Ititatso 7:17 - Kutsingken Ira Rimam ti Saen Kyag

¹⁷ Ikyaen ti, Mbae utam wu ti tsi konje kutxomkwe, ti u shi ba. Awu ti tae ba ru yi isatsub ambyi unyang ti tsi kukunn, ama Rimam u fen ba aten ayib.”

Ititatso 7:17 Iomraidhean Croise

Matiyu 2:6

‘Afu Betilami, ti ta uwae uten Yawuda, afu si-fu uten ti isim uwae uka tiyang tiyang na uten Yawudiya be, ikyaen ti, unde ti site kuko u ruye uwog-fu ti u ru ba nae ukwe risu ande-m Isirela.’ ”

Matiyu 5:4

Itinyang si ana ande ti ku byir utob, ikyaen ti, Rimam u ri jim ba utob.

Yohana 10:11

“Ame ti si ukwe asinn ti ti shi. Unde ti ku nungkyi asinn nyinyang ku cwe ti wu na u cwu ikyaen iken ti shi-wu.

Yohana 10:14

Ame ti si ukwe asinn ti ti shi. Ame nung pu m mbawen-m ayi. Ayi ama nung pu yi ame.

Yohana 4:10

Yesu ri te wu baa, “A baa, afu na nung rinyangwae Rimam ko afu na nung unde wu ti ku jwam fu ambyi ne, afu ú jwam pu fu awu, awu ama u nda fu ambyi ti ku nda unde unyang.”

Yohana 4:11

Unda wu ri te wu baa, “Unde tiyang, kukwae ambyi wu jang timambe, afu ama si-fu te guga ti ku shir ambyi atang be. Afu u tu-fu ambyi yine aka ti ku nda ande unyang?

Yohana 4:14

Amaa unde ti a ngwa ambyi ti ame ku ri ne, awu u fxen-wu unwaen cwucwo be, ikyaen ti, ambyi yi ti ame u nda wu u ba kafe pangma ambyi ti ku tso riben. Ayi u nda wu unyang ti tsi kukunn.”

Wande Atom 20:28

Ni som ti ujwin ti ni nungkyi iken ti ti shi ti Kusung ti Saen Kyag nda ni kujwo. Ni si ande ti ku shi ande na Rimam, ti awu sa ba kafe ande-wu ikyaen iticwu na Umbae-wu Yesu.

1 Bitrus 5:2

Ni shi iken ti shi ti Rimam pu na ni, ti ni nungkyi ba nyinyang ti utob-ni kinjo, pangma ti Rimam ku sha ti ni na shi ba. Ni nde-ni ayi pangma a na tur ni tur be. Ayi ā si-yi ikyaen ti ni u sha aser atang be, amaa, ni nde yi ikyaen ti ayi si utob-ni.

Ititatso 14:4

Aba si ande ti kam ndembeb-ba ijwe-ba yi anda ti nae be, ti som cwucwe. Ayi si abane ti ku putsa Mbae Utam ko aka ti wu a ku ru meme. A jaeb mbe pu ba ande bane uwae ande ti utense. Aba pangma usen wuci ti a pu na Rimam, u pu na Mbae Utam wu.

Ititatso 21:22

Ame nung-m kusog Rimam uwae uka wune be, ikyaen ti, Rimam Itsekuru-ti ti site kuko patag, ti Mbae Utam, aba ti si kusog wu ti risu-ba.

Ititatso 21:23

Uka wu ku sha-wu uwog ti saen na usir ko ushaen be, ikyaen ti, riyinn na Rimam nda wu saen paenine. Mbae Utam wu ama ti si fitila uka wu.

Ititatso 21:4

Awu u fen na ba aten ayib. Aba u cwu-ba cwu cwucwo be, ricwu ti ti ten ti ira ti jwub ama u ta-yi cwucwo be. Acaeb u ye-yi aba cwucwo be, ikyaen ti ayine si iken ti kute ti wur ru pu yi.”

Ititatso 21:6

Awu ri kyi te m baa, “Ayi nde pu yi. Ame ti si ti kucang u si ti ricwunnkyi. Ande ti unwaen a ye ba, ame u txi ambyi isatsub na unyang, na ba uwae rinyangwae.

Ititatso 22:1

Isim ayine, awu atom wu tatso m uyinn ti site ambyi na unyang. Ambyi wu saen kyakyag, u pang ruye uwog kutxomkwe na Rimam, ti ana Mbae Utam.

Ititatso 4:11

“Rimam Itsekuru-ti, afu pang pu fu ti fu paembe riyinn ti kuko, ti a u nung fu te rurob. Afu ti mam iken meme, ayi si utob-fu nee afu mam yi, ama ayi tsi.”

Ititatso 5:6

Ama ame sae Umbae utam iki tsi kutampwa kutxomkwe wu te iken ti ku nyang unyang inje ti ta kutampwa ande ndufu bane. Umbae utam wune si pangma a na yerwen pu ba wu, ama site ishin itsongfaen ti ayib itsongfaen. Iken itsongfaen itsongfaen yine ku tatso Asung ti saen kyag na Rimam itsongfaen ti a tom shag kyife utense meme.