nda ande ti kumbub Farisi ndub ijwe. Ayi si ira ti kufur-ba.

Luka 21:36

Ni tsi ti ujwin ko kiye titini. Ni jwam Rimam ti wu nda ni ribom ijwe ti ni nwangruye uwae iken yine meme ti ku ba, ti ani u ru ba tsi kutxuwe Umbae Unde.”

Yohana 12:13

Ikyaen yine aba pye asaen itu u pu ti a na u ru ka kyang te wu fengo. Aba nyae ira baa, “Ti teb Rimam roo! Itinyang ā ta risu awu ti ba yi rinyi Rimam!”

Roma 11:25

Ameinja, ira ti kitam iki ta atang ti ame ku sha ti ni na nung nyinyang, ikyaen ti ni na ndub pang-ni ijwe uwae ben-ayib-ni be. Ripye ande ti Isirela kwen kyi utob-ba, amaa, ayine u ka-yi uwe be, se kiye ti ujwunn ande ti Rimam ku sha uwae ande ti si-ba Mbayawuda be a sang ba pu ba.

Afisa 6:13

Ikyaen yine, ni pu isu rika na Rimam si ikyaen ti kiye ti rika a byagkwan, ani u nde tu ti ni tsi ti kpakang-ni. Ama ti rika a mam pu yi, ani u tsi ti atang.

Mbaibrane 11:12

Ko ti Ibrahim kyáen mbeb pu wu ti yi nyangskeb ti wu cwu-wu tiri, Rimam nda wu, awu kinjo-wu mbae jwunn uten. Anyisu-wu, ande u pwen tu-ba aba be, ikyaen ti, a ko pangma aswer ti ta apupwen, ti isa riben.

Mbaibrane 12:22

Amaa, ana ni, ani ba pu ni umbyi Rikwen Siyon, ti si uten Rimam, awu ti site unyang. Ayi si Urushelima ti apupwen, uwog ti ujwunn atom Rimam ti apupwen ku shwam ashwu atang.

Ititatso 11:15

Isim ti atom Rimam ti apupwen ti itsongfaen kunn kutumu-wu, a fxen afxenjwin ti ribom ku nghae ira apupwen u ku ri baa, “Kujwokwe utense kafe pu yi ana Itsekuru-ti Rimam ti ana Kristi, Unde ti awu Tsab Tsi. Awu u nae ukwe risu utense, ru fife yi uwe.”

Ititatso 22:3

Meme iken ti Rimam faen yi kufaen u ta-yi uwae uka atang be. Kutxomkwe Rimam ti ana Mbae Utam, u ta uwae atang. Ama apyi na Rimam u fen wu atang.

Ititatso 3:18

“Tine, kumyae-m si ti, afu na jaeb ayib zinariya uwog-m, zinariya ti a fufug te urwa, ikyaen ti fu kafe unde ti rifunn. Jab atupwa ti tsen ti fu pu cwunnkyi ribam-fu, ikyaen ti ande ā sae-ba rukwae-fu be. Jab acin ti fu kam si ayib-fu, ikyaen ti fu sae uwog paenine.

Ititatso 4:4

Ame sae atxomkwe iki ka rikom asu inje, tā pakob kutxomkwe wune. Ande ndufu rikom asu inje, si atupwa ti tsen, u bur ubur ukwe ti a kyae yi te zinariya, u somtsa risu atxom ukwe yine.

Ititatso 5:11

Cwucwo ame sae, u fxen afxenjwin atom Rimam ti apupwen, munnae shin, itipwen-yi ta-yi be. Aba jwunn pangma isa riben, u tsi pakob kutxomkwe wu, ti iken inje ti ku nyang unyang, ti ande ndufu bane.

Ititatso 5:9

Ama aba yang kukyang tishe baa, “Afu ko pu fu ti fu mbe kupwa wune, u mbubta wu, ikyaen ti, a wen fu. Ti anying-fu, afu jaeb mbe utso ande, ti unju ande, ti ambukwen ande txi txi txi.

Ititatso 6:11

Isim ayine, a nda ko unde titini uwae-ba arun ti titsen, u ri te ba baa, “Ni tsi tum titawe, se iken ti ujwunn arwan wande-ni ti ameinja-ni ti a u wen ba pangma ti a wen ni, a ren pu-yi.”

Ititatso 7:8

Ande kumbub rijwe asu ifaen ruye rishi Zebulun, ande kumbub rijwe asu ifaen ruye rishi Yusufu, ande kumbub rijwe asu ifaen ama ruye rishi Benjamin.