Ititatso 7:2 - Kutsingken Ira Rimam ti Saen Kyag

² Ama ame sae kyi atom Rimam ti apupwen iki tsoye kujwo usir ti kiskinn ku ba, u ye su sitami Rimam awu ti tsi yiyer, kujwo-wu. Awu kunn atom inje bane, ti a nda ba kuko ti a na ndembeb utense, ti uyinn,

Ititatso 7:2 Iomraidhean Croise

Matiyu 16:16

Siman Bitrus ri te wu baa, “Afu si Unde ti Rimam Tsab Tsi ti wu nwangru utense. Afu si Umbae Rimam, Rimam ti site unyang.”

Matiyu 26:63

Yesu mbub-wu unju be. Unde ti uwe wune ri te wu baa, “Ame ku jwam fu yi rinyi Rimam ti site unyang, ben uben ti ri te ti nee afu a si Unde wu ti Rimam Tsab Tsi, awu Umbae Rimam.”

Yohana 6:27

Ni nung! Ni nde-ni wande ikyaen wuci ti ku mamam be. Ni kwab ti ni tu itso wuci ti ku nda ande unyang ti tsi kukunn, ayi itso wuci wune Umbae Unde u nda ni. Ayi si si awu ti Rimam Itse cwe pu wu ira-wu.”

2 Korinti 1:22

u taen ti iwaen ti ku tso baa, ati na si ana-wu. Awu nda ti Kusung-wu uwae riyaen utob-ti ikyaen ti ayi ā tso baa, itinyang-wu u ru ba kang risu-ti.

Afisa 1:13

Ama ani ti si-ni Mbayawuda be fxen pu ni ira ti tinyang risu itinwangru-ni ama. Ti ani fxen ira ti kubenti yine, ani ru uwae kinjo uwae-yi. Rimam taen ni awaen uwe yi fengo na Kusung ti Saen kyag ti awu sa sang utob-ni, nee awu yer unju risu-wu ti kucang.

Afisa 4:30

Ni ndembeb-ni Kusung Rimam utob be, ikyaen ti, Kusung si awaen ti a yer riyaen utob-ni ti tatso baa, ani na si ande Rimam ti wu ba saen-ni ta uwae usir itinwangru.

1 Tesalonika 1:9

Ikyaen ti, aba ti ku ri te ti fengo ti ani kyangte ti uwog-ni ti ajwo ifaen, ti fengo ti ani ya ira apxin ta u ba putsa ira Rimam, ama tine ani na ku fen Rimam, awu ti site unyang u si Rimam ti kubenti.

2 Timoti 2:19

Amaa, imbyi kusog ti Rimam tā, tsi ti atang ti ribom-wu. Ama a kwa pu ba kujwo atang baa, “Rimam Itsekuru nung pu wu ande ti si ana-wu.” Cwucwo, “Unde titini ti ri baa, awu na si ana Itsekuru-ti Rimam, awu ā ya ikentitibi-wu ta.”

Mbaibrane 12:22

Amaa, ana ni, ani ba pu ni umbyi Rikwen Siyon, ti si uten Rimam, awu ti site unyang. Ayi si Urushelima ti apupwen, uwog ti ujwunn atom Rimam ti apupwen ku shwam ashwu atang.

Ititatso 1:3

Itinyang ā si ana unde ti ku pwen ira yine tso ise na ande. Itinyang ā si ana ande ti naa atong ku fxen iskin ti ya yine, u nae risu riben te ira ti a bae uwae kutsingken wune, ikyaen ti, kiye fer ku pu wu.

Ititatso 10:1

Tiri ame sae atom iki ti kpag timambe si apupwen ku ba yi riben. Kubyi kukyi wu pangma kutupwa ti yiyáb, usirwowo ta risu-wu. Kutxuwe-wu ku jaen wur wur pangma usir. Afxen-wu pangma kufwá urwa.

Ititatso 10:4

Isim ti imam itsongfaen yine taen, ame ku pwen ti m bae ira yi ti ame fxen, ama ame fxen afxenjwin si apupwen ba baa, “Ira ti afu fxen uwae imam itsongfaen ti taen ne, ayi ku cwucwe, bae-fu ayi be.”

Ititatso 16:12

Isim ayine, atom ti itsongnjo yaen ana-wu si uwae uyinn Yufiretis. Ambyi uyinn wune fenwam, u ya fengo ta ti abikwe ti ta uwe usir ti kiskinn, u ba putsa atang.

Ititatso 5:2

Ama ame sae atom iki ti kpakang, ku ya iski te ufxenjwin ti ribom baa, “Aye wu ti ko ti wu mbubta kupwa wu ti a fxifxeb ne?”

Ititatso 8:3

Tiri atom Rimam ti apupwen kinjo ba tsi uwe kuta zinariya, uwog ti a ku twen ikentitwen atang na Rimam. Kuseb zinariya ta kujwo-wu. A nda wu umung iken ti ku nung kuyang yang-yi, ti wu na twen yi risu kuta zinariya, ti tsi uwe kutxomkwe atang na Rimam, renfa te itijwam meme ande Rimam ti sisaen ti a ku jwam.

Ititatso 9:14

Ayi ku ri te atom ti itsongnjo ne ti site kutumu baa, “Ru ka saen atom inje ti a kya ba unju uyinn tiyang ti Yufiretis, ta.”

Ititatso 9:4

A ri te yi baa, ayi na ci ndembeb-yi irum ko afub ko ituku tirisub iki utense be, amaa, ayi na sha nyáng ande ti a kum ba sitami na Rimam kutxuwe-ba be.